ឯកឧត្តមរដ្ឋមន្ត្រី វេង សាខុន បានអនុញ្ញាតលោកស្រីបណ្ឌិត សាន អីលី នាយកគម្រោងសុវត្ថិភាពស្បៀង និងបរិស្ថាន និងលោកម៉ាធ្យូ អែដវុធសិន ប្រធានគម្រោងព្រៃឡង់បៃតង និងសហការី ចូលជួបដើម្បីពិភាក្សា

ចេញ​ផ្សាយ​ ២២ មីនា ២០១៩ 3619

នៅទីស្តីការក្រសួងកសិកម្ម រុក្ខាប្រមាញ់ និងនេសាទ នារសៀលថ្ងៃព្រហស្បតិ៍ ១រោច ខែផល្គុន ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២១ ខែមីនា ឆ្នាំ២០១៩ ឯកឧត្តមរដ្ឋមន្ត្រី វេង សាខុន បានអនុញ្ញាតលោកស្រីបណ្ឌិត សាន អីលី នាយកគម្រោងសុវត្ថិភាពស្បៀង និងបរិស្ថាន និងលោកម៉ាធ្យូ អែដវុធសិន ប្រធានគម្រោងព្រៃឡង់បៃតង និងសហការី ចូលជួបដើម្បីពិភាក្សាលើគម្រោងស្តីពី "ស្ថានភាពនៃការប្រែប្រួលអាកាសធាតុ ជលសាស្រ្ត ប្រព័ន្ធអេកូឡូស៊ី ខ្សែច្រវាក់ផលិតកម្ម និងជីវភាពរស់នៅរបស់ប្រជាពលរដ្ឋ ព្រមទាំងសមត្ថភាពរបស់ស្ថាប័នពាក់ព័ន្ធបន្ស៉ាំនឹងការប្រែប្រួលអាកាសធាតុនៅក្នុងតំបន់ដែនជម្រកសត្វ ព្រៃព្រៃឡង់" និងធ្វើការណែនាំសមាស ភាពក្រុមការងារស្រាវជ្រាវគម្រោងផងដែរ។
តាមអ្វីដែលលោកស្រីបណ្ឌិត និងលោក ម៉ាធ្យូ អែដវុធសិន បានជម្រាបជូនឯកឧត្តមរដ្ឋមន្ត្រីជ្រាបនោះគឺថាលោកនឹងដឹកនាំក្រុមការងារស្រាវជ្រាវគម្រោងព្រៃឡង់បៃតងចុះពិនិត្យ និងវាយតម្លៃលើស្ថានភាពជារួមនៃតំបន់នោះដើម្បីធើ្វការកំណត់វិសាលភាពលើការសិក្សាស្វែងយល់បឋមជំហានដំបូង បន្ទាប់មកក្នុងអំឡុងខែមេសា ឬឧសភាខាងមុខនេះ ក្រុុមការងារនឹងចុះមកសិក្សា និងវាយ តម្លៃលើទិន្នន័យបឋមនោះឲ្យបានស៊ីជម្រៅ ច្បាស់លាស់ និងទូលំទូលាយជាចុងក្រោយ។ គោល បំណងសំខាន់ៗរបស់គម្រោងមាន ៣ ទី១. ស្វែងយល់ពីស្ថានភាពនៃការប្រែប្រួលអាកាសធាតុ ជលសាស្រ្ត ប្រព័ន្ធអាកូឡូស៊ីនៅតំបន់នោះ ទី២. ស្វែងយល់ពីខ្សែច្រវាក់ផលិតកម្ម និងជីវភាពរស់នៅរបស់ប្រជាពលរដ្ឋក្នុងតំបន់នោះ និងទី៣. សមត្ថភាពរបស់ស្ថាប័នពាក់ព័ន្ធក្នុងការបន្សាំុនឹងការប្រែប្រួលអាកាសធាតុដើម្បីកំណត់អាទិភាពនៃការអនុវត្តគម្រោងនេះ ដែលមានរយ:ពេល ៥ឆ្នាំ (២០១៨-២០២២)។
ក្រោយពេលទទួលបានព័ត៌មានពាក់ព័ន្ធគម្រោង តាមរយៈលោក ម៉ាធ្យូ អែកវុធសិន ឯកឧត្តមរដ្ឋមន្ត្រីបានសម្តែងអំណរអរគុណយ៉ាងជ្រាលជ្រៅជូនចំពោះរដ្ឋាភិបាលសហរដ្ឋអាមេរិកតាមរយ: អង្គការ USAID ដែលបានជួយគាំទ្រផ្តល់ថវិកាសម្រាប់យកមកអនុវត្តគម្រោងខាងលើ និងថ្លែង អំណរគុណផងដែរជូនចំពោះក្រុមការងារដែលបានផ្តួចផ្តើមជាគំនិតលើកសំណើ និងរៀបចំគម្រោងដ៏មានសារ:ប្រយោជន៍សម្រាប់អភិវឌ្ឍ និងអភិរក្សតំបន់ដែនជម្រកសត្វព្រៃព្រៃឡង់ដែលមានសក្តានុពលផ្នែកធនធានធម្មជាតិដូចជាព្រៃឈើ សត្វព្រៃ ប្រព័ន្ធជីវចម្រុះ ជលសាស្រ្ត និងអេកូឡូស៊ី ដែលបាននិងកំពុងផ្តល់ប្រយោជន៍យ៉ាងមហាសាលទាំងផ្នែកសេដ្ឋកិច្ច សង្គម វប្បធម៌ ប្រពៃណី និងជំនឿសាសនារបស់បងប្អូនជនជាតិដើមភាគតិចដែលកំពុងរស់នៅពឹងអាស្រ័យលើធនធានធម្មជាតិដែលជាមរតកដ៏មានតម្លៃមិនអាចកាត់ថ្លៃបាននេះ។ លោកបន្តថា គម្រោងនេះ ពិតជានឹងជួយកែលម្អ និងថែរក្សាសុខភាពប្រព័ន្ធអេកូឡូស៊ីព្រៃ និងទឹកជុំវិញដែនជម្រកសត្វព្រៃព្រៃឡង់តាមរយ:ការអភិវឌ្ឍ និងការគ្រប់គ្រងប្រកបដោយចីរភាពក្នុងដែនវិសាលភាពព្រៃឡង់។ លោកបានជម្រាបជូនភ្ញៀវបន្ថែមថា ការអភិវឌ្ឍសហគមន៍ព្រៃឈើ និងការការពារ ថែរក្សាធនធានធម្មជាតិគឺជាអាទិភាពដ៏ចំបងរបស់រាជរដ្ឋាភិបាលកម្ពុជាដែលមានក្រសួងកសិកម្ម រុក្ខាប្រមាញ់ និងនេសាទ និងក្រសួងបរិស្ថានជាសេនាធិការ។ ដូច្នេះគម្រោងនេះពិតជាសមស្របតាមឆន្ទ:របស់ក្រសួងក្នុងគោលបំណងរួមចំណែកថែរក្សាធនធានធម្មជាតិ (ព្រៃ និងសត្វព្រៃ) ឲ្យបានគង់វង្សសម្រាប់មនុស្សជាតិជំនាន់ក្រោយ ម៉្យាងវិញទៀតគម្រោងនឹងអាចជួយលើកតម្កើនកម្រិតជីវភាពរបស់ប្រជាសហគមន៍ដែលកំពុងរស់នៅពឹងអាស្រ័យលើធនធានធម្មជាតិ តាមរយ:ធ្វើការចងក្រងជាសហគមន៍ បង្កើតមុខរបបកសិកម្ម រៀបចំកសាងហេដ្ឋារចនាសម្ព័ន្ធរដ្ឋបាល និងបណ្តុះបណ្តាលបច្ចេកទេសសមស្របតាមលក្ខខ័ណ្ឌភូមិសាស្រ្ត វប្បធម៌ ប្រពៃណី និងជំនឿសាសនារបស់បងប្អូនជនជាតិដើមភាគតិច។ ក្រៅពីនេះ គម្រោងនឹងជួយបញ្ជ្រាបនូវចំណេះដឹងទាក់ទងនឹងការប្រែប្រួលអាកាសធាតុ និងជាពិសេសក្នុងបរិបទនៃការវិវឌ្ឍន៍រីកចម្រើនផ្នែកសេដ្ឋកិច្ចជាតិ និងកំណើននៃសេចក្តីត្រូវការស្បៀងទាំងបរិមាណ និងគុណភាព។
 
បន្ទាប់ពីបានជ្រាបពីដំណើរការនៃការសិក្សាស្រាវជ្រាវ ការអនុវត្តគម្រោង និងលទ្ធផលរំពឹងទុក របស់គម្រោង ឯកឧត្តមរដ្ឋមន្ត្រីបានសម្តែងនូវក្តីសង្ឃឹម និងជឿជាក់ច្បាស់ថាគម្រោងនឹងទទួលបានជោគជ័យតាមការរំពឹងទុក ហើយលោកបានស្នើឲ្យគម្រោងសហការជាមួយរដ្ឋបាលព្រៃឈើ និងអង្គភាពពាក់ព័ន្ធក្រោមក្រសួងកសិកម្ម រុក្ខាប្រមាញ់ និងនេសាទ រួមជាមួយដៃគូអភិវឌ្ឍពាក់ព័ន្ធ និងវិស័យឯកជនឲ្យបានល្អប្រសើរគ្រប់កាល:ទេស: ធ្វើយ៉ាងណាឲ្យដំណើរ ការនៃការអនុវត្តគម្រោងប្រព្រឹត្តទៅបានរលូន និងទទួលបានលទ្ធផលល្អប្រសើរ ។ ហើយទន្ទឹមនឹងនេះឯកឧត្តមរដ្ឋមន្រ្តី បានស្នើឲ្យដៃគូ យកចិត្តទុកដាក់ បញ្ចូលនូវបច្ចេកវិទ្យាកសិកម្មសមស្របទៅក្នុងការដាំដំណាំ ការចិញ្ចឹមសត្វ វារីវប្បកម្ម ការកែឆ្នៃ កសិ ធុរកិច្ច និងកសិ-ទេស ចរណ៍ ផងដែរ ដោយត្រូវធ្វើយ៉ាងណា ឲ្យសមាជិកសហគមន៍ទទួលបានការលើកកម្ពស់កម្រិត ជីវភាព កាត់បន្ថយភាពក្រីក្រ និងសម្រេចបាននូវចក្ខុវិស័យរបស់រាជរដ្ឋាភិបាលនាឆ្នាំ២០៣០។
 
សូមអនុញ្ញាតជម្រាបជូនថាព្រៃឡង់បានគ្របដណ្តប់លើខេត្តចំនួន ៤ គឺខេត្តកំពង់ធំ ក្រចេះ ស្ទឹងត្រែង និងខេត្តព្រះវិហារ។ គម្រោងនេះគ្រោងចំណាយថវិកាប្រមាណ ២១លានដុល្លារ សម្រាប់រយ:ពេល ៥ឆ្នាំដែលអនុវត្តដោយ Tetra Tech, អង្គការសមាគមន៍អភិរក្សសត្វព្រៃ និងអង្គការអភិរក្សអន្តរជាតិ រួមជាមួយការចូលរួមសហការពីក្រសួងកសិកម្ម រុក្ខាប្រមាញ់ និងនេសាទ និងក្រសួងបរិស្ថាន។

ព័ត៌មានផ្សេងៗទៀត
ចេញ​ផ្សាយ​ ០៦ មីនា ២០២៥ 235

ឯកឧត្តមរដ្ឋលេខាធិការ​ អុឹម​ សុីថុល​ តំណាងដ៏ខ្ពង់ខ្ពស់ឯកឧត្តមរដ្ឋមន្ត្រី​ ឌិត​ ទីណា​ ទទួលជួបសម្តែងការគួរសម​ និងអញ្ជេីញជាអធិបតីក្នុងពិធីចុះហត្ថលេខាលេីអនុស្សរណៈនៃការយោគយល់គ្នាជាមួយក្រសួងកសិកម្ម​គុយបា

នៅព្រឹកថ្ងៃទី០៦ ខែមីនា ឆ្នាំ២០២៥ ឯកឧត្តម អុឹម ស៊ីថុល រដ្ឋលេខាធិការប្រចាំការ​ និងជាតំណាងដ៏ខ្ពង់ខ្ពស់ឯកឧត្តមរដ្ឋមន្ត្រី​ ឌិត​ ទីណា​ បានទទួលជួបសម្តែងការគួរសម​ជាមួយលោកជំទាវ...
ចេញ​ផ្សាយ​ ០៥ មីនា ២០២៥ 300

ឯកឧត្ដមអនុរដ្ឋលេខាធិការ ឡឹក សុធារ អញ្ជើញចុះពិនិត្យការអនុវត្ត:កម្មវិធី «ផ្ដល់អាហារតាមសាលារៀនដោយប្រើប្រាស់​កសិផល​ក្នុងសហគមន៍» នៅស្រុកទឹកផុស ខេត្តកំពង់ឆ្នាំង

នៅថ្ងៃទី០៤ ខែមីនា ឆ្នាំ២០២៥ ឯកឧត្ដម ឡឹក សុធារ អនុរដ្ឋ​លេខា​ធិការ ក្រសួងកសិកម្ម រុក្ខាប្រមាញ់ និងនេសាទ អមដំណើរដោយ​ជនបង្គោល​ថ្នាក់​ខេត្ត និងមន្រ្តីកសិកម្មឃុំ ក្នុងស្រុកទឹកផុស...
ចេញ​ផ្សាយ​ ០៥ មីនា ២០២៥ 275

ឯកឧត្តមបណ្ឌិតរដ្ឋលេខាធិការ យ៉ង សាំងកុមារ បន្តដឹកនាំកិច្ចប្រជុំ​តម្រង់​ទិស ដល់មន្ត្រីកសិកម្មឃុំចាស់-ថ្មី ដែលដាក់ពង្រាយនៅក្នុង​ខេត្តកំពង់ឆ្នាំង

នៅព្រឹកថ្ងៃទី០៥ ខែមីនា ឆ្នាំ២០២៥ ឯកឧត្តមបណ្ឌិត យ៉ង សាំងកុមារ រដ្ឋលេខា​ធិការក្រសួងកសិកម្ម រុក្ខាប្រមាញ់ និងនេសាទ បន្តដឹកនាំកិច្ច​ប្រជុំ​​តម្រង់​ទិសដល់មន្ត្រីកសិកម្មឃុំចាស់-ថ្មី...
ចេញ​ផ្សាយ​ ០៥ មីនា ២០២៥ 259

ពិធីសំណេះសំណាលជាមួយអាជីវករលក់ជី និងថ្នាំកសិកម្មក្នុងខេត្តព្រៃវែង

អាជីវករលក់ជី និងថ្នាំកសិកម្មក្នុងខេត្តព្រៃវែង យល់ច្បាស់អំពីតួនាទី និងសារ:សំខាន់នៃការចូលរួមជួយផ្សព្វផ្សាយគាំទ្រដល់ប្រជាកសិករ និងវិស័យកសិកម្ម តាមរយ:ពិធីសំណេះសំណាលជាមួយថ្នាក់ដឹកនាំក្រសួងកសិកម្ម...
ចេញ​ផ្សាយ​ ០៤ មីនា ២០២៥ 336

ឯកឧត្តមអនុរដ្ឋលេខាធិការ សៀក ឡេង អញ្ជើញជួបតំណាងក្រុមហ៊ុន Branch of Guud (International) Pte Ltd (GUUD) ដែលមានឯកទេសក្នុងការរៀបចំអភិវឌ្ឍប្រព័ន្ធគ្រប់គ្រងទិន្នន័យ និងលំហូរការងារ

នៅថ្ងៃទី៤ ខែមីនាឆ្នាំ២០២៥ ឯកឧត្តម សៀក ឡេង អនុរដ្ឋលេខាធិការទទួលបន្ទុកការងារឌីជីថល នៃក្រសួងកសិកម្ម រុក្ខាប្រមាញ់ និងនេសាទ បានអញ្ជើញទទួលជួបតំណាងក្រុមហ៊ុន GUUD ដើម្បីស្តាប់បទបង្ហាញអំពីការរៀបចំអភិវឌ្ឍប្រព័ន្ធ/កម្មវិធីសម្រាប់គ្រប់គ្រងទិន្នន័យ...
ចេញ​ផ្សាយ​ ០៤ មីនា ២០២៥ 311

ឯកឧត្តមអនុរដ្ឋលេខាធិការ ទឹម បូរក្ស អញ្ជើញចូលរួមប្រជុំអន្តរក្រសួងចង្អៀតពិនិត្យ និងពិភាក្សាលើសំណើសុំបន្តនីតិវីធីផ្តល់សិទ្ធិប្រទាន លើកិច្ចព្រមព្រៀងអភិរក្ស និងប្រើប្រាស់ជីវៈចម្រុះសមុទ្រ នៅទីស្តីការគណៈរដ្ឋមន្ត្រី

នៅថ្ងៃទី៣ ខែមីនា ឆ្នាំ២០២៥ ឯកឧត្តម ទឹម បូរក្ស អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញចូលរួមប្រជុំអន្តរក្រសួងចង្អៀតពិនិត្យ និងពិភាក្សាចុះហត្ថលេខា...
ចេញ​ផ្សាយ​ ០៤ មីនា ២០២៥ 352

ឯកឧត្តមឧបនាយករដ្ឋមន្រ្តី​​ ហ៊ុន​ ម៉ានី​ អញ្ជើញជាគណៈអធិបតីក្នុងសិក្ខាសាលា​ ស្តីពី «ការពិនិត្យឡើងវិញ ការវិភាគមុខងារនិងរចនាសម្ព័ន្ធ នៃក្រសួងកសិកម្ម រុក្ខាប្រមាញ់ និងនេសាទ»

នៅរសៀលថ្ងៃទី០៣ ខែមីនា ឆ្នាំ២០២៥ ឯកឧត្តម​ ហ៊ុន ម៉ានី ឧបនាយករដ្ឋមន្ត្រី រដ្ឋមន្ត្រីក្រសួងមុខងារសាធារណៈ បានអញ្ជើញជាគណៈអធិបតីក្នុងសិក្ខាសាលា​ ស្តីពី «ការពិនិត្យឡើងវិញ...
ចេញ​ផ្សាយ​ ០៣ មីនា ២០២៥ 389

ឯកឧត្តមរដ្ឋលេខាធិការ ឃុន សាវឿន អញ្ជើញដឹកនាំក្រុមការងារចុះពិនិត្យកសិដ្ឋានចិញ្ចឹមសត្វ និងស្ថានភាពដំណាំស្រូវ ក្រោយការជួយអន្តរាគមន៍ទឹកជួយសង្រ្គោះស្រូវ នៅខេត្តសៀមរាប

ឯកឧត្តម ឃុន សាវឿន រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ អមដំណើរដោយលោកប្រធានមន្ទីរកសិកម្ម រុក្ខាប្រមាញ់ និងនេសាទខេត្តសៀមរាប បានដឹកនាំមន្ត្រីជំនាញចុះពិនិត្យកសិដ្ឋានចិញ្ចឹមជ្រូករបស់លោក...
ចេញ​ផ្សាយ​ ០៣ មីនា ២០២៥ 414

អបអរសាទរ ទិវាវប្បធម៌ជាតិ ៣មីនា លើកទី២៧ ឆ្នាំ២០២៥ ក្រោមប្រធានបទ «យុវជនដើម្បីវប្បធម៌ជាតិ»

អបអរសាទរ ទិវាវប្បធម៌ជាតិ ៣មីនា លើកទី២៧ ឆ្នាំ២០២៥ ក្រោមប្រធានបទ «យុវជនដើម្បីវប្បធម៌ជាតិ»
ចេញ​ផ្សាយ​ ០២ មីនា ២០២៥ 438

អាជីវករលក់ជី និងថ្នាំកសិកម្មខេត្តស្វាយរៀង បានទទួលព័ត៌មាន​ និងចំណេះដឹងច្រេីនពីកម្មវិធីសំណេះសំណាល

អាជីវករលក់ជី និងថ្នាំកសិកម្មនៅខេត្តស្វាយរៀង យល់ឃេីញថា​ កិច្ចសំណេះសំណាលជាមួយថ្នាក់ដឹកនាំក្រសួងកសិកម្ម រដ្ឋបាលខេត្ត​ និងមន្ទីរកសិកម្ម ពិតជាមានអត្ថប្រយោជន៍​ និងទទួលបានព័ត៌មាន​...
ចេញ​ផ្សាយ​ ០១ មីនា ២០២៥ 518

ឯកឧត្តមអនុរដ្ឋលេខាធិការ ឡោ រស្មី អញ្ជើញជួបសំណេះសំណាលជាមួយអាជីវករលក់ជី និងថ្នាំកសិកម្មនៅក្នុងខេត្តត្បូងឃ្មុំ និងខេត្តកំពង់ចាម

នៅថ្ងៃទី២៨ ខែកុម្ភៈ ឆ្នាំ២០២៥ ឯកឧត្ដម ឡោ រស្មី អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ដោយមាន​ចូលរួម​ពី​អភិបាលរងនៃគណៈអភិបាលខេត្ត មន្ទីរកសិកម្មទាំងពីរខេត្ត...
ចេញ​ផ្សាយ​ ០១ មីនា ២០២៥ 536

ឯកឧត្តមបណ្ឌិតរដ្ឋលេខាធិការ យ៉ង សាំងកុមារ តំណាងដ៏ខ្ពង់ខ្ពស់ឯកឧត្តមរដ្ឋមន្ត្រី អញ្ជើញដឹកនាំក្រុមការងារចូលរួមកម្មវិធីបុណ្យពូជដំណាំដូនតា នៅសហគមន៍ភ្នំក្រោម ក្នុងខេត្តសៀមរាប

នៅថ្ងៃទី២៧ ខែកុម្ភៈ ២០២៤ ឯកឧត្តមបណ្ឌិតយ៉ង សាំងកុមារ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ តំណាងដ៏ខ្ពង់ខ្ពស់ឯកឧត្តមរដ្ឋមន្ត្រី បានអញ្ជើញដឹកនាំក្រុមការងារ...