ព័ត៌មានផ្សេងៗទៀត
ឯកឧត្តម គង់ ច័ន្ទវាសនា រដ្ឋលេខាធិការ ក្រសួងកសិកម្ម អញ្ជើញចូលរួមជាគណៈអធិបតីក្នុងពិធីសម្ពោធដាក់ឱ្យប្រេីប្រាស់កម្មវិធីទូរស័ព្ទដៃ «កុំប្រេីប្រាស់គ្រឿងញៀន» (NoDrug) នៅសាកលវិទ្យាល័យ ប៊ែលធី អន្តរជាតិ សាខាចោមចៅ
ចេញផ្សាយ ២៣ មេសា ២០២៤ 1491
នៅព្រឹកថ្ងៃទី២៣ ខែមេសា ឆ្នាំ២០២៤ ឯកឧត្តម គង់ ច័ន្ទវាសនា រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញចូលរួមជាគណៈអធិបតី ក្នុងពិធីសម្ពោធដាក់ឱ្យប្រេីប្រាស់កម្មវិធីទូរស័ព្ទដៃ «កុំប្រេីប្រាស់គ្រឿងញៀន» (NoDrug) នៅសាកលវិទ្យាល័យ ប៊ែលធី អន្តរជាតិ។
ពិធីសម្ពោធនេះ ប្រព្រឹត្តទៅនៅសាកលវិទ្យាល័យ ប៊ែលធី អន្តរជាតិ សាខាចោមចៅ ក្រោមអធិបតីភាព ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន និងជាតំណាងដ៏ខ្ពង់ខ្ពស់ ឯកឧត្តមសន្តិបណ្ឌិត នេត សាវឿន ឧបនាយករដ្ឋមន្ត្រី និងជាប្រធានអាជ្ញាធរជាតិប្រយុទ្ធប្រឆាំងគ្រឿងញៀន ដោយមានការអញ្ជើញចូលរួមផងដែរ ពីសំណាក់ឯកឧត្តម លោកជំទាវ តំណាងក្រសួង-ស្ថាប័នពាក់ព័ន្ធ អាជ្ញាធរជាតិប្រយុទ្ធប្រឆាំងគ្រឿងញៀន រដ្ឋបាលរាជធានី-ខេត្ត និងសិស្សានុសិស្សនៃសាកលវិទ្យាល័យ ប៊ែលធី អន្តរជាតិ សរុបចំនួនប្រមាណ ២ពាន់នាក់។
កម្មវិធីទូរស័ព្ទដៃ «កុំប្រេីប្រាស់គ្រឿងញៀន» (NoDrug) មានផ្តល់ព័ត៌មានអប់រំប្រឆាំងការប្រេីប្រាស់គ្រឿងញៀន ព័ត៌មានទាន់ហេតុការណ៍ ព័ត៌មានផលប៉ះពាល់ដោយសារការប្រេីប្រាស់គ្រឿងញៀន និងព័ត៌មានអំពីមជ្ឈមណ្ឌលស្តារនីតិសម្បទាអ្នកញៀនគ្រឿងញៀន ព្រមទាំងផ្តល់លទ្ធភាពឱ្យសាធារណ:ជនរាយការណ៍អំពីករណីប្រេីប្រាស់ និងចរាចរណ៍គ្រឿងញៀន ដល់អាជ្ញាធរដេីម្បីមានវិធានការភ្លាមៗ៕
