ព័ត៌មានផ្សេងៗទៀត
ឯកឧត្ដមបណ្ឌិត អ៊ុក រ៉ាប៊ុន ជួបពិភាក្សាជាមួយ ឯកឧត្ដម Yukiya Amano អគ្គនាយកនៃអគ្គនាយកដ្ឋានសម្របសម្រួល ទីភ្នាក់ងារថាមពលអាតូមិកអន្ដរជាតិ
ចេញផ្សាយ ២៣ មករា ២០១៨ 2492
នៅថ្ងៃទី១៤ ខែមករា ឆ្នាំ២០១៤ ចាប់ពីម៉ោង២ ដល់ម៉ោង២និង៥០នាទីរសៀល ឯកឧត្ដមបណ្ឌិត អ៊ុក រ៉ាប៊ុន រដ្ឋមន្ដ្រីក្រសួងកសិកម្ម រុក្ខាប្រមាញ់ និងនេសាទបានអនុញ្ញាតជូន ឯកឧត្ដម Yukiya Amanoអគ្គនាយក នៃអគ្គនាយក ដ្ឋានសម្របសម្រួល ទីភ្នាក់ងារថាមពលអាតូមិកអន្ដរជាតិ (International Atomic Energy Agency, AEA) និង សហការីចំនួន ២ នាក់ ចូលជួបសម្ដែងការគួរសម និងពិភាក្សាការងារ នៅទីស្ដីការក្រសួង ។
បន្ទាប់ពីបានសម្ដែងការគួរសមរួចមកឯកឧត្ដម Yukiya Amano បានជម្រាបអំពីព័ត៌មានសំខាន់ៗទាក់ទងនឹង ទីភ្នាក់ងារនេះដែលជាអង្គការអន្ដរជាតិមួយនៅក្រោមអង្គការសហប្រជាជាតិ មានគោលដៅជំរុញការប្រើប្រាស់ថាមពល នុយក្លេអ៊ែរក្នុងគោលបំណងសន្ដិភាពដោយហាមឃាត់ ឬ ទប់ស្កាត់ការប្រើប្រាស់អាវុធនុយក្លេអ៊ែរ។ ទីភ្នាក់ងារនេះ អនុវត្ដតួនាទីជាវេទិកាអន្ដររដ្ឋាភិបាលសម្រាប់កិច្ចសហប្រតិបត្ដិការវិទ្យាសាស្ដ្រ និងបច្ចេកទេសក្នុងការប្រើប្រាស់ដោយ សុវត្ថិភាពនិងសន្ដិភាពនូវបច្ចេកវិទ្យានិងថាមពលនុយក្លេអ៊ែរ។ ឯគោលបំណងសំខាន់ៗនៃជំនួបនេះគឺក្រៅអំពីការសម្ដែង ការគួរសម គឺការជូនព័ត៌មានអំពីតួនាទីភារកិច្ច បច្ចេកវិទ្យា កិច្ចសហប្រតិបត្ដិការនិងការគាំទ្រផ្សេងៗដែលទីភ្នាក់ងារនេះ មាននិងកំពុងអនុវត្ដ។
កិច្ចការសំខាន់ៗមួយចំនួនដែលគេបានផ្ដោតគឺការការស្រាវជ្រាវអភិវឌ្ឍបណ្ដុះបណ្ដាល និងជំរុញ ប្រើប្រាស់បច្ចេកវិទ្យានុយក្លេអ៊ែរថ្មីៗ ដែលអាចជួយជំរុញកិច្ចអភិវឌ្ឍក្នុងស្ថានភាពដែលប្រជាពលរដ្ឋចេះតែបន្ដកើនចំនួន ហើយពិភពលោកកំពុងប្រឈមនឹងបញ្ហានៃការប្រែប្រួលអាកាសធាតុ។ បច្ចេកវិទ្យានុយក្លេអ៊ែរ ត្រូវបានវាយតម្លៃថាមាន តម្លៃថោក និងមានភាពសមស្របច្រើនជាមួយវិស័យកសិកម្ម ដូចជាការផលិតនិងប្រើប្រាស់ជីការជួយជំរុញភាពលូតលាស់ នៃដំណាំនិងគុណភាពពូជការបង្កើនផលិតភាពកសិកម្ម ការសន្សំសំចៃទឹកការថែរក្សាគុណភាពកសិផលក៏ដូចជា ស្បៀងអាហារ ការវាយតម្លៃគុណភាពដីនិងទឹកក្រោមដីកិច្ចការពារបរិស្ថាន និងធនធានធម្មជាតិផ្សេងៗ រហូតដល់ការបង្ការ និង ព្យាបាលជំងឺ (ជាពិសេសជំងឺមហារីក)។ ប៉ុន្ដែជាការចាំបាច់ដែលត្រូវអភិវឌ្ឍនិងអនុវត្ដប្រើប្រាស់ដោយប្រុងប្រយ័ត្ន ដើម្បី ប្រសិទ្ធភាពសុវត្ថិភាពនិងសន្ដិភាព។ ឯកឧត្ដមអគ្គនាយកបានលើកអំពីការកើនឡើងជាបន្ដបន្ទាប់នូវចំណាប់អារម្មណ៍ របស់ប្រទេសជាច្រើននៅទ្វីបអាស៊ី លើបច្ចេកវិទ្យានុយក្លេអ៊ែរ ជាពិសេសដើម្បីផលិតថាមពលអគ្គិសនី ហើយបានជូន យោបល់ដើម្បីក្រសួង ក៏ដូចជារាជរដ្ឋាភិបាលកម្ពុជាពិចារណាអំពីការអភិវឌ្ឍសមត្ថភាពធនធានមនុស្ស និងការរៀបចំ ឱ្យមានស្ថាប័ន ឬ អង្គភាពឯករាជ្យដើម្បីគ្រប់គ្រងនិងមានវិធានការផ្នែកច្បាប់ ព្រមទាំងអនុវត្ដកិច្ចការពាក់ព័ន្ធឱ្យមាន ប្រសិទ្ធភាពនិងសុវត្ថិភាព ។
ឯកឧត្ដរដ្ឋមន្ដ្រីក៏បានថ្លែងអំណរគុណនិងក្ដីសោមនស្សរីករាយដោយបានជ្រាបអំពីបំណងល្អការចំណាយពេលវេលា ដើម្បីជួបពិភាក្សាការងារនិងការគាំទ្ររបស់ទីភ្នាក់ងារនេះនាពេលកន្លងមកសម្រាប់ជួយអភិវឌ្ឍផ្នែកផលិតកម្មដំណាំនិងការ ចិញ្ចឹមសត្វ។ បន្ទាប់ពីបានជម្រាបអំពីគោលនយោបាយរបស់រាជរដ្ឋាភិបាលកម្ពុជាទាក់ទងនឹងការអភិវឌ្ឍគ្រប់គ្រង និងប្រើ ប្រាស់បច្ចេកវិទ្យានេះដោយប្រុងប្រយ័ត្ន ឯកឧត្ដមរដ្ឋមន្ដ្រីបានរំលឹកបន្ថែមអំពីកិច្ចសហប្រតិបត្ដិការកន្លងមកជាមួយ ទីភ្នាក់ងារបរមាណូអន្ដរជាតិ ជាអាទិ១. លើផ្នែកគ្រប់គ្រងដីនិងទឹក និងអាហារូបត្ថម្ភសម្រាប់ដំណាំកសិកម្ម ២. ការ បង្កាត់ពូជដំណាំនិងហ្សែន ៣. ផលិតកម្មសត្វ និងសុខភាពសត្វក្រោមកិច្ចសហការជាមួយនាយកដ្ឋានផលិតកម្ម និងបសុ ព្យាបាល ៤. ការគ្រប់គ្រងសត្វល្អិតនិង ៥. ការការពារបរិស្ថាននិងអាហារ។
មានគម្រោង២ដែលអនុវត្ដដោយអគ្គនា យកដ្ឋានកសិកម្ម គឺវិធានការចម្រុះគ្រប់គ្រងជីជាតិដី និងដំណាំដើម្បីបង្កើនផលិតភាពប្រព័ន្ឋកសិកម្មដំណាំស្រូវប្រកប ដោយនិរន្ដរភាព និងគម្រោងស្ដីពី ការប្រើប្រាស់ម៉ូលេគុលនុយក្លេអ៊ែរសម្រាប់ធ្វើឱ្យប្រសើរឡើងនូវផលិតភាពនិងត្រួត ពិនិត្យជំងឺសត្វឆ្លងដែនអនុវត្ដដោយនាយកដ្ឋានផលិតកម្មនិងបសុព្យាបាល។ ទន្ទឹមនឹងនេះក៏បានទទួលនូវជំនួយជាសម្ភារៈ ឧបករណ៍និងការបណ្ដុះបណ្ដាលធនធានមនុស្សបានមួយចំនួនគួរឱ្យកត់សម្គាល់។ ឯកឧត្ដមរដ្ឋមន្ដ្រីស្នើសុំទីភ្នាក់ងារនេះ បន្ដជួយគាំទ្រលើផ្នែកទាំង២នេះនិង ពិចារណាអំពីការគាំទ្រផ្នែកផ្សេងទៀត។ ឯកឧត្ដម Yukiya Amano ទទួលយក សំណូមពរនេះ និងបន្ដកិច្ចសហប្រតិបត្ដិការលើផ្នែកវិទ្យាសាស្ដ្រនិងបច្ចេកទេសនុយក្លេអ៊ែរនេះនៅក្នុងវិស័យកសិកម្មដែល ជាវិស័យមួយមានសារៈសំខាន់នៅកម្ពុជាជំនួបពិភាក្សាខាងលើត្រូវបានបញ្ចប់ប្រកបដោយភាពស្និទ្ធស្នាល និងទទួលខុស ត្រូវខ្ពស់ ។
ចេញផ្សាយ ១៩ កញ្ញា ២០២៤ 85
ឯកឧត្តមរដ្ឋមន្ដ្រី ឌិត ទីណា បានអនុញ្ញាតិឱ្យអង្គការ Swisscontact Cambodia ជួបសំដែងការគួរសម និងសូមការណែនាំជាផ្លូវការនូវនាយកប្រចាំប្រទេសរបស់អង្គការ និងការលាលែងរបស់អតីតនាយកប្រចាំប្រទេស របស់អង្គការ Swisscontact Cambodia
ចេញផ្សាយ ១៩ កញ្ញា ២០២៤ 85
សេចក្ដីប្រកាសព័ត៌មានរួម ស្ដីពី កិច្ចប្រជុំអន្តរក្រសួងលើកទី២ ស្ដីពីការសម្របសម្រួលការអនុវត្តកម្មវិធីនយោបាយ និងសកម្មភាពដែលពាក់ព័ន្ធនឹងសហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូ
ចេញផ្សាយ ១៩ កញ្ញា ២០២៤ 86
ឯកឧត្តមរដ្ឋមន្ដ្រី ៣រូប រួមគ្នាដឹកនាំកិច្ចប្រជុំអន្តរក្រសួងលេីកទី២ ស្ដីពីការងារកសិកម្ម អភិវឌ្ឍន៍ជនបទ និងធនធានទឹក
ចេញផ្សាយ ១៩ កញ្ញា ២០២៤ 123
ឯកឧត្តមអនុរដ្ឋលេខាធិការ ទឹម បូរក្ស បានដឹកនាំកម្លាំងចម្រុះ ចុះបង្ក្រាបបទល្មើសនេសាទ នៅស្រុកកងមាស ខេត្តកំពង់ចាម
ចេញផ្សាយ ១៨ កញ្ញា ២០២៤ 156
លោកជំទាវអនុរដ្ឋលេខាធិការ អ៊ឹម រចនា ទទួលជួបសំណេះ សំណាលជាមួយគណៈប្រតិភូ និងថ្នាក់ដឹកនាំនៃសមាគម នាវាយុវជនអាស៊ីអាគ្នេយ៍ នៅទីស្តីការក្រសួងកសិកម្ម រុក្ខាប្រមាញ់ និងនេសាទ
ចេញផ្សាយ ១៨ កញ្ញា ២០២៤ 150
ឯកឧត្តមរដ្ឋមន្ត្រី ឌិត ទីណា ទទួលជួបសម្តែងការគួរសមជាមួយក្រុមហ៊ុន សិលា ផិបភេីរ ខូអិលធីឌី
ចេញផ្សាយ ១៨ កញ្ញា ២០២៤ 149
ឯកឧត្តមអនុរដ្ឋលេខាធិការ គី ច័ន្ទរំដួល បានអញ្ជីញដឹកនាំក្រុមការងារ ចុះពិនិត្យគម្រោងព្រៃលំហែកម្សាន្ត និងសួនអាស៊ាន-កូរ៉េ ក្នុងតំបន់ស្ដារ និងអភិវឌ្ឍន៍ព្រៃឈើ «បន្ទាយស្រី» ខេត្តសៀមរាប
ចេញផ្សាយ ១៧ កញ្ញា ២០២៤ 175
ឯកឧត្តមរដ្ឋមន្ត្រី ឌិត ទីណា អញ្ជើញជាគណៈអធិបតីក្នុងពិធីចុះហត្ថលេខាលើអនុស្សរណៈយោគយល់គ្នារវាងក្រសួងកសិកម្ម រុក្ខាប្រមាញ់ និងនេសាទ និងសាជីវកម្មធានាឥណទានកម្ពុជា (CGCC)
ចេញផ្សាយ ១៧ កញ្ញា ២០២៤ 177
ឯកឧត្តមរដ្ឋមន្ត្រី ឌិត ទីណា ដឹកនាំកិច្ចប្រជុំពិភាក្សាស្តីពី «សេចក្តីព្រាងផែនការកិច្ចសហប្រតិបត្តិការរវាងរាជរដ្ឋាភិបាលកម្ពុជា និងរដ្ឋាភិបាលសាធារណរដ្ឋប្រជាមានិតចិន ស្តីពីការអភិវឌ្ឍរួមគ្នាក្នុងច្រករបៀងមច្ឆា និងអង្ករ»
ចេញផ្សាយ ១៧ កញ្ញា ២០២៤ 172
ឯកឧត្តមអនុរដ្ឋលេខាធិការ ខាត់ សុធី អញ្ជើញដឹកនាំសម្របសម្រួលវគ្គបណ្តុះបណ្តាល Farmbook App ដល់មន្ដ្រីកសិកម្មឃុំ ក្នុងខេត្តព្រៃវែង
ចេញផ្សាយ ១៧ កញ្ញា ២០២៤ 180
ឯកឧត្តមឡោ រស្មី អនុរដ្ឋលេខាធិការ អញ្ជើញជាអធិបតីបើកវគ្គបណ្តុះបណ្តាលដល់អាជីវករដែលមានបំណងធ្វើពាណិជ្ជកម្មពាក់ព័ន្ធនឹងជី-ថ្នាំកសិកម្ម នៅខេត្តសៀមរាប
