ព័ត៌មានផ្សេងៗទៀត
ឯកឧត្តមប្រតិភូរាជរដ្ឋាភិបាល ពុំ សុថា អញ្ជើញដឹកនាំក្រុមការងារ ជួបសួរសុខទុក្ខក្រុមអន្តរាគមន៍បង្ក្រាបបទល្មើសជលផល និងកងកម្លាំងនៅកន្លែងអភិរក្សជលផលកំពង់ភ្លុក និងជ្រោយស្តី នៅខេត្តសៀមរាប
ចេញផ្សាយ ២៧ សីហា ២០២៥ 666
នៅថ្ងៃទី២៧ ខែសីហា ឆ្នាំ២០២៥ ឯកឧត្តម ពុំ សុថា ប្រតិភូរាជរដ្ឋាភិបាល ទទួលបន្ទុកជាប្រធានរដ្ឋបាលជលផល និងសហការី អមដំណើរដោយខណ្ឌរដ្ឋបាលជលផលពោធិ៍សាត់ និងខណ្ឌរដ្ឋបាលជលផលសៀមរាប បានជួបសួរសុខទុក្ខក្រុមអន្តរាគមន៍បង្ក្រាបបទល្មើសជលផល នៅកន្លែងអភិរក្សជលផលជ្រោយស្តី និងក្រុមអន្តរាគមន៍បង្ក្រាបបទល្មើសជលផលនៅកន្លែងអភិរក្សជលផលកំពង់ភ្លុក ព្រមទាំងកងកម្លាំងនៅជ្រោយស្តី និងនៅកំពង់ភ្លុក ក្នុងខេត្តសៀមរាប។
នាដំណើរបេសកកម្មនោះ ឯកឧត្តម ពុំ សុថា បាននាំយកនូវអំណោយពីសំណាក់ ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ជូនដល់កម្លាំងក្រុមអន្តរាគមន៍បង្ក្រាបបទល្មើសជលផលនៅកន្លែងអភិរក្សជលផលកំពង់ភ្លុក និងក្រុមអន្តរាគមន៍បង្ក្រាបបទល្មើសជលផលនៅកន្លែងអភិរក្សជលផលជ្រោយស្តី រួមមាន៖ ឧបត្ថម្ភជាថវិកា ប្រេងម៉ាស៊ូតចំនួន១៦០០លីត្រ អង្ករចំនួន៨បាវ សាច់ជ្រូកចំនួន៣៥គីឡូក្រាម និងបន្លែចម្រុះចំនួន១៤០គីឡូក្រាម៕
