ឯកឧត្តមរដ្ឋមន្ត្រី ឌិត ទីណា និងសហការីអមដំណើរ ចុះពិនិត្យផលិតកម្មចេកអំបូងលឿង របស់ក្រុមហ៊ុន Long Mate នៅស្រុកឈូក ខេត្តកំពត

ចេញ​ផ្សាយ​ ២៤ វិច្ឆិកា ២០២២ 2703

កម្មវិធីទី២៖២៣-វិច្ឆិកា ឆ្នាំ២០២២ (ស្រុកឈូក ខេត្តកំពត)៖ ឯកឧត្តមរដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងសហការីអមដំណើរ ចុះពិនិត្យផលិតកម្មចេកអំបូងលឿង របស់ក្រុមហ៊ុន Long Mate នៅស្រុកឈូក ខេត្តកំពត --------------------------------------------- នាព្រឹកថ្ងៃទី២៣ ខែវិច្ឆិកា ឆ្នាំ២០២២ ដដែលនេះ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងសហការីអមដំណើរ បានបន្តដំណើរចុះពិនិត្យផលិតកម្មចេកអំបូងលឿង របស់ក្រុមហ៊ុន ឡងមេត(Long Mate Agriculture Co.,Ltd) ដែលមានទីតាំងនៅស្រុកឈូក ខេត្តកំពត ។ ឯកឧត្តមបានធ្វើការកោតសរសើរ និងវាយតម្លៃខ្ពស់ចំពោះការចូលរួមគាំទ្រការវិនិយោគលើវិស័យកសិកម្មនៅកម្ពុជា។ យ៉ាងណាមិញ ក្នុងដំណើរការនៃផលិតកម្មដំណាំចេកនេះ ឯកឧត្តមរដ្ឋមន្ត្រី បានពិនិត្យឃើញថា ក្រុមហ៊ុនបានផ្តល់ការងារនៅនឹងកន្លែដល់ប្រជាជន កាត់បន្ថយការធ្វើចំណាកស្រុក បង្កើនប្រាក់ចំណូល និងជួយឱ្យមានកំណើនសេដ្ឋកិច្ចជាតិ ។ ក្នុងគោលបំណងពង្រឹងកិច្ចសហការរវាងរដ្ឋ និងវិស័យឯកជន ក្រសួងបានគាំទ្រ និងនៅតែបន្តការផ្តល់សេវាបច្ចេកទេស និងសម្របសម្រួលឱ្យមានស្តង់ដារក្នុងការនាំចេញកសិផលកម្ពុជាលើទីផ្សារអន្តរជាតិ ។ ទៅថ្ងៃអនាគត ឯកឧត្តមរដ្ឋមន្ត្រី ឌិត ទីណា ផ្តល់ការលើកទឹកចិត្តដល់វិស័យឯកជនបន្តពង្រីកការវិនិយោគលើដំណាំអទិភាពផ្សេងទៀត នៅកម្ពុជា៕