ឯកឧត្តម ខាត់ សុធី អនុរដ្ឋលេខាធិការក្រសួងកសិកម្ម បានអញ្ជើញចូលរួមបិទវគ្គបណ្ដុះបណ្ដាលដល់មន្ត្រីកសិកម្មឃុំ-សង្កាត់ ប្រចាំខេត្តកំពង់ធំ ស្តីអំពីការប្រើប្រាស់ កម្មវិធី Farmbook App

ចេញ​ផ្សាយ​ ៨ ឧសភា ២០២៤ 2062

នៅថ្ងៃទី០៧ ខែឧសភា ឆ្នាំ២០២៤ ឯកឧត្តម ខាត់ សុធី អនុរដ្ឋលេខាធិការក្រសួងកសិកម្មរុក្ខាប្រមាញ់ និងនេសាទ បានអញ្ជើញចូលរួមបិទវគ្គបណ្ដុះបណ្ដាលដល់មន្ត្រីកសិកម្មឃុំ-សង្កាត់ ប្រចាំខេត្តកំពង់ធំ ស្តីអំពី គម្រោងសាកល្បងនៃការប្រើប្រាស់កម្មវិធី Farmbook App នៅសណ្ឋាគារគ្លរៀស ខេត្តកំពង់ធំ។

នៅក្នុង វគ្គបណ្តុះបណ្តាលដែលផ្តួចផ្តើមគំនិតដោយក្រសួងកសិកម្ម រុក្ខាប្រមាញ់ និងនេសាទ ឯកឧត្តម ខាត់ សុធី បានកោតសរសើរដល់ការចូលរួមយ៉ាងសកម្មរបស់មន្ត្រីកសិកម្មឃុំ-សង្កាត់ ការពន្យល់បង្ហាញរបស់គ្រូសម្របសម្រួល និងបានផ្តាំផ្ញើទៅអ្នកចូលរួមអំពីគុណតម្លៃរបស់កម្មវិធី Farmbook App ដែលជាគម្រោងសាកល្បង សម្រាប់ប្រើប្រាស់ក្នុងការប្រមូលទិន្នន័យ និងចងក្រងព័ត៌មាន អំពីក្រុមអ្នកផលិត អ្នកចែកចាយ និងផ្តល់ភាពងាយស្រួលដល់ការសម្របម្រួលឱ្យបានទាន់ពេលវេលា។ 

បន្ថែមពីនេះ ឯកឧត្តម បានជំរុញនិងលើកទឹកចិត្តឱ្យមន្ត្រីកសិកម្មឃុំ-សង្កាត់ ត្រូវព្យាយាមរៀនសូត្រ និងយកកម្មវិធី Farmbook Appនេះ ទៅប្រើប្រាស់ឱ្យសម្រាប់ជាប្រយោជន៍ដល់កសិករ និងលើកកម្ពស់សេដ្ឋកិច្ចជាតិតាមរយៈវិស័យកសិកម្មផងដែរ៕