ព័ត៌មានផ្សេងៗទៀត
ឯកឧត្តមរដ្ឋមន្ត្រី៖បើស្ទូងសំណាបចាស់ត្រូវចាប់ឲ្យធំ និងស្ទូងឲ្យញឹក
ចេញផ្សាយ ២២ មករា ២០១៨ 3127
បើស្ទូងសំណាបចាស់ត្រូវចាប់ឲ្យធំ និងស្ទូងឲ្យញឹក នេះជាប្រសាសណែនាំរបស់ ឯកឧត្តមរដ្ឋមន្ត្រីក្នុងឱកាសចុះទៅពិនិត្យការបូមទឹកជួយសង្គ្រោះសន្ទូង និងពិនិត្យការព្រោះស្រូវដោយប្រើឧបករណ៍ drumseeder នៅភូមិបឹងធំ ឃុំអង្គសុភី ស្រុកកំពង់ត្រាច កាលពីថ្ងៃទី០៩ ខែកញ្ញា ដោមានការចូលរួមពីឯកឧត្តមថ្នាកដឹកនាំក្រសួង ប្រធានមន្ទីរអញ្ជើញមកពី ១២ ខេត្ត និងមន្ដ្រីថ្នាក់ដឹកនាំនាយកដ្ឋានជំនាញមួយចំនួនទៀត។
នៅពេលឃើញប្រជាកសិករកំពុងស្ទូង ឯកឧត្តមរដ្ឋមន្ត្រីបានប្រាប់ទៅប្រជាកសិករ ដែលកំពុងស្ទួងសំណាបចាស់ឲ្យចាប់ធំ ហើយស្ទូងឲ្យញឹក ពីព្រោះសំណាបវាហួសអាយុធ្វើការលូតលាស់ បែកគុម្ភហើយដូច្នេះមានតែចាប់ធំ និងស្ទូងឲ្យញឹម ទន្ទឹមនឹងនោះក៏ត្រូវដាក់ជីកុំប៉ុស្តិ៍ និងមើលថែរទាំងឲ្យបានដិតដល់ ទើបអាចបានផល។ ឆ្នាំក្រោយបើស្ទូងរបៀបនេះគួរតែធ្វើតាមប្រព័ន្ធប្រពលវប្បកម្មដំណាំស្រូវតាមគោលការធម្មជាតិហៅថា បវស ហើយត្រូវប្រើពូជស្រូវស្រាលមិនប្រកាន់រដូវវិញ។
ចំពោះបញ្ហាពូជស្រូវលោកសុំឲ្យកសិករប្តូរពូជចេញ ពូជស្រូវត្រូវមានប្រភពច្បាស់លាស់ គួរទាក់ទងទៅការិយាល័យកសិកម្មស្រុក ឬមន្ទីរកសិកម្មខេត្ត ដោយគួរជ្រើសរើសយកពូជទាំង១០ ដែលក្រសួងបានអនុម័តឲ្យប្រើរួចហើយ។ ចំពោះគុណភាពដី និងការពង្រាបដី លោករដ្ឋមន្ត្រីបានជូនមតិថាបងប្អូនទាញយកប្រយោជន៍ពីដីយ៉ាងច្រើនជារៀងរាល់ឆ្នាំ ប៉ុន្តែមិនសូវដែលបានគិតគូពីការកែលម្អ ការថែរក្សាដីដែលជាកេរ្តិ៍ពីដូនតានេះឲ្យនៅតែផ្តល់ប្រយោជន៍ឲ្យយើងឲ្យបានយូ អង្វែនទេ ខ្វះបំផ្លាញវាទៀតតាមរយៈការប្រើជីគីមីហួសកម្រិត ការប្រើថ្នាំពុល ការដុតចំបើងក្នុងស្រែ។ល។
ដូច្នេះ លោកសុំឲ្យប្រជាកសិករយកចិត្តទុកដាក់ថែរក្សាដីស្រែឲ្យបានល្អ ដោយត្រូវប្រើជីកុំប៉ុស្តិ៍ ក្រោយពេលប្រមូលផលស្រូវគួរដាំដំណាំយកផ្លែដូចជាត្រសល់ស្រូវ ឱឡឹក ល្ពៅ ត្រឡាចវារ។ល។ បានផលហូប លក់ដូរហើយ សល់សំណល់ជាស្លឹក ដើមចាស់ៗ ភ្ជួរលប់ធ្វើជីដ៏ល្អ។ រាល់ពេលប្រើជី និងថ្នាំពុលកសិកម្មត្រូវពិភាក្សាជាមួយមន្ត្រីជំនាញជាមុនសិន មិនគួរប្រើតាមអ្វីដែលឈ្មួញបានប្រាប់ទេព្រោះពួកគាត់មិនយល់ពីបច្ចេកទេស។ ក្នុងឱកាសនេះលោកបានជួយឧបត្ថម្ភប្រេងសម្រាប់អន្តរាគមន៍បូមទឹកចំនួន ៣០០ លីត្រ និងថវិកាបន្ថែមចំនួន ៦០ ម៉ឺនរៀលផងដែរ។
