ឯកឧត្តមរដ្ឋមន្រ្តី ឌិត ទីណា អញ្ជើញចូលរួមកិច្ចប្រជុំរដ្ឋមន្រ្តីកសិកម្ម និងព្រៃឈើអាស៊ានបូកបី លេីកទី២៣ នៅទីក្រុងគូឡាឡាំពួ ប្រទេសម៉ាឡេស៊ី

ចេញ​ផ្សាយ​ ០៦ តុលា ២០២៣ 2340

នៅព្រឹកថ្ងៃទី0៦ ខែតុលា ឆ្នាំ២០២៣ ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានដឹកនាំប្រតិភូ ចូលរួមកិច្ចប្រជុំរដ្ឋមន្រ្តីកសិកម្ម និងព្រៃឈើអាស៊ានបូកបី។

កិច្ចប្រជុំនេះរៀបចំឡើងដើម្បីពិនិត្យលើវឌ្ឍនភាពនៃកិច្ចសហប្រតិបត្តិការអាស៊ានបូកបី ២០១៦-២០២៥ លើផ្នែកយុទ្ធសាស្ត្រពង្រឹងសន្តិសុខស្បៀង ការគ្រប់គ្រងព្រៃឈើប្រកបដោយនិរន្តរភាព ការកាត់បន្ថយការប្រែប្រួលអាកាសធាតុ និងការបន្ស៉ាំ ការគ្រប់គ្រងជំងឺសត្វនិងរុក្ខជាតិ ការកសាងសមត្ថភាព និងការអភិវឌ្ឍធនធានមនុស្ស ការលើកកម្ពស់ផលិតភាព គុណភាព និងទីផ្សារកសិផល ការពង្រឹងប្រព័ន្ធព័ត៌មាននិងបណ្តាញនៃការផ្លាស់ប្តូរចំណេះដឹង ការស្រាវជ្រាវ និងការអភិវឌ្ឍន៍។

តាមរយៈកិច្ចពិភាក្សានាព្រឹកថ្ងៃនេះ អង្គប្រជុំបានឯកភាពគ្នា ចេញសេចក្តីថ្លែងការណ៍រួមនៃកិច្ចប្រជុំរដ្ឋមន្ត្រីកសិកម្ម និងព្រៃឈើអាស៊ានបូកបី ផ្អែកតាមស្មារតីនៃអង្គប្រជុំ៕