ឯកឧត្តមរដ្ឋមន្រ្តី វេង សាខុន បានផ្តល់កិត្តិយសធ្វើជាវេគ្មិនកិត្តិយសក្នុងការថតសម្ភាសន៍ផ្ទាល់ សម្រាប់ផលិតខ្សែភាពយន្តឯកសារអំពីរ"អភូតហេតុកម្ពុជា (CAMBODIA MIRACLE) លើវិស័យកសិកម្ម របស់កម្ពុជា

ចេញ​ផ្សាយ​ ០៨ ឧសភា ២០២០ 3104

នៅព្រឹកថ្ងៃព្រហស្បតិ៍ ទី០៧ ខែឧសភា ឆ្នាំ២០២០ ឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានផ្តល់កិត្តិយសធ្វើជាវេគ្មិនកិត្តិយសក្នុងការថតសម្ភាសន៍ផ្ទាល់ សម្រាប់ផលិតខ្សែភាពយន្តឯកសារអំពីរ"អភូតហេតុកម្ពុជា (CAMBODIA MIRACLE) លើវិស័យកសិកម្ម របស់កម្ពុជា ក្នុងបួនសម័យកាល (សម័យសង្គមរាស្រ្តនិយម សម័យសាធារណរដ្ឋខ្មែរ សម័យកម្ពុជាប្រជាធិបតេយ្យ និងសម័យព្រះរាជាណាចក្រកម្ពុជា) របស់ស្ថានីយ៍ទូរទស្សន៍-វិទ្យុអាស៊ីអាគ្នេយ៍ ដើម្បីចូលរួមចំណែកក្នុងការផ្សព្វផ្សាយអំពីសមិទ្ធិផលស្នាដៃ និងបុព្វហេតុដ៏អស្ចារ្យរបស់ប្រទេសកម្ពុជា ក្រោមការដឹកនាំប្រកបដោយភាពប៉ិនប្រសប់ និងគតិបណ្ឌិត របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា ដោយគោលនយោបាយ ឈ្នះឈ្នះ ទើបប្រែក្លាយប្រទេសកម្ពុជាដែលធ្លាប់តែជួបនូវបញ្ហាភ្លើងសង្គ្រាមប៉ុន្មានសម័យកាល ឲ្យក្លាយទៅជាប្រទេសមួយមានសន្តិភាពពេញលេញ ដល់សព្វថ្ងៃ។