ព័ត៌មានផ្សេងៗទៀត
ឯកឧត្តមរដ្ឋមន្ត្រីប្រាប់កសិករអំពីការប្រុងប្រៀបសម្រាប់ឆ្នាំនេះ
ចេញផ្សាយ ២២ មករា ២០១៨ 4025
ឯកឧត្តមបណ្ឌិត ច័ន្ទ សារុន រដ្ឋមន្ត្រីក្រសូងកសិកម្ម រុក្ខាប្រមាញ់ និងនេសាទ បានប្រាប់កសិករនៅស្រុក ឈូក ខេត្តកំពត និងអំពីអី្វ ដែលពួកគេត្រូវត្រៀមខ្លួនសម្រាប់ពេលនេះ។ ខណៈក្នុងឱកាសកាសជូបសំណោះសំណាល ជាមួយកសិករនៅភូមិនៅភូមិដូនយ៉យឃុំដូនយ៉យ ស្រុកឈូក និងចែកពូជស្រូវអ៊ីអ៊ែរ៦៦ និងឲ្យផ្ការំដួលចំនូន៣តោន ដល់កសិករចំនួន១៥០គ្រួសារផងនោះ ឯកឧត្តមរដ្ឋមន្ត្រី បានថ្លែងថាតាមការព្យាកណ៏របស់ក្រសូងធនធានទឹក នឹងឧតុនិយមបានបង្ហាញថា ឆ្នាំនេះរដូវវស្សា ចាប់ផ្តើមពីពាក់កណ្តាលខែឧសភាទឹកភ្លៀង នឹងអស់នៅពាក់កណ្តាលខែវិច្ឆកា ហើ់យគ្មានកូនរដូវប្រាំង ដែលជាអំណោយផលល្អដល់ការធ្វើស្រូវដើមរដូវ ដោយត្រូវប្រើពូជស្រូវស្រាលមិនប្រកាន់រដូវ។
ឯកឧត្តម បានបន្តទៀតថា រាជរដ្ឋាភិបាលកម្ពុជា មានសម្តេចតេជោហ៊ុន សែន ជាប្រមុខបានដាក់ចេញ នូវគោលនយោបាយជម្រុញផលិតកម្មស្រូវ នឹងការនាំចេញអង្ករ ដែលកំណត់ឲ្យក្រសួងកសិកម្ម រុក្ខាប្រមាញ់ និងនេសាទ បញ្ចេញនូវស្រូវពូជចំនួន១០ពូជ ផ្សាព្វផ្សាយឲ្យប្រជាកសិករ ប្រើប្រាស់ក្នុងនោះមានពូជស្រស្រាល មិនប្រកាន់រដូវ ពូជសែនពិដោរ ពូជជលសារ ពូជអ៊ីអ៊ែ ៦។ ពូជស្រូវកណ្តាលៈ ពូជផ្ការំដួល ផ្កាច័ន្ទសែនសរ ផ្ការមៀត និងពូជផ្ការំដែង។ ពូជស្រូវធ្ងន់់ៈ ពូជរាំងជ័យ ពូជខា៤ និងពូជខា។
ខណៈនោះដែរឯកឧត្តមរដ្ឋមន្ត្រី បានស្នើវិទ្យាស្ថានស្រាវជ្រាវ និងអភិវឌ្ឍន៏កសិកម្មកម្ពុជា ត្រូវរកមធ្យោបាយ ដើម្បីបញ្ជាក់ពូជទាំង១០ពូជ ជូនដល់ប្រជាកសិករឲ្យបានដឹង។
ឯកឧត្តម ក៏បានពន្យល់ផងដែរថា ការរៀបចំដីឲ្យបាន២ទៅ៤ដង ធ្វើស្រែឲ្យបានពីដងក្នុងមួយឆ្នាំ។ ប្រើពូជយ៉ាងច្រើនតែ២០គីឡូរក្រាម ក្នុងមួយហិកតា។ ធ្វើស្រូវបង្កើនរដូវរូចធ្វើស្រូវវស្ស ហើយដាំដំណាំបន្ថែម។ ឯកឧត្តម ក៏បានកត់សម្គាល់ផងដែរថា ពូជដែលប្រជាជនកំពុងតែប្រើប្រាស់គឺមិនសុទ្ធ មានដូចជាៈ ក្រចកចាប ឆ្មារព្រហ្ម ក្ងោកពង់។ល។ ដូចនេះការប្រើប្រាស់ពូជ ត្រូវតែពិនិត្យឲ្យ បានម៉ត់ចត់។ ពូជកាន់តែសុទ្ធ ទិន្នផលកាន់តែខ្ពស់។ ដោយឡែកសំណាបកាន់តែខ្ចី កាន់តែខ្លាំង បែកគុម្ពកាន់តែច្រើន ទិន្នផលកាន់តែខ្ពស់។ ជ្រើសរើសសំណាប ដែលមានសុខភាពល្អថ្លោស សំណាបដកភ្លាម ស្ទូងភ្លាម កុំស្ទូងជ្រៅៗពេក។ ស្ទូងមួយដើមថើៗថ្មមៗកុំឲ្យ បាក់ដើមស្រូវ។ ត្រូវមានការថែទាំឲ្យជាប់ជាប្រចាំ។
ឯកឧត្តមរដ្ឋមន្ត្រី បានបញ្ជាក់ផងដែរថាបើមានជួបបញ្ហាក្នុងស្រែ ត្រូវរួសរាន់សួររកអ្នក បច្ចេកកទេសកសិកម្ម (មន្ទីរកសិកម្ម) មកធ្វើការវាយតម្លៃជាបន្ទាន់និងកត់ត្រាដើម្បីទុកជាបទពិសោធន៏សម្រាប់ឆ្នាំក្រោយៗទៀត។ ក្នុងឱកាសនោះឯកឧត្តមរដ្ឋមន្ត្រី បានជូនសៀវភៅពូជ១០ពូជ១៥០ក្បាល សៀវភៅរឿងនិទានអប់រំ១៥០ក្បាល សារុង១៥០ និងស្រូវពូជ អ៊ីអែ ៦៦និងផ្ការំដួល ចំនួន ៣តោន ដល់លសិករចំនួន១៥០គ្រួសារ៕
