ព័ត៌មានផ្សេងៗទៀត
ឯកឧត្តមបណ្ឌិត អ៊ុក រ៉ាប៊ុន ជួបពិភាក្សាជាមួយឯកឧត្តមឯកអគ្គរដ្ឋទូតជប៉ុន
ចេញផ្សាយ ២៣ មករា ២០១៨ 2574
ឯកឧត្តមបណ្ឌិត អ៊ុក រ៉ាប៊ុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានសម្តែងនូវមនោសញ្ចេតនា ស្វាគមន៍យ៉ាងកក់ក្តៅចំពោះឯកឧត្តម Yuji Kumamaru ឯកអគ្គរដ្ឋទូតជប៉ុនប្រចាំព្រះរាជាណាចក្រកម្ពុជា នៅក្នុងជំនួបសវនាការកាលពីថ្ងៃទី៣១ ខែតុលា ឆ្នាំ២០១៣ ដែលបានប្រព្រឹត្តទៅនៅក្រសួងកសិកម្ម រុក្ខាប្រមាញ់ និងនេសាទ។ ឯកឧត្តមបណ្ឌិតរដ្ឋមន្ត្រី បានជម្រាបជូនអំពីស្ថានភាពនៃផលប៉ះពាល់យ៉ាងធ្ងន់ធ្ងរនៅប្រទេសកម្ពុជាបណ្តាលមកពីគ្រោះទឹកជំនន់ ពិសេសនៅខេត្តបាត់ដំបង បន្ទាយមានជ័យ ឧត្តរមានជ័យ និងដោយឡែកក្នុងវិស័យកសិកម្ម។ ឯកឧត្តមរដ្ឋមន្ត្រី ក៏បានជម្រាបជូនផងដែរអំពីគោលនយោបាយសំខាន់របស់រាជរដ្ឋាភិបាលកម្ពុជាអាណត្តិទី៥ ពិសេសការដាក់ចេញនូវយុទ្ធសាស្ត្រចតុកោណដំណាក់កាលទី៣នៅក្នុងវិស័យកសិកម្ម ដោយសង្កត់ធ្ងន់ទៅលើការបង្កើនផលិតភាព ពិពិធភាវូបនីយកម្ម ពាណិជ្ជូបនីយកម្មកសិកម្ម និងគោលនយោបាយស្តីពីការជំរុញផលិតកម្មស្រូវនិងការនាំចេញអង្ករ ព្រមទាំងការអនុវត្តកំណែទម្រង់ស៊ីជម្រៅនិងទូលំទូលាយក្នុងវិស័យកសិកម្ម។
ឯកឧត្តម Yuji Kumamaru អបអរសាទរចំពោះឯកឧត្តមបណ្ឌិតអ៊ុករ៉ាប៊ុន ដែលត្រូវបានតែងតាំងជារដ្ឋមន្ត្រីក្នុងអាណត្តិទី៥នៃរដ្ឋសភាដោយបានវាយតម្លៃខ្ពស់ និងរំលឹកអំពីកិច្ចសហប្រតិបត្តិការយ៉ាងជិតស្និទ្ធនៅក្នុងវិស័យ កសិកម្មរវាងប្រទេសទាំង២ ជាអាទិ៍ការអភិវឌ្ឍហេដ្ឋារចនាសម្ព័ន្ធប្រព័ន្ធធារាសាស្ត្រ ការផ្តល់អ្នកជំនាញការ ការបណ្តុះបណ្តាលធនធានមនុស្ស ការអភិវឌ្ឍវារីវប្បកម្ម គម្រោងកាត់បន្ថយឧស្ម័នផ្ទះកញ្ចក់និងការយកចិត្តទុកដាក់អំពីការចូលរួមរបស់វិស័យឯកជនក្នុងការអភិវឌ្ឍវិស័យកសិកម្ម។ ចំណុចសំខាន់ដែលភាគីជប៉ុនយកចិត្តទុកដាក់គឺការស្តារការខូចខាតហេដ្ឋារចនាសម្ព័ន្ធឡើងវិញក្រោយទឹកជំនន់ ហើយក៏មិនភ្លេចផងដែរអំពីការបង្កើនផលិតភាពនិងពិពិធភាវូបនីយកម្មកសិកម្ម និងគោលនយោបាយជំរុញផលិតកម្មស្រូវនិងការនាំចេញអង្កររបស់រាជរដ្ឋាភិបាល។ ឯកឧត្តមអគ្គរដ្ឋទូតបានបង្ហាញនូវឆន្ទៈដោយ ស្មោះក្នុងការចូលរួមអភិវឌ្ឍវិស័យកសិកម្មនៅកម្ពុជា។
ឯកឧត្តមបណ្ឌិតរដ្ឋមន្ត្រី បានរំលឹកថាវិស័យកសិកម្មមានវិសាលភាពទូលំទូលាយនិងមានកិច្ចការច្រើនដែលត្រូវធ្វើដើម្បីជួយបង្កើនតម្លៃបន្ថែមដល់កសិកររស់នៅតំបន់ជនបទនិងពឹងផ្អែកលើវិស័យកសិកម្ម ជាពិសេសការស្តារឡើងវិញក្រោយគ្រោះទឹកជំនន់ដ៏ធ្ងន់ធ្ងរនេះ។ ឯកឧត្តមរដ្ឋមន្ត្រីសង្ឃឹមថា ភាគីជប៉ុននឹងបន្តជួយអភិវឌ្ឍវិស័យកសិកម្ម នៅកម្ពុជាឲ្យមានការរីកចម្រើនតទៅទៀតដូចជា ការផ្លាស់ប្តូរបទពិសោធន៍ ការគាំទ្រអ្នកបច្ចេកទេស វិទ្យាសាស្ត្រ ការអភិវឌ្ឍធនធានមនុស្ស ការធ្វើវារីវប្បកម្មនៅខេត្តដែលខ្សត់ត្រី ការធ្វើទំនើបកម្មសម្ភារៈ ឧបករណ៍មន្ទីរពិសោធន៍នៅតាមអង្គភាពដែលមានការខ្វះខាត ការទ្រទ្រង់ដល់ការនាំចេញកសិផលនៅកម្ពុជាទៅកាន់ទីផ្សារអន្តរជាតិ ។ល។
ឯកឧត្តម Yuji Kumamaru បានសន្យាថា នឹងជួយទ្រទ្រង់ដល់ដំណើរការអភិវឌ្ឍវិស័យកសិកម្មនៅកម្ពុជាឲ្យមានការរីកចម្រើន។ កិច្ចសវនាការបានប្រព្រឹត្តទៅក្នុងស្មារតីយកចិត្តទុកដាក់និងកិច្ចសហប្រតិបត្តិការខ្ពស់។
ចេញផ្សាយ ១៩ កញ្ញា ២០២៤ 105
ឯកឧត្តមរដ្ឋមន្ដ្រី ឌិត ទីណា បានអនុញ្ញាតិឱ្យអង្គការ Swisscontact Cambodia ជួបសំដែងការគួរសម និងសូមការណែនាំជាផ្លូវការនូវនាយកប្រចាំប្រទេសរបស់អង្គការ និងការលាលែងរបស់អតីតនាយកប្រចាំប្រទេស របស់អង្គការ Swisscontact Cambodia
ចេញផ្សាយ ១៩ កញ្ញា ២០២៤ 106
សេចក្ដីប្រកាសព័ត៌មានរួម ស្ដីពី កិច្ចប្រជុំអន្តរក្រសួងលើកទី២ ស្ដីពីការសម្របសម្រួលការអនុវត្តកម្មវិធីនយោបាយ និងសកម្មភាពដែលពាក់ព័ន្ធនឹងសហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូ
ចេញផ្សាយ ១៩ កញ្ញា ២០២៤ 108
ឯកឧត្តមរដ្ឋមន្ដ្រី ៣រូប រួមគ្នាដឹកនាំកិច្ចប្រជុំអន្តរក្រសួងលេីកទី២ ស្ដីពីការងារកសិកម្ម អភិវឌ្ឍន៍ជនបទ និងធនធានទឹក
ចេញផ្សាយ ១៩ កញ្ញា ២០២៤ 135
ឯកឧត្តមអនុរដ្ឋលេខាធិការ ទឹម បូរក្ស បានដឹកនាំកម្លាំងចម្រុះ ចុះបង្ក្រាបបទល្មើសនេសាទ នៅស្រុកកងមាស ខេត្តកំពង់ចាម
ចេញផ្សាយ ១៨ កញ្ញា ២០២៤ 167
លោកជំទាវអនុរដ្ឋលេខាធិការ អ៊ឹម រចនា ទទួលជួបសំណេះ សំណាលជាមួយគណៈប្រតិភូ និងថ្នាក់ដឹកនាំនៃសមាគម នាវាយុវជនអាស៊ីអាគ្នេយ៍ នៅទីស្តីការក្រសួងកសិកម្ម រុក្ខាប្រមាញ់ និងនេសាទ
ចេញផ្សាយ ១៨ កញ្ញា ២០២៤ 155
ឯកឧត្តមរដ្ឋមន្ត្រី ឌិត ទីណា ទទួលជួបសម្តែងការគួរសមជាមួយក្រុមហ៊ុន សិលា ផិបភេីរ ខូអិលធីឌី
ចេញផ្សាយ ១៨ កញ្ញា ២០២៤ 155
ឯកឧត្តមអនុរដ្ឋលេខាធិការ គី ច័ន្ទរំដួល បានអញ្ជីញដឹកនាំក្រុមការងារ ចុះពិនិត្យគម្រោងព្រៃលំហែកម្សាន្ត និងសួនអាស៊ាន-កូរ៉េ ក្នុងតំបន់ស្ដារ និងអភិវឌ្ឍន៍ព្រៃឈើ «បន្ទាយស្រី» ខេត្តសៀមរាប
ចេញផ្សាយ ១៧ កញ្ញា ២០២៤ 183
ឯកឧត្តមរដ្ឋមន្ត្រី ឌិត ទីណា អញ្ជើញជាគណៈអធិបតីក្នុងពិធីចុះហត្ថលេខាលើអនុស្សរណៈយោគយល់គ្នារវាងក្រសួងកសិកម្ម រុក្ខាប្រមាញ់ និងនេសាទ និងសាជីវកម្មធានាឥណទានកម្ពុជា (CGCC)
ចេញផ្សាយ ១៧ កញ្ញា ២០២៤ 186
ឯកឧត្តមរដ្ឋមន្ត្រី ឌិត ទីណា ដឹកនាំកិច្ចប្រជុំពិភាក្សាស្តីពី «សេចក្តីព្រាងផែនការកិច្ចសហប្រតិបត្តិការរវាងរាជរដ្ឋាភិបាលកម្ពុជា និងរដ្ឋាភិបាលសាធារណរដ្ឋប្រជាមានិតចិន ស្តីពីការអភិវឌ្ឍរួមគ្នាក្នុងច្រករបៀងមច្ឆា និងអង្ករ»
ចេញផ្សាយ ១៧ កញ្ញា ២០២៤ 178
ឯកឧត្តមអនុរដ្ឋលេខាធិការ ខាត់ សុធី អញ្ជើញដឹកនាំសម្របសម្រួលវគ្គបណ្តុះបណ្តាល Farmbook App ដល់មន្ដ្រីកសិកម្មឃុំ ក្នុងខេត្តព្រៃវែង
ចេញផ្សាយ ១៧ កញ្ញា ២០២៤ 191
ឯកឧត្តមឡោ រស្មី អនុរដ្ឋលេខាធិការ អញ្ជើញជាអធិបតីបើកវគ្គបណ្តុះបណ្តាលដល់អាជីវករដែលមានបំណងធ្វើពាណិជ្ជកម្មពាក់ព័ន្ធនឹងជី-ថ្នាំកសិកម្ម នៅខេត្តសៀមរាប
