ព័ត៌មានផ្សេងៗទៀត
ឯកឧត្ដមអនុរដ្ឋលេខាធិការ ទឹម បូរក្ស និងក្រុមការងារអញ្ជើញចុះជួបសំណេះសំណាលជាមួយកសិករដាំដុះបន្លែ របស់សហគមន៍កសិកម្មអភិវឌ្ឍន៍ថ្មី ក្នុងស្រុកពាមជរ ខេត្តព្រៃវែង
ចេញផ្សាយ ២១ ធ្នូ ២០២៤ 811
នៅថ្ងៃទី១៨ ខែធ្នូ ឆ្នាំ២០២៤ ឯកឧត្ដម ទឹម បូរក្ស អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ អមដំណើរដោយ លោក អ៊ុក សំណាង ប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តព្រៃវែង និងមន្ត្រីជំនាញ បានអញ្ជើញចុះជួបសំណេះសំណាលជាមួយកសិករ និង ពិនិត្យការដាំដុះ ប្រមូលផលបន្លែនៅសហគមន៍កសិកម្មអភិវឌ្ឍន៍ថ្មី ស្ថិតនៅភូមិដីស្រុត ឃុំកោះរកា ស្រុកពាមជរ ខេត្តព្រៃវែង ។
សហគមន៍កសិកម្មអភិវឌ្ឍន៍ថ្មី មានផលិតបន្លែសុវត្ថិភាពជាច្រើនមុខ សម្រាប់ផ្គត់ផ្គង់លើទីផ្សារតាមតម្រូវការអ្នកប្រមូលទិញ ដែលនៅក្នុងសហគមន៍នេះមានសមាជិកសរុប៦២នាក់ ស្រ្តី១៧។ សហគមន៍នេះបានដាំដុះដំណាំវិលជុំជាច្រើនមុខ រួមមាន៖ ខាត់ណាដើម ម្រះ ស្ពៃខៀវ ម្ទេស ត្រប់ស្រួយ ត្រប់វែង ត្រសក់ ល្ពៅ ត្រឡាច ស្ពៃជ្រក់ ពោត ពោតបារាំង ។ល៕
សូមបញ្ជាក់ថា សហគមន៍កសិកម្មអភិវឌ្ឍន៍ថ្មី មានសមត្ថភាពផ្គត់ផ្គង់ឱ្យអាជីវករអ្នកប្រមូលទិញនាំយកទៅលក់ចែកចាយនៅទីផ្សារ គួរស្រូវ ផ្សារនាគមាស រាជធានីភ្នំពេញ ក្នុងបរិមាណប្រមាណ ពី២០ទៅ២៥ តោន /ថ្ងៃៗ ជារៀងរាល់ថ្ងៃតាមតម្លៃព្រមព្រៀងគ្នា រវាងសហគមន៍ និងអាជីវករអ្នកប្រមូលទិញបោះដុំជាច្រើនរូប ដែលនេះបង្ហាញពីការចូលរួមចំណែករបស់សហគមន៍ ក្នុងការកាត់បន្ថយការនាំបន្លែចូលពីខាងក្រៅបានមួយចំណែកផងដែរ៕
