ចុះសិក្សាអំពីតម្រូវការបណ្តុះបណ្តាលជំនាញវិជ្ជាជីវៈវិស័យកសិកម្ម រុក្ខាប្រមាញ់ និងនេសាទ នៅមន្ទីរកសិកម្ម រុក្ខាប្រមាញ់ និងនេសាទ ខេត្តព្រះវិហារ

ចេញ​ផ្សាយ​ ២៨ មករា ២០២០ 16856

ៅថ្ងៃអង្គារ  ៤កេីត  ខែមាឃ  ឆ្នាំកុរ  ឯកស័ក  ព.ស.២៥៦៣  ត្រូវនឹងថ្ងៃទី២៨  ខែមករា  ឆ្នាំ២០២០  ក្រុមការងារនាយកដ្ឋានបុគ្គលិកនិងអភិវឌ្ឍន៍ធនធានមនុស្ស  បានចុះសិក្សាអំពី  តម្រូវការបណ្តុះបណ្តាលជំនាញវិជ្ជាជីវៈវិស័យកសិកម្ម   រុក្ខាប្រមាញ់  និងនេសាទខេត្តព្រះវិហារក្រោមការដឹកនាំនិងសម្របសម្រួលដោយលោក  ធីវ  វណ្ណធីរ  អនុប្រធាននាយកដ្ឋានបុគ្គលិកនិងអភិវឌ្ឍន៍ធនធានមនុស្ស  និងលោក  ពឹង  ទ្រីដា  ប្រធានមន្ទីរកសិកម្ម  រុក្ខាប្រមាញ់  និងនេសាទ ខេត្តព្រះវិហារ ។ គោលបំណងនៃការសិក្សានេះគឺ  រកឲ្យឃើញនូវតម្រូវការបន្ថែមសម្រាប់ធ្វើការបណ្តុះបណ្តាល ពង្រឹងសមត្ថភាពមន្ត្រីរាជការ ជំរុញនិងអភិវឌ្ឍន៍ជំនាញបច្ចេកទេស ដែលកំពុងមានស្រាប់និងមិនទាន់មាន ធ្វើយ៉ាងណាឲ្យមន្ត្រីរាជការមានសមត្ថភាពគ្រប់គ្រាន់ក្នុងការផ្តល់នូវសេវាសាធារណៈក្នុងវិស័យនីមួយៗនៅក្នុងតំបន់ ស្របតាមផែនយុទ្ធសាស្ត្ររបស់រាជរដ្ឋាភិបាលគឺធនធានមនុស្សជាកត្តាទីមួយនឹងជាអាទិភាពចំបង ក្នុងការស្តារនិងអភិវឌ្ឍន៍សមត្ថភាព អនុវត្តន៍តួនាទីភារកិច្ចទទួលបានលទ្ធផលល្អ។ជាពិសេស ការរៀបចំផែនការបណ្តុះបណ្តាលធនធានមនុស្សជាកត្តាសំខាន់ដែលគ្រប់អង្គភាពទាំងអស់ត្រូវតែធ្វើអោយខានតែបាន។