ព័ត៌មានផ្សេងៗទៀត
អង្គសន្និបាតដើម្បីពិនិត្យស្ថានភាព និងវឌ្ឍនភាពនៃការអនុវត្តគម្រោងវិនិយោគដាំដំណាំកសិ-ឧស្សាហកម្មកៅស៊ូរបស់ក្រុមហ៊ុនសមាជិកសម្ព័ន្ធកៅស៊ូវៀតណាម VRG និងបណ្តាក្រុមហ៊ុនវិនិយោគផ្សេងៗទៀតរបស់វៀតណាមនៅកម្ពុជា ក្រោមអធិបតីភាពដ៏ខ្ពង់ខ្ពស់ឯកឧត្តមឧបនាយករដ្ឋមន្រ្តី យឹម ឆៃលី អមដោយឯកឧត្តមរដ្ឋមន្រ្តី វេង សាខុន
ចេញផ្សាយ ១ មីនា ២០១៩ 3729
នៅទីស្តីការក្រសួងកសិកម្ម រុក្ខាប្រមាញ់ និងនេសាទ នារសៀលថ្ងៃព្រហស្បតិ៍ ៩រោច ខែមាឃ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី២៨ ខែកុម្ភៈ ឆ្នាំ២០១៩ មានការរៀបចំអង្គសន្និបាតដើម្បីពិនិត្យស្ថានភាព និងវឌ្ឍនភាពនៃការអនុវត្តគម្រោងវិនិយោគដាំដំណាំកសិ-ឧស្សាហកម្មកៅស៊ូ របស់ក្រុមហ៊ុនសមាជិកសម្ព័ន្ធកៅស៊ូវៀតណាម VRG និងបណ្តាក្រុមហ៊ុនវិនិយោគផ្សេងៗទៀតរបស់វៀតណាមនៅកម្ពុជា ដែលពិធីនេះស្ថិតក្រោមអធិបតីភាពដ៏ខ្ពង់ខ្ពស់ឯកឧត្តម យឹម ឆៃលី ឧបនាយករដ្ឋមន្រ្តី និងជាប្រធានក្រុមប្រឹក្សាស្តារអភិវឌ្ឍន៍វិស័យកសិកម្មនិងជនបទ អមដោយឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងឯកឧត្តម វ៉ូ ក្វាងមីន ឯកអគ្គរដ្ឋទូតនៃសាធារណ:រដ្ឋសង្គមនិយមវៀតណាម។
ពិធីនេះក៏មានការចូលរួមយ៉ាងច្រើនកុះករពីសំណាក់ឯកឧត្តម លោកជំទាវជាថ្នាក់ដឹកនាំអន្តរក្រសួង ឯកឧត្តមអភិបាលនៃគណអភិបាលខេត្តពាក់ព័ន្ធ ឯកឧត្តមអគ្គនាយកសម្ព័ន្ធកៅស៊ូវៀតណាម លោកឧកញ៉ា លោកជំទាវ អគ្គនាយក ឬតំណាងក្រុមហ៊ុនឯកជន ស្ថាប័នពាក់ព័ន្ឋ និងប្រធានមន្ទីរកសិកម្ម រុក្ខាប្រមាញ់ និងនេសាទរាជធានី-ខេត្ត និងដៃគូអភិវឌ្ឍប្រមាណជាង ៥០០នាក់។
គោលបំណងសំខាន់ៗរបស់អង្គសន្និបាតនេះគឺ៖
ទី១- ធ្វើការវាយតម្លៃលើវឌ្ឍនភាពនៃដំណាំកៅស៊ូដែលបានដាំដុះលើដីសម្បទានសេដ្ឋកិច្ចដោយក្រុមហ៊ុនដែលជាសមាជិកសម្ព័ន្ធកៅស៊ូវៀតណាម។
ទី១- ធ្វើការវាយតម្លៃលើវឌ្ឍនភាពនៃដំណាំកៅស៊ូដែលបានដាំដុះលើដីសម្បទានសេដ្ឋកិច្ចដោយក្រុមហ៊ុនដែលជាសមាជិកសម្ព័ន្ធកៅស៊ូវៀតណាម។
ទី២- ពិនិត្យតាមដានលើផែនការអនុវត្តរបស់ក្រុមហ៊ុននីមួយៗ ផ្លាស់ប្តូរ និងចែករំលែកបទពិសោធន៍ល្អៗចំណុចខ្លាំង ចំណុចខ្សោយ និងយន្តការដោះស្រាយទំនាស់ បញ្ហាប្រឈម និងឧបសគ្គនានាដែលបាននិងកំពុងជួបប្រទះ ដើម្បីអភិវឌ្ឍអនុវិស័យកៅស៊ូឱ្យកាន់តែមានភាពរីកចម្រើន។
ទី៣- កំណត់ទិសដៅ និងវិធានការអនុវត្តបន្តដើម្បីទទួលបានលទ្ធផលល្អប្រសើរ មានប្រសិទ្ធភាព ប្រសិទ្ធផលសមស្របតាមគោលនយោបាយ និងយុទ្ធសាស្រ្តចតុកោណតំណាក់ទី៤ របស់រាជរដ្ឋាភិបាលកម្ពុជា និងគោលនយោបាយ និងផែនការអភិវឌ្ឍវិស័យកសិកម្មឆ្នាំ២០១៩-២០២៣ របស់ក្រសួងកសិកម្ម រុក្ខាប្រមាញ់ និងនេសាទ។
