ឯកឧត្តម ប៉ែន ផល្លីកា អនុរដ្ឋលេខាធិការក្រសួងកសិកម្ម ចូលរួមប្រជុំគណ:កម្មការសម្របសម្រួលការគ្រប់គ្រងឋបនីយជីវមណ្ឌលបឹងទន្លេសាប "Tonlé Sap Biosphere Reserve TSBR" នៅសណ្ឋាគារសូហ្វីតែលភ្នំពេញ

ចេញ​ផ្សាយ​ ០៧ កុម្ភៈ ២០២៤ 1545

នៅព្រឹកថ្ងៃទី ៧ កុម្ភ: ឆ្នាំ ២០២៤នេះ ឯកឧត្តម ប៉ែន ផល្លីកា អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ តំណាងឲ្យឯកឧត្តម ហាស់ សារ៉េត រដ្ឋលេខាធិការ បានចូលរួមកិច្ចប្រជុំគណ:កម្មការសម្របសម្រួលការគ្រប់គ្រងឋបនីយជីវមណ្ឌលបឹងទន្លេសាប "Tonlé Sap Biosphere Reserve TSBR" នៅសណ្ឋាគារសូហ្វី    តែលភ្នំពេញ ។

កិច្ចប្រជុំនេះធ្វើឡើងក្រោមអធិបតីភាព លោកជំទាវ ម៉ុម ថានី រដ្ឋលេខាធិការក្រសួងបរិស្ថាន តំណាងដ៏ខ្ពង់ខ្ពស់ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន និងអង្គការមិនមែនរដ្ឋាភិបាលដៃគូមានសហភាពអឺរ៉ុប និងអង្គការ UNESCO ហើយក៏មានការចូលរួមពីថ្នាក់ដឹកនាំខេត្តទាំង៦នៅជុំវិញបឹងទន្លេសាប។

កិច្ចប្រជុំនេះធ្វើឡើងក្នុងគោលបំណង ពន្លឿនការរៀបចំផែនការគ្រប់គ្រងឋបនីយជីវមណ្ឌលបឹងទន្លេសាប ២០២៤-២០២៨ ពិនិត្យនិងរៀបចំធាតុចូលលើមាតិកា និងចំណុចអទិភាព សម្រាប់រៀបចំការរចនាបទផែនការគ្រប់គ្រងឋបនីយជីវមណ្ឌលបឹងទន្លេសាប ការធ្វើបច្ចុប្បន្នភាពសមាជិកគណ:កម្មការសម្របសម្រួល និងក្រុមការងារបច្ចេកទេសអន្តរក្រសួងលើការគ្រប់គ្រងឋបនីយជីវមណ្ឌលបឹងទន្លេសាប។

ផលរំពឹងទុករបស់ថ្នាក់ដឹកនាំ និងសមាជិក-សមាជិកា នៃគណ:កម្មការសម្របសម្រួល TSBR និងកិច្ចប្រជុំបច្ចេកទេសនៃយន្តការសម្របសម្រួល ទទួលបានព័ត៌មានបន្ថែម និងស្វែងរកទិដ្ឋភាពជាក់ស្តែងរបស់គម្រោង ការផ្តល់សេចក្តីគាំទ្រពីសមាជិកគណ:កម្មការ និងគ្រប់ភាគីពាក់ព័ន្ធក្នុងការពន្លឿនការរៀបចំផែនការគ្រប់គ្រង TSBR ២០២៤-២០២៨ ការប្រមូលបាននូវសកម្មភាពជាអទិភាពក្នុងការរៀបចំផែនការគ្រប់គ្រង TSBR រួមទាំងបច្ចុប្បន្នភាពសមាសភាពសមាជិកគណកម្មការសម្របសម្រួល និងក្រុមការងារបច្ចេកទេសអន្តរក្រសួងលើការគ្រប់គ្រង TSBR ៕