ការចុះអន្តរាគមន៍កម្ចាត់ពីងពាងក្រហម និងដង្កូវហ្វូងបំផ្លាញលើដំណាំពោត និងដំឡូងមី នៅខេត្តប៉ៃលិន

ចេញ​ផ្សាយ​ ៣ សីហា ២០២៦ 488

នៅថ្ងៃព្រហស្បតិ៍ ១រោច ខែទុតិយាសាឍ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី៣០ ខែកក្កដា ឆ្នាំ២០២៦ លោក កង សារ៉េត ប្រធានការិយាល័យការពារដំណាំ និងសហការី ២រូប នៃនាយកដ្ឋានការពារដំណាំ អនាម័យ និងភូតគាមអនាម័យ ដោយមានការចូលរួមពីមន្ទីរកសិកម្ម រុក្ខាប្រមាញ់ និងនេសាទខេត្តប៉ៃលិន  មន្រ្តីកសិកម្មឃុំ អាជ្ញាធរមូលដ្ឋាន និងអ្នកពាក់ព័ន្ធដទៃទៀត បានចុះពិនិត្យទីតាំងដែលរងការបំផ្លាញដោយពីងពាងក្រហម និងដង្កូវហ្វូងលើដំណាំដំឡូងមី និងពោត លើផ្ទៃដីប្រមាណ៣៦០ហិកតា ក្នុងនោះពោត ១៧៨ហិកតា និងដំឡូងមី ១៨២ហិកតា។
ឆ្លៀតក្នុងឱកាសនោះដែរ ក្រុមការងារបានធ្វើការណែនាំទៅដល់មន្ត្រីកសិកម្មឃុំ និងប្រជាកសិករ អំពីវិធានការការពារ និងកម្ចាត់ពីងពាងក្រហម និងដង្កូវហ្វូង ការប្រើប្រាស់ថ្នាំកសិកម្មប្រកបដោយប្រសិទ្ធភាព ព្រមទាំងបានចែកឯកសារបច្ចេកទេស និងថ្នាំកសិកម្មមួយចំនួនជូនដល់មន្ទីរកសិកម្មរុក្ខាប្រមាញ់ និងនេសាទេខេត្តប៉ៃលិន។