ព័ត៌មានផ្សេងៗទៀត
ឯកឧត្តមបណ្ឌិត អ៊ុក រ៉ាប៊ុន ជួបពិភាក្សាជាមួយ ឯកឧត្តម Ma Mingquiang អគ្គលេខាធិការនៃមជ្ឈមណ្ឌលអាស៊ាន-ចិន និងលោកស្រី Wang Jin មន្ត្រីក្រសួងវប្បធ៌មចិន
ចេញផ្សាយ ២៣ មករា ២០១៨ 2289
នៅថ្ងៃទី ២ ខែ មករា ឆ្នាំ២០១៤ ចាប់ពីម៉ោង ៩ ដល់ ម៉ោង ១០ និង ៣០ នាទី ព្រឹក ឯកឧត្ដមបណ្ឌិត អ៊ុក រ៉ាប៊ុន រដ្ឋមន្ដ្រីក្រសួងកសិកម្ម រុក្ខាប្រមាញ់ និងនេសាទបានអនុញ្ញាតជូន ឯកឧត្ដមMa Mingquiang អគ្គលេខាធិការនៃ ASEAN China Centre (មជ្ឈមណ្ឌលអាស៊ាន-ចិន) និងលោកស្រីWang Jin មន្ដ្រីក្រសួងវប្បធម៌ចិន ចូលជួបសម្ដែងការគួរសម និង ពិភាក្សាការងារ នៅទីស្ដីការក្រសួង ។
បន្ទាប់ពីបានសម្ដែងការគួរសមរួចមក ឯកឧត្ដម Ma Mingquiang បានជម្រាបថាមជ្ឈមណ្ឌលខាងលើជាអង្គការអន្ដរ រដ្ឋាភិបាល ដែលបង្កើតឡើងដោយរដ្ឋជាសមាជិកអាស៊ានទាំង ១០ និងចិន នៅឆ្នាំ ២០១១ ដោយមានគោលបំណងបម្រើ និង ជំរុញកិច្ចសហប្រតិបត្ដិការរវាងរដ្ឋជាសមាជិកអាស៊ាន និងប្រទេសចិន ក្នុងវិស័យពាណិជ្ជកម្ម វិនិយោគ អប់រំ វប្បធម៌ និងទេស ចរណ៍ ហើយគោលបំណងសំខាន់នៃជំនួបនេះ គឺដើម្បីជំរុញអនុវត្ដឱ្យចេញជាផ្លែផ្កានូវកិច្ចសហប្រតិបត្ដិការវិនិយោគ ក្នុងវិស័យកសិកម្ម បន្ទាប់ពីបានពិគ្រោះយោបល់ជាមួយឯកអគ្គរដ្ឋទូតកម្ពុជាប្រចាំនៅទីក្រុងប៉េកាំង ។ ភាគីលោកដឹងច្បាស់ថាកម្ពុជាមានវិស័យ កសិកម្មជាស្នូលសេដ្ឋកិច្ច ហើយកំពុងបង្កើនការនាំចេញផលិតផលកសិកម្មជាប្រចាំ ហើយចិនក៏ជាប្រទេសកសិកម្មមានបច្ចេកវិទ្យា ទំនើបមួយចំនួន ដែលរំពឹងថានឹងអាចមានសក្ដានុពលក្នុងការអនុវត្ដកិច្ច្ចសហប្រតិបត្ដិការ ដើម្បីភាពរីកចម្រើនរួមគ្នា ។
ដើម្បី សន្ដិសុខស្បៀង ចិនព្យាយាមបង្កើនផលិតកម្ម និងបន្ដនាំចូលស្រូវអង្ករ ។ នាពេលថ្មីៗនេះ គេបានបង្កើត ASEAN Investment Consortium ជា Umbrella organization ដោយមានសមាជិកជាអ្នកវិនិយោគឆ្នើម ដែលត្រូវបានជ្រើសរើសពីក្នុងចំណោម បណ្ដាញវិនិយោគិនចិនប្រមាណ ៣៥,០០០ ។ សម្រាប់កិច្ចការប្រទេស មជ្ឈមណ្ឌលនេះបានបង្កើត Cambodia Investment consortium គ្រប់គ្រងដោយគម្រោងមួយ ដែលមានថវិកា ៣៨,០០០ លានយន់ ដែលផ្ដោតលើវិស័យជាច្រើន រួមទាំងកសិកម្ម។
កម្ពុជាអាចប្រើប្រាស់ទីនោះដើម្បីបង្ហាញពិភពលោកឱ្យឃើញ និងយល់ដឹងកាន់តែច្បាស់អំពីផលិតផល និងសក្ដានុពលភាពកសិកម្ម របស់ខ្លួន។ មានក្រុមហ៊ុនចិនជាច្រើនចាប់អារម្មណ៍អំពីការវិនិយោគលើការផលិត ឆ្លាក់ និងនាំចេញគ្រឿងសង្ហារឹមដែលអាចបន្ថែម តម្លៃរហូតដល់ ២ ដង ហើយអាចប្រើប្រាស់វត្ថុធាតុដើមតិចជាង រហូតដល់ ៣ ដង បើប្រៀបធៀបនឹងតម្លៃ និងរបៀបផលិត សព្វថ្ងៃ។ ភាគីចិនក៏បានលើកជាជម្រើសដើម្បីជំរុញលើកទឹកចិត្ដកសិករដែលមានដីស្រែចម្ការតូចឱ្យផ្គុំចូលគ្នាក្នុងទម្រង់ជា សហករណ៍ ឬ សហគមន៍កសិកម្ម ហើយធ្វើឱ្យគាត់ក្លាយជាម្ចាស់ភាគហ៊ុន ។ ព្រោះថាគឺជាការលំបាកនឹងបង្កើនផលិតភាព និង ទិន្នផលសម្រាប់ ដីស្រែចម្ការតូចៗ មានន័យថា ជាការចំបាច់ដែលត្រូវបញ្ចូលប្រើប្រាស់បច្ចេកវិទ្យាទំនើប គ្រឿងយន្ដកសិកម្ម និង ធាតុចូលល្អៗ ។ ចិនមានបទពិសោធន៍ធ្វើឱ្យទិន្ន ផលស្រូវនៅឥណ្ឌូណេស៊ីដែលធ្លាប់តែបាន៥-៦ តោន ឱ្យកើនរហូតដល់ ១៣,៥ តោន/ហិកតា ។ គេ បានបង្កើនមជ្ឈមណ្ឌល ផលិតពូជស្រូវនៅប្រទេសហ្វីលីពីន ព្រោះចិនមានលក្ខខណ្ឌអាកាសធាតុខុសពីប្រទេសអាស៊ាន។ ចិនក៏ តែងយកចិត្ដទុកដាក់អំពី ការទប់ស្កាត់ការធ្វើឱ្យខូចបរិស្ថាន ជាពិសេស ឱនភាពដីដូចជាការហូរច្រោះជាដើម ។
ឯកឧត្ដរដ្ឋមន្ដ្រី ក៏បានថ្លែងអំណរគុណ និងក្ដីសោមនស្សរីករាយដោយបានជ្រាបអំពីបំណងល្អរបស់ភាគីចិន ក្នុងការជំរុញ អនុវត្ដកិច្ចសហប្រតិបត្ដិការ ជាពិសេសលើវិស័យកសិកម្ម ។ រាជរដ្ឋាភិបាលកម្ពុជាក៏យកចិត្ដទុកដាក់ខ្លាំងលើសន្ដិសុខស្បៀង ដោយ មានវិស័យកសិកម្មជាផ្នែកដ៏សំខាន់នៅក្នុងយុទ្ធសាស្ដ្រចតុកោណ ។ កម្ពុជាមានបំណងនាំចេញអង្ករឱ្យបានយ៉ាងតិច ១ លានតោន ត្រឹមឆ្នាំ ២០១៥ ហើយឆ្នាំទៅ យើងនាំចេញបានតែប្រមាណ ០,៤ លានតោន ។ ដូច្នេះ គឺត្រូវជំរុញ និងបង្កលក្ខណៈងាយស្រួលជូន វិនិយោគិនក្នុងស្រុក និងមកពីបរទេសឱ្យបង្កើនការវិនិយោគលើផលិតកម្ម កែច្នៃ និងនាំចេញអង្ករ ។ ដើម្បីជំរុញវិនិយោគ និង កំណើនសេដ្ឋកិច្ច រាជរដ្ឋាភិបាលធ្លាប់ផ្ដល់ដីសម្បទានសេដ្ឋកិច្ច ប៉ុន្ដែទើបនឹងផ្អាក ។ ឯកឧត្ដមរំពឹងថាភាគីចិននឹងផ្ដោតលើការកែច្នៃ និងបម្លែង ឬ កិនស្រូវជាអង្ករ ហើយនាំចេញ ។ មានវិនិយោគិនជាច្រើនបាន និងកំពុងផ្ដោតលើម៉ាស៊ីនកិិនស្រូវ តែគេពុំប្រាកដថា អាចប្រមូលទិញស្រូវដែលមានគុណភាពបានគ្រប់គ្រាន់ ។ ដូច្នេះត្រូវគិតគូរឱ្យបានល្អ ហើយបើអាច គួរធ្វើការសិក្សាអង្កេតពិនិត្យ អំពីស្ថានការណ៍ជាក់ស្ដែង និងកិច្ចការដែលគួរអនុវត្ដ ឬ ពង្រឹង ។
បន្ទាប់ពីភាគីចិនបានថ្លែងអំណរគុណចំពោះការចំណាយពេលវេលាដ៏មានតម្លៃដើម្បីទទួលជួប និងគោរពអញ្ជើញឯកឧត្ដម រដ្ឋមន្ដ្រី និងសហការីចូលរួមទស្សនាការសម្ដែងសិល្បៈវប្បធម៌ជនជាតិភាគតិច ដែលរៀបចំដោយក្រសួងវប្បធម៌ចិន នៅសាល សន្និសីទចតុមុខ នៅម៉ោង ១៩ និង ៣០ នាទី នាថ្ងៃដដែលនេះ ជំនួបពិភាក្សា ខាងលើត្រូវបានបញ្ចប់ប្រកបដោយភាពស្និទ្ធស្នាល និងទទួលខុសត្រូវខ្ពស់ ។
ចេញផ្សាយ ១៩ កញ្ញា ២០២៤ 105
ឯកឧត្តមរដ្ឋមន្ដ្រី ឌិត ទីណា បានអនុញ្ញាតិឱ្យអង្គការ Swisscontact Cambodia ជួបសំដែងការគួរសម និងសូមការណែនាំជាផ្លូវការនូវនាយកប្រចាំប្រទេសរបស់អង្គការ និងការលាលែងរបស់អតីតនាយកប្រចាំប្រទេស របស់អង្គការ Swisscontact Cambodia
ចេញផ្សាយ ១៩ កញ្ញា ២០២៤ 106
សេចក្ដីប្រកាសព័ត៌មានរួម ស្ដីពី កិច្ចប្រជុំអន្តរក្រសួងលើកទី២ ស្ដីពីការសម្របសម្រួលការអនុវត្តកម្មវិធីនយោបាយ និងសកម្មភាពដែលពាក់ព័ន្ធនឹងសហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូ
ចេញផ្សាយ ១៩ កញ្ញា ២០២៤ 109
ឯកឧត្តមរដ្ឋមន្ដ្រី ៣រូប រួមគ្នាដឹកនាំកិច្ចប្រជុំអន្តរក្រសួងលេីកទី២ ស្ដីពីការងារកសិកម្ម អភិវឌ្ឍន៍ជនបទ និងធនធានទឹក
ចេញផ្សាយ ១៩ កញ្ញា ២០២៤ 135
ឯកឧត្តមអនុរដ្ឋលេខាធិការ ទឹម បូរក្ស បានដឹកនាំកម្លាំងចម្រុះ ចុះបង្ក្រាបបទល្មើសនេសាទ នៅស្រុកកងមាស ខេត្តកំពង់ចាម
ចេញផ្សាយ ១៨ កញ្ញា ២០២៤ 167
លោកជំទាវអនុរដ្ឋលេខាធិការ អ៊ឹម រចនា ទទួលជួបសំណេះ សំណាលជាមួយគណៈប្រតិភូ និងថ្នាក់ដឹកនាំនៃសមាគម នាវាយុវជនអាស៊ីអាគ្នេយ៍ នៅទីស្តីការក្រសួងកសិកម្ម រុក្ខាប្រមាញ់ និងនេសាទ
ចេញផ្សាយ ១៨ កញ្ញា ២០២៤ 155
ឯកឧត្តមរដ្ឋមន្ត្រី ឌិត ទីណា ទទួលជួបសម្តែងការគួរសមជាមួយក្រុមហ៊ុន សិលា ផិបភេីរ ខូអិលធីឌី
ចេញផ្សាយ ១៨ កញ្ញា ២០២៤ 155
ឯកឧត្តមអនុរដ្ឋលេខាធិការ គី ច័ន្ទរំដួល បានអញ្ជីញដឹកនាំក្រុមការងារ ចុះពិនិត្យគម្រោងព្រៃលំហែកម្សាន្ត និងសួនអាស៊ាន-កូរ៉េ ក្នុងតំបន់ស្ដារ និងអភិវឌ្ឍន៍ព្រៃឈើ «បន្ទាយស្រី» ខេត្តសៀមរាប
ចេញផ្សាយ ១៧ កញ្ញា ២០២៤ 183
ឯកឧត្តមរដ្ឋមន្ត្រី ឌិត ទីណា អញ្ជើញជាគណៈអធិបតីក្នុងពិធីចុះហត្ថលេខាលើអនុស្សរណៈយោគយល់គ្នារវាងក្រសួងកសិកម្ម រុក្ខាប្រមាញ់ និងនេសាទ និងសាជីវកម្មធានាឥណទានកម្ពុជា (CGCC)
ចេញផ្សាយ ១៧ កញ្ញា ២០២៤ 186
ឯកឧត្តមរដ្ឋមន្ត្រី ឌិត ទីណា ដឹកនាំកិច្ចប្រជុំពិភាក្សាស្តីពី «សេចក្តីព្រាងផែនការកិច្ចសហប្រតិបត្តិការរវាងរាជរដ្ឋាភិបាលកម្ពុជា និងរដ្ឋាភិបាលសាធារណរដ្ឋប្រជាមានិតចិន ស្តីពីការអភិវឌ្ឍរួមគ្នាក្នុងច្រករបៀងមច្ឆា និងអង្ករ»
ចេញផ្សាយ ១៧ កញ្ញា ២០២៤ 179
ឯកឧត្តមអនុរដ្ឋលេខាធិការ ខាត់ សុធី អញ្ជើញដឹកនាំសម្របសម្រួលវគ្គបណ្តុះបណ្តាល Farmbook App ដល់មន្ដ្រីកសិកម្មឃុំ ក្នុងខេត្តព្រៃវែង
ចេញផ្សាយ ១៧ កញ្ញា ២០២៤ 191
ឯកឧត្តមឡោ រស្មី អនុរដ្ឋលេខាធិការ អញ្ជើញជាអធិបតីបើកវគ្គបណ្តុះបណ្តាលដល់អាជីវករដែលមានបំណងធ្វើពាណិជ្ជកម្មពាក់ព័ន្ធនឹងជី-ថ្នាំកសិកម្ម នៅខេត្តសៀមរាប
