ព័ត៌មានផ្សេងៗទៀត
ឯកឧត្តម ឡោ រស្មី អញ្ជើញបើកសិក្ខាសាលាផ្សព្វផ្សាយស្តីពីការអនុញ្ញាតឲ្យប្រើប្រាស់ថ្នាំកសិកម្ម Tricyclazole ឡើងវិញ និងការណែនាំពីរបៀបប្រើប្រាស់ នៅខេត្តសៀមរាប ។
ចេញផ្សាយ ០៤ ឧសភា ២០២២ 9952
ដោយបានការអនុញ្ញាតដ៍ខ្ពង់ខ្ពស់ពី ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់និងនេសាទ និង ក្រោមជំនួយឧបត្ថម្ភហិរញ្ញវត្ថុពីអង្គការ CAVAC (កាវ៉ាក់ ) ព្រឹកថ្ងៃចន្ទ ២កើត ខែពិសាខ ឆ្នាំខាល ចត្វាស័កព.ស២៥៦៥ ត្រូវនឹងថ្ងៃទី០២ ខែឧសភា ឆ្នាំ២០២២ នាយកដ្ឋាននីតិកម្មកសិកម្មនៃក្រសួងកសិកម្ម រុក្ខាប្រមាញ់ និងនេសាទ បានប្រារព្ធបើកសិក្ខាសាលាផ្សព្វផ្សាយស្តីពីការអនុញ្ញាតឲ្យប្រើប្រាស់ថ្នាំកសិកម្ម Tricyclazole ឡើងវិញ និងការណែនាំពីរបៀបប្រើប្រាស់ក្នុងខេត្តសៀមរាប ។ ក្រោមអធិបតីភាព ឯកឧត្តម ឡោ រស្មី អនុរដ្ឋលេខាធិការក្រសួងកសិកម្មរុក្ខាប្រមាញ់និងនេសាទ លោក ភុំ រ៉ា ប្រធាននាយកដ្ឋាននីតិកម្មកសិកម្ម លោកអនុប្រធានមន្ទីរកសិកម្ម រុក្ខាប្រមាញ់ និងនេសាទខេត្តសៀមរាប មន្រ្តីការិយាល័យកសិកម្ម ធនធានធម្មជាតិ និងបរិស្ថានស្រុក.ក្រុង ដោយមានការចូលរួមពីប្រធាន.អនុប្រធានការិយាល័យ និងមន្រ្តីនីតិកម្មកសិកម្មមកពីខេត្តព្រះវិហារ និងខេត្តឧត្តមានជ័យ ព្រមទាំងពាណិជ្ជករ អាជីវករ និងអ្នកពាក់ព័ន្ធប្រមា១០០នាក់ ដោយបានអនុវត្តតាមគោលការណ៍ ៣កុំ ៣ការពារ ។
