ព័ត៌មានផ្សេងៗទៀត
ឯកឧត្តមបណ្ឌិត អ៊ុក រ៉ាប៊ុន អនុញ្ញាតជូនលោកសាស្ត្រាចារ្យ Sena De Silva តំណាងអង្គការ ACIAR និងលោកបណ្ឌិត C.V. Mohan តំណាងអង្គការ NACA ចូលជួបសម្ដែងការគួរសម
ចេញផ្សាយ ២៣ មករា ២០១៨ 2490
នៅរសៀលថ្ងៃទី១៧ ខែកុម្ភៈ ឆ្នាំ២០១៤ ឯកឧត្តមបណ្ឌិត អ៊ុក រ៉ាប៊ុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទបានអនុញ្ញាតជូនលោកសាស្ត្រាចារ្យ Sena De Silva តំណាងអង្គការ ACIAR (Australian Center for Inter-national Agriculture Research) និងលោកបណ្ឌិត C.V. Mohan តំណាងអង្គការ NACA (Network of Aquaculture Centers in Asia-Pacific) ចូលជួបសម្ដែងការគួរសម និងពិភាក្សាការងារ នៅទីស្ដីការក្រសួងកសិកម្ម រុក្ខាប្រមាញ់ និងនេសាទ។ ឯកឧត្តមរដ្ឋមន្ត្រីបានថ្លែងអំណរគុណនិងវាយតម្លៃជាវិជ្ជមានចំពោះកិច្ចសហប្រតិបត្តិការរបស់អង្គការទាំងពីរក្នុងការរួមចំណែកអភិវឌ្ឍវិស័យកសិកម្មនៅកម្ពុជា ជាអាទិ៍ ការបណ្ដុះបណ្ដាលធនធានមនុស្សដល់មន្ត្រីជំនាញវារីវប្បកម្ម ការចូលរួមសិក្ខាសាលា សន្និសីទ និងទស្សនកិច្ចសិក្សាដើម្បីផ្លាស់ប្ដូរបទពិសោធន៍ និងចំណេះដឹងបច្ចេកទេសជាមួយបណ្ដាប្រទេសដទៃនៅក្នុងតំបន់ ព្រមទាំងបានផ្តល់ជំនួយលើផ្នែកវារីវប្បកម្ម មន្ទីរពិសោធន៍ និងបច្ចេកទេសព្យាបាលជំងឺត្រី។ល។
លោកសាស្ត្រាចារ្យ Sena De Silva បានរាយការណ៍ថា អង្គការ ACIAR បានផ្ដល់ជំនួយថវិកាចំនួន ៥៦ម៉ឺន ដុល្លារអាមេរិក តាមរយៈអង្គការ NACA ដើម្បីអនុវត្តគម្រោង “ ការចិញ្ចឹមត្រីក្នុងអាងទឹកធម្មជាតិ ” ដែលមានរយៈពេល ៣ ឆ្នាំ ចាប់ពីឆ្នាំ២០១២ ដល់ឆ្នាំ២០១៥ និងអនុវត្តដោយរដ្ឋបាលជលផលនៃក្រសួងកសិកម្ម រុក្ខាប្រមាញ់ និងនេសាទ នៅក្នុងខេត្តគោលដៅចំនួន ៤ គឺខេត្តកំពង់ធំ ព្រះវិហារ សៀមរាប និងឧត្តរមានជ័យ។ លោកបានបញ្ជាក់ថាគម្រោងនេះ“ ប្រើប្រាស់ដើមទុនតិចតែទទួលបានផលច្រើន ” ដោយធ្វើការសាកល្បងលែងត្រីពូជទៅក្នុងអាងទឹកធម្មជាតិ ជាពិសេសនៅអាង ឬ ទំនប់ទឹកដែលស្ថិតនៅតំបន់ដាច់ស្រយាល និងខ្សត់ត្រីធម្មជាតិ ក្នុងន័យជួយលើកកម្ពស់ជីវភាពរស់នៅរបស់ប្រជាពលរដ្ឋនៅតំបន់ទាំងនោះ។ លោកសាស្ត្រាចារ្យបានវាយតម្លៃអំពីការអនុវត្តគម្រោងនេះថាទទួលបានលទ្ធផលល្អគួរឲ្យកត់សម្គាល់ ក្នុងនោះបានលែងកូនត្រីពូជប្រមាណ១លាន៥សែនក្បាលក្នុងមួយឆ្នាំ ទៅក្នុងអាងទឹកសរុបចំនួន១៦ ដែលអាងទឹកនីមួយៗមានទំហំពី១០ ទៅ៣០ហិកតា ក្នុងខេត្តគោលដៅទាំង៤ព្រមទាំងការរៀបចំ និងការគ្រប់គ្រងតំបន់អភិរក្សត្រីមេពូជដោយមានការចូលរួមយ៉ាងសកម្មពីប្រជាពលរដ្ឋក្នុងសហគមន៍នេសាទ និងអាជ្ញាធរមូលដ្ឋាន ហើយផលត្រីនៅតំបន់អនុវត្តគម្រោងមានការកើនឡើងគួរឲ្យកត់សម្គាល់។ លោកមានគោលបំណងពង្រីកសកម្មភាពគម្រោងទៅតំបន់ដទៃទៀតនៅដំណាក់កាលទី២ ដោយស្នើសុំការគាំទ្រពីក្រសួងកសិកម្ម រុក្ខាប្រមាញ់ និងនេសាទ។ ទន្ទឹមនឹងនេះ អង្គការ NACA គ្រោងនឹងរៀបចំសិក្ខាសាលាថ្នាក់តំបន់នៅអំឡុងខែតុលា ឆ្នាំ២០១៤ នៅខេត្តសៀមរាបក្នុងគោលបំណងបង្ហាញអំពីការអនុវត្តល្អក្នុងផ្នែកវារីវប្បកម្ម និងផ្លាស់ប្តូរបទពិសោធន៍ និងចំណេះដឹងក្នុងចំណោមប្រទេសក្នុងតំបន់ផងដែរ។
ជាមួយនឹងមោទនភាពនៃលទ្ធផលជាផ្លែផ្កានៃការអនុវត្តគម្រោង ឯកឧត្តមរដ្ឋមន្ត្រីបានបញ្ជាក់ថាសកម្មភាពខាងលើនេះជាការចូលរួមចំណែកអភិវឌ្ឍវិស័យជលផលនៅកម្ពុជា សំដៅជួយលើកស្ទួយកម្រិតជីវភាពរស់នៅរបស់ប្រជា-ពលរដ្ឋ និងសេដ្ឋកិច្ចជាតិស្របតាមយុទ្ធសាស្ត្រចតុកោណរបស់រាជរដ្ឋាភិបាលដំណាក់កាលទី៣នេះ ដែលមានចែងយ៉ាងច្បាស់ក្នុងមុំទី២ នៃចតុកោណទី។ ទន្ទឹមនឹងនេះឯកឧត្តមរដ្ឋមន្ត្រីបានបង្ហាញពីជំហរគាំទ្រចំពោះសំណើរៀបចំសិក្ខាសាលាថ្នាក់តំបន់នៅខេត្តសៀមរាបនាពេលខាងមុខក៏ដូចជាការគាំទ្រគម្រោង “ ការចិញ្ចឹមត្រីក្នុងអាងទឹកធម្មជាតិ ” នៅដំណាក់កាលទី២ ជាបន្តទៀតផងដែរ។ កិច្ចសវនាការបានប្រព្រឹត្តទៅក្នុងបរិយាកាសរីករាយ ស្និទ្ធស្នាល និងកិច្ចសហប្រតិបត្តិការខ្ពស់។
ចេញផ្សាយ ១៩ កញ្ញា ២០២៤ 105
ឯកឧត្តមរដ្ឋមន្ដ្រី ឌិត ទីណា បានអនុញ្ញាតិឱ្យអង្គការ Swisscontact Cambodia ជួបសំដែងការគួរសម និងសូមការណែនាំជាផ្លូវការនូវនាយកប្រចាំប្រទេសរបស់អង្គការ និងការលាលែងរបស់អតីតនាយកប្រចាំប្រទេស របស់អង្គការ Swisscontact Cambodia
ចេញផ្សាយ ១៩ កញ្ញា ២០២៤ 106
សេចក្ដីប្រកាសព័ត៌មានរួម ស្ដីពី កិច្ចប្រជុំអន្តរក្រសួងលើកទី២ ស្ដីពីការសម្របសម្រួលការអនុវត្តកម្មវិធីនយោបាយ និងសកម្មភាពដែលពាក់ព័ន្ធនឹងសហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូ
ចេញផ្សាយ ១៩ កញ្ញា ២០២៤ 107
ឯកឧត្តមរដ្ឋមន្ដ្រី ៣រូប រួមគ្នាដឹកនាំកិច្ចប្រជុំអន្តរក្រសួងលេីកទី២ ស្ដីពីការងារកសិកម្ម អភិវឌ្ឍន៍ជនបទ និងធនធានទឹក
ចេញផ្សាយ ១៩ កញ្ញា ២០២៤ 135
ឯកឧត្តមអនុរដ្ឋលេខាធិការ ទឹម បូរក្ស បានដឹកនាំកម្លាំងចម្រុះ ចុះបង្ក្រាបបទល្មើសនេសាទ នៅស្រុកកងមាស ខេត្តកំពង់ចាម
ចេញផ្សាយ ១៨ កញ្ញា ២០២៤ 167
លោកជំទាវអនុរដ្ឋលេខាធិការ អ៊ឹម រចនា ទទួលជួបសំណេះ សំណាលជាមួយគណៈប្រតិភូ និងថ្នាក់ដឹកនាំនៃសមាគម នាវាយុវជនអាស៊ីអាគ្នេយ៍ នៅទីស្តីការក្រសួងកសិកម្ម រុក្ខាប្រមាញ់ និងនេសាទ
ចេញផ្សាយ ១៨ កញ្ញា ២០២៤ 155
ឯកឧត្តមរដ្ឋមន្ត្រី ឌិត ទីណា ទទួលជួបសម្តែងការគួរសមជាមួយក្រុមហ៊ុន សិលា ផិបភេីរ ខូអិលធីឌី
ចេញផ្សាយ ១៨ កញ្ញា ២០២៤ 155
ឯកឧត្តមអនុរដ្ឋលេខាធិការ គី ច័ន្ទរំដួល បានអញ្ជីញដឹកនាំក្រុមការងារ ចុះពិនិត្យគម្រោងព្រៃលំហែកម្សាន្ត និងសួនអាស៊ាន-កូរ៉េ ក្នុងតំបន់ស្ដារ និងអភិវឌ្ឍន៍ព្រៃឈើ «បន្ទាយស្រី» ខេត្តសៀមរាប
ចេញផ្សាយ ១៧ កញ្ញា ២០២៤ 183
ឯកឧត្តមរដ្ឋមន្ត្រី ឌិត ទីណា អញ្ជើញជាគណៈអធិបតីក្នុងពិធីចុះហត្ថលេខាលើអនុស្សរណៈយោគយល់គ្នារវាងក្រសួងកសិកម្ម រុក្ខាប្រមាញ់ និងនេសាទ និងសាជីវកម្មធានាឥណទានកម្ពុជា (CGCC)
ចេញផ្សាយ ១៧ កញ្ញា ២០២៤ 186
ឯកឧត្តមរដ្ឋមន្ត្រី ឌិត ទីណា ដឹកនាំកិច្ចប្រជុំពិភាក្សាស្តីពី «សេចក្តីព្រាងផែនការកិច្ចសហប្រតិបត្តិការរវាងរាជរដ្ឋាភិបាលកម្ពុជា និងរដ្ឋាភិបាលសាធារណរដ្ឋប្រជាមានិតចិន ស្តីពីការអភិវឌ្ឍរួមគ្នាក្នុងច្រករបៀងមច្ឆា និងអង្ករ»
ចេញផ្សាយ ១៧ កញ្ញា ២០២៤ 178
ឯកឧត្តមអនុរដ្ឋលេខាធិការ ខាត់ សុធី អញ្ជើញដឹកនាំសម្របសម្រួលវគ្គបណ្តុះបណ្តាល Farmbook App ដល់មន្ដ្រីកសិកម្មឃុំ ក្នុងខេត្តព្រៃវែង
ចេញផ្សាយ ១៧ កញ្ញា ២០២៤ 191
ឯកឧត្តមឡោ រស្មី អនុរដ្ឋលេខាធិការ អញ្ជើញជាអធិបតីបើកវគ្គបណ្តុះបណ្តាលដល់អាជីវករដែលមានបំណងធ្វើពាណិជ្ជកម្មពាក់ព័ន្ធនឹងជី-ថ្នាំកសិកម្ម នៅខេត្តសៀមរាប
