ឯកឧត្តម ចាន់ ចេស្តា រដ្ឋលេខាធិការក្រសួងកសិកម្ម ជួបសំណេះសំណាល និងពិនិត្យការដ្ឋានសាងសង់ឃ្លាំងស្តុកស្រូវចំណុះ ១០០តោនក្នុងខេត្តតាកែវ

ចេញ​ផ្សាយ​ ១៩ ឧសភា ២០២៣ 4141

នៅថ្ងៃទី១៣ ខែឧសភា ឆ្នាំ២០២៣ ឯកឧត្តម ចាន់ ចេស្តា រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ និងជាប្រធានគណៈកម្មាធិការតម្រង់ទិសគម្រោងខ្សែច្រវាក់ផលិតកម្មដោយភាតរៈដ្ឋាន CFAVC ជួបសំណេះសំណាល និងពិនិត្យការដ្ឋានសាងសង់ឃ្លាំងស្តុកស្រូវចំណុះ ១០០តោន

នៅសហគមន៍កសិកម្មមានជ័យផ្លូវលោក ឃុំត្រពាំងក្រញូង ស្រុកត្រាំកក់ ខេត្តតាកែវ ព្រមទាំងមានការចូលរួមពីឯកឧត្តម សំ ឆោមសង្ហា អគ្គលេខាធិការរង ក្រសួងកសិកម្ម រុក្ខាប្រមាញ់ និងនេសាទ និងជានាយកគម្រោង CFAVC លោក ញ៉ិប ស្រ៊ន ប្រធានមន្ទីរកសិកម្ម រុក្ខាប្រមាញ់ និងនេសាទខេត្ត និងជាប្រធានអង្គភាពអនុវត្តគម្រោងខេត្ត PPIU-TAK លោកអនុប្រធានមន្ទីរអភិវឌ្ឍន៍ជនបទខេត្ត អ្នកពាក់ពន្ធ័ និងប្រជាពលរដ្ឋ សរុបចំនួន ១៥០នាក់។

គួរអោយកត់សំគាល់ដែរថាៈ គម្រោងខ្សែច្រវាក់ផលិតកម្មដោយភាតរៈបរិស្ថាន CFAVC ធ្វើការគាំទ្រប្រពន្ធ័ធារាសាស្រ្ត (ទំនប់ទឹក និងប្រលាយស្រោចស្រព) សាងសង់ផ្លូវក្រាលកៅស៊ូប្រវែង ៦ ៥៣០ម ភ្ជាប់ពីសហគមន៍កសិកម្មមកទីផ្សារ និងឃ្លាំងស្តុកស្រូវចំនួន ០៣។