ព័ត៌មានផ្សេងៗទៀត
ឯកឧត្តមបណ្ឌិត អ៊ុក រ៉ាប៊ុន ជួបពិភាក្សាជាមួយលោក Bjorn Myrseth ប្រធានក្រុមហ៊ុន VITAMAR ស្តីពីគម្រោងវិនិយោគនៃការចិញ្ចឹមត្រីសមុទ្រក្នុងបែរ
ចេញផ្សាយ ២៣ មករា ២០១៨ 2529
ឯកឧត្តមបណ្ឌិត អ៊ុក រ៉ាប៊ុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានសម្តែងនូវកិច្ចស្វាគមន៍យ៉ាងកក់ក្តៅចំពោះលោក Bjorn Myrsethប្រធានក្រុមហ៊ុនVITAMAR នៅប្រទេស Norway និងសហការីនៅក្នុងជំនួបសវនាការវេលាម៉ោង១៥និង៣០នាទី នាថ្ងៃទី១៨ ខែធ្នូ ឆ្នាំ២០១៣ នៅទីស្តីការក្រសួងកសិកម្ម រុក្ខាប្រមាញ់និងនេសាទ។
លោក Bjorn Myrseth បានពន្យល់អំពីប្រវត្តិគម្រោងវិនិយោគនៃការចិញ្ចឹមត្រីសមុទ្រក្នុងបែក្នុងប្រទេសកម្ពុជា។ លោកបានបញ្ជាក់ថាក្រុមហ៊ុនវីតាម៉ា(VITAMAR) មានបទពិសោធន៍ចិញ្ចឹមត្រីសមុទ្រក្នុងប្រទេសជាច្រើនក្នុងពិភពលោក ដោយប្រើបែទំនើបនិង មានស្ថានីយភ្ញាស់កូនត្រីពូជផ្គត់ផ្គង់ដលការចិញ្ចឹមផងដែរ។ ក្រុមហ៊ុន VITAMAR នឹងចំណាយទុនប្រហែល ប្រាំបួនលាន ដុល្លារសហរដ្ឋអាមេរិក ដោយផ្តល់ការងារដោយផ្ទាល់ដល់អ្នកជំនាញផ្នែកវារីវប្បកម្ម និងប្រជាជន ចំនួន២០០ នាក់។
លោកបានជម្រាបជូនផងដែរថាត្រីសមុទ្រចំនួន០៤ប្រភេទដែលត្រូវចិញ្ចឹមក្នុងបែដូចជា ត្រីស្ពង់ ត្រីតុកកែ ត្រីអាំងកឺយ និងត្រីចាបសមុទ្រ ដើម្បីផ្គត់ផ្គង់តម្រូវការទីផ្សារក្នុងប្រទេស។ ក្រុមហ៊ុនVITAMAR អាចបង្កើនការចិញ្ចឹម ដើម្បីនាំចេញទីផ្សារក្រៅប្រទេសដោយសង្ឃឹមថានឹងផលិតបានត្រីសាច់ប្រមាណ៣០០០តោនក្នុងមួយឆ្នាំនៅពេលក្រុមហ៊ុនដំណើរការពេញលេញ។ ហើយការចិញ្ចឹមនេះប្រើចំណីគ្រាប់សុទ្ធ ដែលមានការគិតគូរយ៉ាងល្អដល់បរិស្ថាន។ ក្រុមហ៊ុនVITAMAR ក៏មានបំណងក្នុងការបណ្តុះបណ្តាលធនធានមនុស្ស ការងារស្រាវជ្រាវពាក់ព័ន្ធក្នុងការចិញ្ចឹមត្រីសមុទ្រនិងការគិតគូរ អំពីវិធានការណ៍ការពារ និងការព្យាបាលជំងឺត្រីផងដែរ។
កន្លងមកក្រុមហ៊ុនបានសិក្សាទីកន្លែងសម្រាប់ដាក់ទីតាំងបែរត្រីនៅសមុទ្រ ជុំវិញកោះរ៉ុង កោះរ៉ុងសន្លឹមនិងកោះតាកៀវ ទីតាំងសម្រាប់អាងភ្ញាស់ត្រីសមុទ្រ កន្លែងស្តុកចំណីត្រី កន្លែងលាងសាច់បែរ និងផែរសម្រាប់ដឹកចំណីដឹកកូនត្រី និងសម្ភារផ្សេងៗដែលបម្រើដល់ការចិញ្ចឹមត្រី។ ល។ ឆ្លើយតបទៅនឹងគោលបំណងខាងលើនេះ ឯកឧត្តមរដ្ឋមន្ត្រីមានការគាំទ្រចំពោះគម្រោងវិនិយោគនៃការចិញ្ចឹមត្រីសមុទ្រក្នុងបែរនេះ និងយល់ឃើញថា ជាក្រុមហ៊ុនវិនិយោគលើវិស័យវារីវប្បកម្មសមុទ្រមានបទពិសោធន៍គ្រប់គ្រាន់និងទទួលខុសត្រូវចំពោះបរិស្ថាន។ ឯកឧត្តមរដ្ឋមន្ត្រីមានការលើកទឹកចិត្តនិងសង្ឃឹមថា ក្រុមហ៊ុនផលិតត្រីបានច្រើន ដើម្បីផ្គត់ផ្គង់ត្រី ឆ្លើយតបនឹងគោលនយោបាយរបស់រាជរដ្ឋាភិបាលចំពោះសន្តិសុខស្បៀង ហើយគម្រោងវិនិយោគនេះនឹងជួយដល់និស្សិតនិងអ្នកស្រាវជ្រាវវារីវប្បកម្ម នៃមជ្ឈមណ្ឌលស្រាវជ្រាវ និងអភិវឌ្ឍវារីវប្បកម្មសមុទ្រ ក្នុងការរៀនសូត្រនិងស្រាវជ្រាវបច្ចេកទេសថ្មីៗ នៃការធ្វើ វារីវប្បកម្មសមុទ្រ។ គួរកត់សម្គាល់ថា នាពេលបច្ចុប្បន្ន សកម្មភាពនៃការអភិវឌ្ឍវារីវប្បកម្មមានសន្ទុះយ៉ាងខ្លាំង ដែលបានផលិតត្រីសាច់សរុបប្រមាណ ៧៤.០០០តោន ក្នុងឆ្នាំ២០១២កន្លងមក ដែលក្នុងបរិមាណត្រីផលិតបាននេះ វារីវប្បកម្មសមុទ្រចូលរួមប្រមាណ១០%ប៉ុណ្ណោះ។
យើងមានការកត់សម្គាល់ឃើញសកម្មភាពអភវិឌ្ឍវារីវប្បកម្មសមុទ្រនៅទន់ខ្សោយនៅឡើយ ដោយសារកត្តាមួយចំនួនដូចជា ការចំណាយលើដំណើរការចិញ្ចឹមត្រីសមុទ្រអស់ទុនច្រើនជាងត្រីទឹកសាប ខ្វះជំនាញនិងបទពិសោធន៍វារីវប្បកម្មសមុទ្រ ខ្វះកូនពូជត្រីសមុទ្រសម្រាប់ដាក់ចិញ្ចឹមជាដើម។ នាពេលកន្លងមកពុំមានក្រុមហ៊ុនវិនិយោគបរទេសខ្នាតធំណាមួយដាក់ទុនវិនិយោគវារីវប្បកម្មត្រីសមុទ្រនៅក្នុងព្រះរាជាណាចក្រកម្ពុជាយើងនូវឡើយទេ។
ឯកឧត្តមរដ្ឋមន្ត្រីបានណែនាំឲ្យក្រុមហ៊ុនរៀបចំការសិក្សាជាបឋម និងគោរពតាមបទដ្ឋានគតិយុត្ត និងបានថ្លែងអំណរគុណដល់ លោក Bjorn Myrsethម្ចាស់ក្រុមហ៊ុននិងលោក Carlos នាយកបច្ចេកទេសនៃក្រុមហ៊ុនVITAMAR ដែលមានបំណងចង់វិនិយោគការចិញ្ចឹមត្រីសមុទ្រ តាមបែបលក្ខណៈវិទ្យាសាស្ត្រទំនើបនៅក្នុងប្រទេសកម្ពុជា។
ចេញផ្សាយ ១៩ កញ្ញា ២០២៤ 87
ឯកឧត្តមរដ្ឋមន្ដ្រី ឌិត ទីណា បានអនុញ្ញាតិឱ្យអង្គការ Swisscontact Cambodia ជួបសំដែងការគួរសម និងសូមការណែនាំជាផ្លូវការនូវនាយកប្រចាំប្រទេសរបស់អង្គការ និងការលាលែងរបស់អតីតនាយកប្រចាំប្រទេស របស់អង្គការ Swisscontact Cambodia
ចេញផ្សាយ ១៩ កញ្ញា ២០២៤ 86
សេចក្ដីប្រកាសព័ត៌មានរួម ស្ដីពី កិច្ចប្រជុំអន្តរក្រសួងលើកទី២ ស្ដីពីការសម្របសម្រួលការអនុវត្តកម្មវិធីនយោបាយ និងសកម្មភាពដែលពាក់ព័ន្ធនឹងសហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូ
ចេញផ្សាយ ១៩ កញ្ញា ២០២៤ 88
ឯកឧត្តមរដ្ឋមន្ដ្រី ៣រូប រួមគ្នាដឹកនាំកិច្ចប្រជុំអន្តរក្រសួងលេីកទី២ ស្ដីពីការងារកសិកម្ម អភិវឌ្ឍន៍ជនបទ និងធនធានទឹក
ចេញផ្សាយ ១៩ កញ្ញា ២០២៤ 124
ឯកឧត្តមអនុរដ្ឋលេខាធិការ ទឹម បូរក្ស បានដឹកនាំកម្លាំងចម្រុះ ចុះបង្ក្រាបបទល្មើសនេសាទ នៅស្រុកកងមាស ខេត្តកំពង់ចាម
ចេញផ្សាយ ១៨ កញ្ញា ២០២៤ 156
លោកជំទាវអនុរដ្ឋលេខាធិការ អ៊ឹម រចនា ទទួលជួបសំណេះ សំណាលជាមួយគណៈប្រតិភូ និងថ្នាក់ដឹកនាំនៃសមាគម នាវាយុវជនអាស៊ីអាគ្នេយ៍ នៅទីស្តីការក្រសួងកសិកម្ម រុក្ខាប្រមាញ់ និងនេសាទ
ចេញផ្សាយ ១៨ កញ្ញា ២០២៤ 150
ឯកឧត្តមរដ្ឋមន្ត្រី ឌិត ទីណា ទទួលជួបសម្តែងការគួរសមជាមួយក្រុមហ៊ុន សិលា ផិបភេីរ ខូអិលធីឌី
ចេញផ្សាយ ១៨ កញ្ញា ២០២៤ 149
ឯកឧត្តមអនុរដ្ឋលេខាធិការ គី ច័ន្ទរំដួល បានអញ្ជីញដឹកនាំក្រុមការងារ ចុះពិនិត្យគម្រោងព្រៃលំហែកម្សាន្ត និងសួនអាស៊ាន-កូរ៉េ ក្នុងតំបន់ស្ដារ និងអភិវឌ្ឍន៍ព្រៃឈើ «បន្ទាយស្រី» ខេត្តសៀមរាប
ចេញផ្សាយ ១៧ កញ្ញា ២០២៤ 175
ឯកឧត្តមរដ្ឋមន្ត្រី ឌិត ទីណា អញ្ជើញជាគណៈអធិបតីក្នុងពិធីចុះហត្ថលេខាលើអនុស្សរណៈយោគយល់គ្នារវាងក្រសួងកសិកម្ម រុក្ខាប្រមាញ់ និងនេសាទ និងសាជីវកម្មធានាឥណទានកម្ពុជា (CGCC)
ចេញផ្សាយ ១៧ កញ្ញា ២០២៤ 177
ឯកឧត្តមរដ្ឋមន្ត្រី ឌិត ទីណា ដឹកនាំកិច្ចប្រជុំពិភាក្សាស្តីពី «សេចក្តីព្រាងផែនការកិច្ចសហប្រតិបត្តិការរវាងរាជរដ្ឋាភិបាលកម្ពុជា និងរដ្ឋាភិបាលសាធារណរដ្ឋប្រជាមានិតចិន ស្តីពីការអភិវឌ្ឍរួមគ្នាក្នុងច្រករបៀងមច្ឆា និងអង្ករ»
ចេញផ្សាយ ១៧ កញ្ញា ២០២៤ 172
ឯកឧត្តមអនុរដ្ឋលេខាធិការ ខាត់ សុធី អញ្ជើញដឹកនាំសម្របសម្រួលវគ្គបណ្តុះបណ្តាល Farmbook App ដល់មន្ដ្រីកសិកម្មឃុំ ក្នុងខេត្តព្រៃវែង
ចេញផ្សាយ ១៧ កញ្ញា ២០២៤ 180
ឯកឧត្តមឡោ រស្មី អនុរដ្ឋលេខាធិការ អញ្ជើញជាអធិបតីបើកវគ្គបណ្តុះបណ្តាលដល់អាជីវករដែលមានបំណងធ្វើពាណិជ្ជកម្មពាក់ព័ន្ធនឹងជី-ថ្នាំកសិកម្ម នៅខេត្តសៀមរាប
