ការប្រយុទ្ធប្រឆាំងការប្រើប្រាស់គ្រឿងញៀនឱ្យមានប្រសិទ្ធភាព​ លុះត្រាតែ​មានការចូលរួមពីគ្រប់ភាគីទាំង​អស់​ ព្រម​ទាំងការ​ផ្សព្វផ្សាយ​ អប់រំ និងរាយការណ៍ផងដែរ

ចេញ​ផ្សាយ​ ១៨ ធ្នូ ២០២៥ 2371

និស្សិតជ័យលាភីនៃ​វិទ្យាស្ថាន​ជាតិ​កសិកម្ម​កំ​ពង់​ចាម​ ក្នុងកម្មវិធីប្រកួតប្រជែងវោហារកោសល្យ ក្នុងការផ្សព្វផ្សាយ អប់រំ ការប្រយុទ្ធប្រឆាំងការប្រើប្រាស់គ្រឿងញៀន បានបង្ហាញក្ដីសោមនស្សរីករាយយ៉ាងខ្លាំងដែលបានចូលរួមប្រកួតប្រជែងក្នុងកម្មវិធីនេះ ដោយបានទទួលព័ត៌មាន ចំណេះដឹងថ្មីៗជា​ច្រើន​ពាក់ព័ន្ធ​បញ្ហា​គ្រឿង​ញៀន​សម្រាប់យកទៅផ្សព្វផ្សាយបន្តជូនដល់សមាជិកគ្រួសារ មិត្តភក្តិ និងសហគមន៍ឱ្យ​បាន​ទូលំទូលាយ​។ ក្នុងឱកាសនោះ តំណាងក្រុមនិស្សិតជ័យលាភីក៏បានលើកឡើងផងដែរថា បញ្ហាគ្រឿងញៀន គឺជា​បញ្ហារបស់យើងទាំងអស់គ្នា មិនមែនជាបញ្ហារបស់អ្នកណាម្នាក់ ឫ​ស្ថាប័ន​ណា​មួយ​នោះ​ទេ​ ហើយដើម្បីទប់ស្កាត់ កាត់បន្ថយ ឬប្រយុទ្ធប្រឆាំការប្រើប្រាស់គ្រឿងញៀន​ឱ្យ​មានប្រសិទ្ធភាព លុះត្រាតែមានការចូលរួមពីគ្រប់ភាគីទាំង​អស់​ ទាំងការងារផ្សព្វផ្សាយ អប់រំ បង្ការ​ ទប់ស្កាត់​ និងត្រូវរាយការណ៍ទៅអាជ្ញាធរពាក់ព័ន្ធ ដើម្បីចាត់វិធានការឱ្យបានទាន់ពេលវេលា៕