ឯកឧត្តមរដ្ឋលេខាធិការ តូច ប៊ុនហួរ អញ្ជើញដឹកកិច្ចប្រជុំ​ពិនិត្យ​លើ​វឌ្ឍន​ភាពគម្រោង EU-German CAPSAFE Project Progress Meeting

ចេញ​ផ្សាយ​ ១០ កក្កដា ២០២៥ 1953

នាព្រឹកថ្ងៃទី៩ ខែកក្កដា ឆ្នាំ២០២៥ ឯកឧត្តម តូច ប៊ុនហួរ រដ្ឋលេខា​ធិការ​​ក្រសួងកសិកម្ម រុក្ខាប្រមាញ់ និងនេសាទ បានអញ្ជើញដឹកនាំកិច្ច​ប្រជុំ​ពិនិត្យលើវឌ្ឍនភាពគម្រោង EU-German CAPSAFE Project Progress Meeting ដោយមានការចូលរួមពី ឯកឧត្តម មាស ពិសិដ្ឋ រដ្ឋលេខាធិការ ឯកឧត្តម សាយ សុភភោគា អនុរដ្ឋលេខាធិការ តំណាង​អគ្គនាយកដ្ឋានកសិកម្ម តំណាងនាយកដ្ឋានផ្សព្វផ្សាយកសិកម្ម រុក្ខា​ប្រមាញ់ និងនេសាទ តំណាងនាយកដ្ឋានកសិ-ឧស្សាហកម្ម និងក្រុម​ការងារ EU-German CAPSAFE ដែលកិច្ចប្រជុំធ្វើនៅទីស្តីការ​ក្រសួង​កសិកម្ម រុក្ខាប្រមាញ់ និងនេសាទ។ កិច្ចប្រជុំធ្វើឡើងក្នុងគោលបំណង៖ (១) បង្ហាញពីវឌ្ឍនភាពគម្រោងនៃ EU-German CAPSAFE ទៅលើ Output ចំនួន៣ រួមមានៈ ការ​កសាង​សមត្ថភាព ការកែលម្អការអនុវត្តន៍ខ្សែច្រវាក់តម្លៃ និងការបង្កើន​សមត្ថភាព MSMEs និង IAFs និង (២) ការពិភាក្សារៀបចំផែនការ​អនុវត្ត​​ រួមគ្នាបន្ត រវាងអង្គភាពពាក់ព័ន្ធ នៃក្រសួងកសិកម្ម រុក្ខាប្រមាញ់ និងនេសាទជាមួយគម្រោង EU-German CAPSAFE ។ ទន្ទឹងនឹងនោះ ឯកឧត្តម តូច ប៊ុនហួរ ដែលជាប្រធានអង្គប្រជុំ បានវាយ​តម្លៃខ្ពស់លើវឌ្ឍនភាពការងារគម្រោងជាមួយអង្គភាពពាក់ព័ន្ធនៃក្រសួងកសិកម្ម ដែលបានសហការរួមគ្នាអនុវត្តបានល្អប្រសើរ។ លើស​ពីនេះ​ទៅ​ទៀត ឯកឧត្តមប្រធានបានណែនាំដល់អង្គភាពពាក់ព័ន្ធចំណុះ ត្រូវចូល​រួម​​អនុវត្ត តាមដាន ដោយធ្វើយ៉ាងណាឱ្យសកម្មភាពដែលបានលើកឡើង ត្រូវបន្ស៊ីគ្នាជាមួយសកម្មភាពជាក់ស្តែងរបស់អង្គភាពរៀងៗខ្លួន៕