ឯកឧត្តមរដ្ឋលេខាធិការ អ៊ួង កុសល អញ្ជើញដឹកនាំក្រុមការងារចុះពិនិត្យការងារដាំដុះដំណាំបន្លែ នៅក្នុងក្រុងសែនមនោរម្យ ខេត្តមណ្ឌលគិរី

ចេញ​ផ្សាយ​ ១៣ មករា ២០២៦ 1046

នៅថ្ងៃទី១៣ ខែមករា ឆ្នាំ២០២៦ ឯកឧត្តម អ៊ួង កុសល រដ្ឋលេខាធិការ និងឯកឧត្តមអនុរដ្ឋលេខាធិការ ប៉ក់ សម័យសុនីតិ អមដំណើរដោយលោក ហាន សុភក្ដ អនុប្រធានមន្ទីរកសិកម្ម រុក្ខាប្រមាញ់ និងនេសាទ ខេត្តមណ្ឌលគិរី លោកប្រធាន លោកអនុប្រធានការិយាល័យក្សេត្រសាស្ត្រ និងផលិតភាពកសិកម្ម និងមន្រ្តីកសិកម្មឃុំ សង្កាត់ បានអញ្ជើញចុះពិនិត្យការងារដាំដុះដំណាំបន្លែ មានដូចជាស្ពៃក្ដោប ស្ពៃបូកគោ ការ៉ុត ឆៃថាវ នៅចម្ការកសិករ គល់ រ៉េន នៅសង្កាត់សុខដុម ក្រុងសែនមនោរម្យ។
ជាមួយគ្នានេះ ឯកឧត្ដមរដ្ឋលេខាធិការ និងឯកឧត្ដមអនុរដ្ឋលេខាធិការ បានចុះពិនិត្យវឌ្ឍនភាពរបស់មជ្ឈមណ្ឌលអភិវឌ្ឍន៍ដំណាំតំបន់ខ្ពង់រាប (UCDC) ដែលមានការដាំដុះដំណាំពូជដំឡូងបារាំង (hydroponics) និងស្ពៃក្ដោប  នៅសង្កាត់ស្ពានមានជ័យ ក្រុងសែនមនោរម្យផងដែរ។
ទន្ទឹមនឹងនេះ ឯកឧត្ដមរដ្ឋលេខាធិការ ក៏បានណែនាំដល់កសិករឱ្យបន្តយកចិត្តទុកដាក់ក្នុងការដាំដុះ ដោយមានការរៀបចំផែនការច្បាស់លាស់ សមស្របទៅតាមតម្រូវការទីផ្សារ និងដើម្បីជៀសពីផលប៉ះពាល់ ឬខូចខាតដោយគ្រោះធម្មជាតិផ្សេងៗ៕