ព័ត៌មានផ្សេងៗទៀត
ស្រូវប្រាំងនៅស្រុកសំរោងធើ្វឲ្យកសិករមានទឹកមាត់លេប
ចេញផ្សាយ ២២ មករា ២០១៨ 3564
ជាមួយនឹងការសម្រេចបាន លើសពីអី្វដែលរំពឹងទុកនោះ កសិករស្រុកសំរោង ក៏កំពុងសប្បាយចិត្តនឹងផល ដែលពួកគេទទួលបាន ខណៈដែលពេលនេះសម្រេចច្រូតកាត់បានជាង៧០ភាគរយហើយ។
លោកអភិបាលស្រុកសំរោងបានអះអាងថា កាលពីដើមសបា្តហ៍នេះថា គិតត្រឹមថ្ងៃទី២០ ខែមីនា កសិករនៅស្រុកសំរោង បានសម្រេចប្រមូលផលស្រូវប្រាំង បានចំនួនជាចំនួន៧០ភាគរយ ហើយដោយទទួលទិន្នផលជាមធ្យម៤,៥ ក្នុងមួយហិចតា ខណៈដែលផលស្រូវវស្សា ទទួលបានជាមធ្យម៣,២តោន ក្នុង១ហិចតា។
លោកបានបន្តទៀតថា កសិករនូវក្នុងស្រុកមានស្រូវសល់ច្រើន សម្រាប់តែកសិករ ពុំទាន់បានផា្លស់ទមា្លប់ក្នុងការប្រើប្រាស់ពូជប្រើជីគីមី និងថ្នាំពុលកសិកម្មច្រើននៅឡើយទេ។
មន្ទើរកសិកម្មអាជា្ញធរស្រុកកំពុងតែសហការគា្នក្នុងការផ្សព្វផ្សាយ និងធើ្វបង្ហាញជូនកសិករ អំពីបច្ចេកទេសថ្មី ដែលប្រើពូជតិចប្រើជីធម្មជាតិ និងថ្នាំពុលបុរាណជូនកសិករ។ យោងតាមរបាយការណ៍ របស់មន្ទើរកសិកម្មខេត្ត បានឲ្យដឹងថាស្រុកសំរោង ធ្វើស្រូវប្រាំងបានចំនួន១០.៤២ហិកតា ក្នុងផែនការត្រឹម៥.០០០ហិកតាប៉ុណ្ណោះ។ ជាមួយនោះក៏មានដាំណាំរួមផ្សំចំនួន២៥៧ហិកតាទៀត។
ឯកឧត្តមបណ្ឌិត ច័ន្ទ សារុន រដ្ឋមន្ត្រីក្រសួងកសិកម្ម និងសហការីបាន អញ្ជើញទៅឃុំទ្រា ស្រុកសំរោង ដែលកំពុងធើ្វស្រែប្រាំង កាលពីដើមសបា្តហ៍នេះ បានសម្តែងនូវការកោតសរសើរ ចំពោះភាពឧស្សាហ៍ព្យាយាមរបស់កសិករ បើទោះបីកន្លងទៅ បានជួបប្រទះនឹងភាពរាំងស្ងួតក៏ដោយ។
ឯកឧត្តម បានជំរុញឲ្យមន្ទើរកសិកម្មខេត្ត ត្រូវបណ្តុះបណា្តលកសិករ ឲ្យធើ្វស្រូវផ្ការំដួល ហើយពេលបានផល ត្រូវប្រមូលទិញយកធើ្វពូជវិញ។ មន្ទើរក៏ត្រូវបើកសាលាកសិករនៅទីនេះ ហើយកសិករក៏ត្រូវនាំគា្នមករៀន ដើម្បីទទួលនូវចំណេះដឹងថ្មី ទាក់ទងនឹងការធើ្វកសិកម្ម។ ជាមួយគ្នានេះកសិករ ត្រូវចងក្រងគ្នាជាសហគមគន៍ផលិតផលពូជស្រូវ សម្រាប់ទុកលក់ ពីព្រោះកសិករនៅទីនេះពិតជាអាចធើ្វទៅបាន។ ឯកឧត្តមបានអំពាវនាវផងដែរ ឲ្យកសិករបន្ថយការប្រើពូជច្រើន ដោយអនុវត្តវិធីថ្មីបន្ថយការប្រើជីគីមីនិងថ្នាំពុលកសិកម្ម។ ខណៈជួបជាមួយកសិករនោះ ពួកគេបានជម្រាបឯកឧត្តមរដ្ឋមន្ត្រីថា ពួកគេរីករាយចំពោះអ្វី ដែលកំពុងបានទទួលនេះគឺផលស្រូវហួសពីការសា្មន៕
