ឯកឧត្តមអនុរដ្ឋលេខាធិការ ឃី វិបុលបុត្រា អញ្ជើញចូលរួមវគ្គបណ្តុះបណ្តាលស្តីពី «ការគ្រប់គ្រងគ្រោះមហន្តរាយក្នុងវិស័យកសិកម្ម» ដល់មន្រ្តីកសិកម្មឃុំទូទាំងខេត្តព្រៃវែងសរុប១២៣នាក់

ចេញ​ផ្សាយ​ ២០ ធ្នូ ២០២៥ 2584

នៅថ្ងៃទី១៩ ខែធ្នូ ឆ្នាំ២០២៥ ឯកឧត្តម ឃី វិបុលបុត្រា អនុរដ្ឋលេខាធិការ និងជាអនុប្រធានក្រុមការងារគ្រោះមហន្តរាយនៃក្រសួងកសិកម្ម រុក្ខាប្រមាញ់ និងនេសាទ  និងលោកប្រធានមន្ទីរ មន្ត្រីការិយាល័យផលិតកម្មនិងបសុព្យាបាល ការិយាល័យក្សេត្រសាស្ត្រ និងលោកគ្រូបង្គោលដែលអញ្ជើញមកពីអគ្គនាយកដ្ឋានកសិកម្ម អគ្គនាយកដ្ឋានសុខភាពសត្វនិងផលិតកម្មសត្វ និងនាយកដ្ឋានផ្សព្វផ្សាយកសិកម្ម បានអញ្ជើញចូលរួមវគ្គបណ្តុះបណ្តាលស្តីពី “ការគ្រប់គ្រងគ្រោះមហន្តរាយក្នុងវិស័យកសិកម្ម" ដល់មន្រ្តីកសិកម្មឃុំទូទាំងខេត្តសរុប ១២៣នាក់។ 
ឯកឧត្តមអនុរដ្ឋលេខាធិការ បានគូសបញ្ជាក់ថា វគ្គនេះរៀបចំឡើងក្នុងគោលបំណងពង្រឹងសមត្ថភាពដល់មន្ត្រីកសិកម្មឃុំលើការងារសំខាន់ៗដូចជា  ការត្រៀមបង្ការនិងតាមដានមុននិងក្រោយគ្រោះមហន្តរាយកើតឡើង ការប្រមូលទិន្នន័យនិងរាយការណ៍អំពីគ្រោះមហន្តរាយក្នុងឃុំគោលដៅ និងផែនការសកម្មភាពដើម្បីបន្ធូរបន្ថយផលប៉ះពាល់ពីគ្រោះមហន្តរាយ។
នាឱកាសនោះឯកឧត្តមអនុរដ្ឋលេខាធិការ ក៏បានណែនាំដល់សិក្ខាកាមឱ្យយកចិត្តទុកដាក់តាមដានជាប់ជាប្រចាំនូវស្ថានភាពគ្រោះមហន្តរាយដែលអាចកើតមានឡើងនៅមូលដ្ឋានរបស់ខ្លួនផ្ទាល់រួមមាន ទឹកជំនន់, គ្រោះរាំងស្ងួត ជំងឺឆ្លងសត្វ, សត្វល្អិតចង្រៃបំផ្លាញដំណាំ និងតាមដានតម្លៃកសិផល។ ក្តាប់ឱ្យបាននូវទិន្នន័យផលិតកម្ម, តួលេខសំខាន់មានសត្វ ដំណាំនិងផ្ទៃដីស្រែ ពិសេសចំនួនប្រជាជនភៀសសឹក ដែលមកស្នាក់នៅបណ្តោះអាសន្នជាមួយបងប្អូន ឬសាច់ញាតិដើម្បីរិះរកគ្រប់មធ្យោយបាយបង្កលក្ខណ:ងាយស្រួលក្នុងការរស់នៅប្រចាំថ្ងៃ។ 
ជាចុងបញ្ចប់ឯកឧត្តមអនុរដ្ឋលេខាធិការ បានសង្កត់ធ្ងន់លើ គុណភាពរបាយការណ៍យោងទៅលើពេលវេលា, ទិន្នន័យច្បាស់លាស់និងគ្រប់ជ្រុងជ្រោយ ដើម្បីងាយដល់ការវាយតម្លៃ និងចុះធ្វើអន្តរាគមន៍ទាន់ពេល មានប្រសិទ្ធភាព និងទទួលបានប្រសិទ្ធផលខ្ពស់៕