ព័ត៌មានផ្សេងៗទៀត
ប្រតិភូព្រះបរមរាជវាំងចុះពិនិត្យទីតាំងប្រារព្ឋពិធីបុណ្យរុក្ខទិវាជាលើកទីពីរ
ចេញផ្សាយ ២២ មករា ២០១៨ 4864
កាលពីថ្ងៃទី០៣ ខែកក្កដា ឆ្នាំ២០១២ សមេ្តចចៅហ្វាវាំង គង់ សំអុល ឧបនាយករដ្ឋមន្រី្ត រដ្ឋមន្ត្រីព្រះបរមរាជវាំងអមដំណើរដោយលោកច័ន្ទសារុនរដ្ឋមន្ត្រីក្រសួងកសិកម្មរុក្ខាប្រមាញ់ និងនេសាទ លោក គុយ សុផល រដ្ឋលេខាធិការព្រះបរមរាជវាំង លោក ស៊ូ ភីរិន្ទ អភិបាលខេត្តសៀមរាប លោក ឆេង គឹមស៊ុន ប្រតិភូរាជរដ្ឋាភិបាល ទទួលបន្ទុករដ្ឋបាលព្រៃឈើ បានអញ្ជើញចុះទៅពិនិត្យទីតាំងប្រារព្ធពិធីបុណ្យរុក្ខទិវា ដែលនឹងប្រព្រឹត្តទៅនាថ្ងៃទី៩កក្កដាដ៏ខ្លីខាងមុខ។
នេះជាការអញ្ជើញទៅពិនិត្យជាលើកទី២ របស់ប្រតិភូព្រះបរមរាជវាំង ទៅកាន់ទីតាំងដែលត្រូវប្រារព្ធពិធី នៅភូមិកំព្រហ្ម ឃុំឃុនរាម ស្រុកបន្ទាយស្រី ខេត្តសៀមរាប ខាងជើងទីរួមខេត្តសៀមរៀប ដែលមានចំងាយប្រមាណ៤៥គីឡូម៉ែត្រពីទីរួមខេត្ត។
បុណ្យរុក្ខទិវានៅថ្ងៃទី៩ ខែកក្កដា ឆ្នាំ២០១២ ដែលប្រារព្ធធ្វើនៅខេត្តសៀមរាប នាពេលខាងមុខនេះ គឺជាឆ្នាំទី៨ហើយ។ ពិធីនេះព្រះករុណាព្រះបាទសមេ្តច ព្រះបរមនាថ នរោត្តមសីហមុនី ព្រះមហាក្សត្រ នៃព្រះរាជាណាចក្រកម្ពុជានឹងធ្វើជាព្រះរាជាធិបតីភាព។
