ឯកឧត្តមរដ្ឋមន្រ្តី​ ឌិត​ ទីណា​ អញ្ជើញជួបសំណេះសំណាលជាមួយសមាជិកសហគមន៍កសិកម្មទំនើបស្រូវរូងជ្រៃមានជ័យ នៅខេត្តបាត់ដំបង

ចេញ​ផ្សាយ​ ៣០ តុលា ២០២៥ 670

នារសៀលថ្ងៃទី៣០​ ខែតុលា​ ឆ្នាំ២០២៥​ ឯកឧត្តម​ ឌិត​ ទីណា​ រដ្ឋមន្រ្តីក្រសួងកសិកម្ម​ រុក្ខាប្រមាញ់​ និងនេសាទ​ បានអញ្ជើញជួបសំណេះសំណាលជាមួយសមាជិកសហគមន៍កសិកម្មទំនើបស្រូវរូងជ្រៃមានជ័យ នៅស្រុកថ្មគោល ខេត្តបាត់ដំបង។
គួរបញ្ជាក់ថា​ សហគមន៍នេះ គឺក្នុងចំណោមសហគមន៍កសិកម្មទំនើបដំណាំស្រូវចំនួន ៥ ដែលក្រសួងបានប្រឹងប្រែងជ្រោមជ្រែងចងក្រងនៅខេត្តបាត់ដំបង ហើយក្នុងចំណោមសហគមន៍ចំនួន ៦ ដែលបានចុះកិច្ចសន្យាផលិតកម្មស្រូវស្រងែស្រាលជាមួយក្រុមហ៊ុនវីរៈប៊ុនថាំ ក្នុងតម្លៃ ៩៥០៛/គីឡូក្រាម លើផ្ទៃដីដាំដុះជិត ៦៥០០ ហិកតា។
ក្រសួងកសិកម្ម​ នឹងបន្តគាំទ្រការចងក្រងសហគមន៍កសិកម្មទំនើបដើម្បីសម្រួលឱ្យពុកម៉ែបងប្អូនប្រជាកសិករធ្វើការស្ដារមកវិញ ហើយទទួលអត្ថប្រយោជន៍នៃការធានាទីផ្សារនិងតម្លៃសមរម្យតាមការចុះកិច្ចសន្យាទុកមុន ការជួយកាត់បន្ថយចំណាយថ្លៃដើម ការទទួលទុនកម្ចីមានការប្រាក់ទាប និងការផ្ដល់ជំនួយបច្ចេកទេស៕