ឯកឧត្តម ងិន ឆាយ អញ្ជើញចុះជួយសម្របសម្រួលប្រមូលទិញស្រូវរបស់ប្រជាកសិករនៅស្រុកបវេល ខេត្តបាត់ដំបង

ចេញ​ផ្សាយ​ ២៥ សីហា ២០២៥ 5624

នៅថ្ងៃទី២៤ ខែសីហា ឆ្នាំ២០២៥ ឯកឧត្តម ងិន ឆាយ ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយកនៃអគ្គនាយកដ្ឋានកសិកម្ម និងមន្ត្រីជំនាញ រួមជាមួយថ្នាក់ដឹកនាំមន្ទីរកសិកម្ម រុក្ខាប្រមាញ់ និងនេសាទ ខេត្តបាត់ដំបង  អាជ្ញារស្រុក និងមន្រ្តីកសិកម្មឃុំ បានចុះសម្របសម្រួលការប្រមូលទិញស្រូវរបស់ប្រជាកសិករនៅស្រុកបរល ខេត្តបាត់ដំបង។ ក្នុងការចុះសម្របសម្រួលនោះឯកឧត្តមប្រតិភូ និងក្រុមការងារបានចុះជួបកសិករកំពុងប្រមូលផលស្រូវនិងរងចាំឈ្មួញប្រមូលទិញដើម្បីស្វែងយល់ពីបច្ចុប្បន្នភាពនៃតម្លៃស្រូវតាមប្រភេទនីមួយៗ។ បន្ថែមពីនោះ ឯកឧត្តមប្រតិភូ និងក្រុមការងារ បានជួបប្រជុំជាមួយម្ចាស់រោងម៉ាស៊ីនស្រូវនៅក្នុងស្រុកបវេល ដើម្បីស្នើដល់ម្ចាស់រោងម៉ាស៊ីនឱ្យមានការយោគយល់លើការចាត់ថ្នាក់ប្រភេទស្រូវដែលកសិករបានដឹកជញ្ជូនមកលក់ឱ្យរោងម៉ាស៊ីនសំដៅលើកកម្ពស់តម្លៃស្រូវ របស់ពួកគាត់ឱ្យកាន់តែល្អប្រសើរ។