ព័ត៌មានផ្សេងៗទៀត
ការចិញ្ចឹមគោ-ក្របីសំខាន់ត្រូវយកចិត្តទុកដាក់លើបញ្ហា៣
ចេញផ្សាយ ១៥ មករា ២០១៨ 3676
មន្ត្រីជាន់ខ្ពស់ក្រសួងកសិកម្ម បានប្រាប់ដល់ពេទ្យសត្វភូមិ ក៏ដូចជាកសិករឱ្យ យកចិត្តទុកដាក់លើបញ្ហាចំនួន៣ ក្នុងពេលចិញ្ចឹមគោប្របី។ លោកច័ន្ទ សារុន រដ្ឋមន្ត្រីក្រសួងកសិកម្ម រុក្ខាប្រម៉ាញ់ និងនេសាទ បានមានប្រសាសន៍ថា ការចិញ្ចឹមគោ ក្របីត្រូវយកចិត្តទុកដាក់លើបញ្ហា៣ជាសំខាន់។ ទី១ ពូជ, ទី២ ចំណី និងទី៣ ការថែទាំ។
លោកបានបន្តថា បញ្ហាពូជសំខាន់ណាស់។ កសិករយើងជាទូទៅ មិនសូវចាប់អារម្មណ៍លើចំណុចនេះទេ ដោយចិញ្ចឹមតាមទម្លាប់តៗគ្នា។ ពេលនេះត្រូវតែផ្លាស់ប្តូរ ត្រូវតែកែលំអ។ ការចិញ្ចឹមត្រូវតែជ្រើសរើសពូជ ដែលល្អ និងមានប្រសិទ្ធភាពសេដ្ឋកិច្ច។
ជាមួយនេះ ការជំរុញការបង្កាត់ពូជតាមសិប្បនិមិ្មត ដែលនេះជាចំណុចល្អក្នុងការជំរុញផលិតកម្ម ចិញ្ចឹមសត្វ ហើយដែលពេទ្យសត្វភូមិ មានតួនាទីសំខាន់ណាស់លើបញ្ហានេះ។
លោកបន្តទៀតថា ការចិញ្ចឹមត្រូវតែផ្តល់ចំណីគ្រប់គ្រាន់ និងមិនត្រូវលែងឱ្យដើរពាសវាលពាសកាល តាមទម្លាប់ចាស់នោះទេ។ ការចិញ្ចឹមដោយលែងសត្វនឹងងាយឆ្លងជំងឺ ពីសត្វទៅសត្វ ពីសត្វមកមនុស្ស ឆ្លងពូជដែលមិនល្អ ហើយការថែទាំពិតជាមិនដិតដល់ ដែលធ្វើបានផលតិច។
ចិញ្ចឹមសត្វ ត្រូវតែផ្តល់ចំណីឱ្យបានគ្រប់គ្រាន់។ ជាចាំបាច់ត្រូវតែដាំស្មៅចំណី សត្វនៅតាមគ្រួសារនីមួយ។ ពេទ្យសត្វភូមិត្រូវតែធ្វើការងារ ហើយក៏យកចំណុចនេះធ្វើមុខរបរផងដែរ។ លោកបន្តទៀតថា ការថែទាំ គឺផ្តោតទៅលើការផ្តល់ចំណី ការចាក់ថ្នាំ ការអនាម័យ ដែលបញ្ហានេះ ក៏ជាការងាររបស់ពេទ្យសត្វភូមិផងដែរ។
ពេទ្យសត្វភូមិចំនួន១០០នាក់ ដែលមកពី៦ឃុំ ក្នុងស្រុកត្រាំកក់ បានមកទទួលការបណ្តុះបណ្តលលើបច្ចេកទេសដាំស្មៅ ចំណីសត្វ និងបិទវគ្គកាលពីថ្ងៃទី១៦ ខែឧសភាកន្លងទៅនេះ ក្រោមការចូលរួមរបស់លោករដ្ឋមន្ត្រីកសិកម្ម។
លោក សួន សុគឿន អនុប្រធាននាយកដ្ឋានផលិតកម្ម និងបសុព្យាបាល បាននិយាយថា នេះជាវគ្គលើកទី២ ដែលអនុវត្តតាមអនុសាសន៍របស់លោករដ្ឋមន្ត្រីកសិកម្ម ក្នុងគោលបំណងប្រែក្លាយស្រុកត្រាំកក់ ឱ្យទៅជាស្រុកគំរូ ក្នុងការដាំស្មៅ។ លោកបន្តទៀតថា ក្នុង១ឆ្នាំ គេត្រូវការគោ ក្របីជា៦សែនក្បាល ដើម្បីផ្គត់ផ្គង់ការហូបចុកហើយចំនួននេះ បានកើនឡើងជាលំដាប់ ជារៀងរាល់ឆ្នាំ។
លោករដ្ឋមន្ត្រីបានរំលឹក ដល់ពេទ្យសត្វ និងកសិករថា ត្រូវតែមានគំនិតថា ការចិញ្ចឹមសត្វមិនមែនសម្រាប់ការងារផលិតកម្មតែប៉ុណ្ណោះទេ តែក៏ដើម្បីធ្វើពាណិជ្ជកម្មផងដែរ។ ពេទ្យសត្វភូមិត្រូវជំរុញ ការចងក្រងជាសហគមន៍ប្រយោជន៍ដើម្បីផ្លាស់ប្តូរបទពិសោធន៍គ្នា និងលើកម្ពស់ផលិតកម្មសត្វនៅកម្ពុជា៕
ចេញផ្សាយ ១៩ កញ្ញា ២០២៤ 85
ឯកឧត្តមរដ្ឋមន្ដ្រី ឌិត ទីណា បានអនុញ្ញាតិឱ្យអង្គការ Swisscontact Cambodia ជួបសំដែងការគួរសម និងសូមការណែនាំជាផ្លូវការនូវនាយកប្រចាំប្រទេសរបស់អង្គការ និងការលាលែងរបស់អតីតនាយកប្រចាំប្រទេស របស់អង្គការ Swisscontact Cambodia
ចេញផ្សាយ ១៩ កញ្ញា ២០២៤ 85
សេចក្ដីប្រកាសព័ត៌មានរួម ស្ដីពី កិច្ចប្រជុំអន្តរក្រសួងលើកទី២ ស្ដីពីការសម្របសម្រួលការអនុវត្តកម្មវិធីនយោបាយ និងសកម្មភាពដែលពាក់ព័ន្ធនឹងសហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូ
ចេញផ្សាយ ១៩ កញ្ញា ២០២៤ 86
ឯកឧត្តមរដ្ឋមន្ដ្រី ៣រូប រួមគ្នាដឹកនាំកិច្ចប្រជុំអន្តរក្រសួងលេីកទី២ ស្ដីពីការងារកសិកម្ម អភិវឌ្ឍន៍ជនបទ និងធនធានទឹក
ចេញផ្សាយ ១៩ កញ្ញា ២០២៤ 123
ឯកឧត្តមអនុរដ្ឋលេខាធិការ ទឹម បូរក្ស បានដឹកនាំកម្លាំងចម្រុះ ចុះបង្ក្រាបបទល្មើសនេសាទ នៅស្រុកកងមាស ខេត្តកំពង់ចាម
ចេញផ្សាយ ១៨ កញ្ញា ២០២៤ 156
លោកជំទាវអនុរដ្ឋលេខាធិការ អ៊ឹម រចនា ទទួលជួបសំណេះ សំណាលជាមួយគណៈប្រតិភូ និងថ្នាក់ដឹកនាំនៃសមាគម នាវាយុវជនអាស៊ីអាគ្នេយ៍ នៅទីស្តីការក្រសួងកសិកម្ម រុក្ខាប្រមាញ់ និងនេសាទ
ចេញផ្សាយ ១៨ កញ្ញា ២០២៤ 150
ឯកឧត្តមរដ្ឋមន្ត្រី ឌិត ទីណា ទទួលជួបសម្តែងការគួរសមជាមួយក្រុមហ៊ុន សិលា ផិបភេីរ ខូអិលធីឌី
ចេញផ្សាយ ១៨ កញ្ញា ២០២៤ 149
ឯកឧត្តមអនុរដ្ឋលេខាធិការ គី ច័ន្ទរំដួល បានអញ្ជីញដឹកនាំក្រុមការងារ ចុះពិនិត្យគម្រោងព្រៃលំហែកម្សាន្ត និងសួនអាស៊ាន-កូរ៉េ ក្នុងតំបន់ស្ដារ និងអភិវឌ្ឍន៍ព្រៃឈើ «បន្ទាយស្រី» ខេត្តសៀមរាប
ចេញផ្សាយ ១៧ កញ្ញា ២០២៤ 175
ឯកឧត្តមរដ្ឋមន្ត្រី ឌិត ទីណា អញ្ជើញជាគណៈអធិបតីក្នុងពិធីចុះហត្ថលេខាលើអនុស្សរណៈយោគយល់គ្នារវាងក្រសួងកសិកម្ម រុក្ខាប្រមាញ់ និងនេសាទ និងសាជីវកម្មធានាឥណទានកម្ពុជា (CGCC)
ចេញផ្សាយ ១៧ កញ្ញា ២០២៤ 177
ឯកឧត្តមរដ្ឋមន្ត្រី ឌិត ទីណា ដឹកនាំកិច្ចប្រជុំពិភាក្សាស្តីពី «សេចក្តីព្រាងផែនការកិច្ចសហប្រតិបត្តិការរវាងរាជរដ្ឋាភិបាលកម្ពុជា និងរដ្ឋាភិបាលសាធារណរដ្ឋប្រជាមានិតចិន ស្តីពីការអភិវឌ្ឍរួមគ្នាក្នុងច្រករបៀងមច្ឆា និងអង្ករ»
ចេញផ្សាយ ១៧ កញ្ញា ២០២៤ 172
ឯកឧត្តមអនុរដ្ឋលេខាធិការ ខាត់ សុធី អញ្ជើញដឹកនាំសម្របសម្រួលវគ្គបណ្តុះបណ្តាល Farmbook App ដល់មន្ដ្រីកសិកម្មឃុំ ក្នុងខេត្តព្រៃវែង
ចេញផ្សាយ ១៧ កញ្ញា ២០២៤ 180
ឯកឧត្តមឡោ រស្មី អនុរដ្ឋលេខាធិការ អញ្ជើញជាអធិបតីបើកវគ្គបណ្តុះបណ្តាលដល់អាជីវករដែលមានបំណងធ្វើពាណិជ្ជកម្មពាក់ព័ន្ធនឹងជី-ថ្នាំកសិកម្ម នៅខេត្តសៀមរាប
