ព័ត៌មានផ្សេងៗទៀត
ឯកឧត្តមរដ្ឋលេខាធិការ ឱម គឹមស៊ា អញ្ជើញដឹកនាំកិច្ចប្រជុំរបស់ក្រុមការងារអនុគណៈកម្មការរដ្ឋបាល ផ្គត់ផ្គង់ និងសណ្ដាប់ធ្នាប់ នៃគណៈកម្មការបូកសរុបការងារកសិកម្ម ទូទាំងប្រទេស ប្រចាំឆ្នាំ២០២៥ និងលើកទិសដៅអនុវត្តឆ្នាំ២០២៦
ចេញផ្សាយ ១៨ មីនា ២០២៦ 1876
នៅថ្ងៃទី១៨ ខែមីនា ឆ្នាំ២០២៦ ឯកឧត្តម ឱម គឹមស៊ា រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានអញ្ជើញដឹកនាំកិច្ចប្រជុំរបស់ក្រុមការងារអនុគណៈកម្មការរដ្ឋបាល ផ្គត់ផ្គង់ និងសណ្ដាប់ធ្នាប់ ដោយមានការអញ្ជើញចូលរួមពី ឯកឧត្ដម សរ ចិត្រា អគ្គលេខាធិការក្រសួង, លោក សំ ឆោមសង្ហា អគ្គលេខាធិការរង, លោក សុខ ប៉ុណ្ណៈកុសល ប្រធាននាយកដ្ឋានកិច្ចការរដ្ឋបាល, លោក អ៊ិន សុភា អនុប្រធាននាយកដ្ឋានកិច្ចការរដ្ឋបាល ព្រមទាំងលោក លោកស្រី ជាសមាជិកក្រុមការងារ នៅទីស្ដីការក្រសួងកសិកម្ម រុក្ខាប្រមាញ់ និងនេសាទ។
កិច្ចប្រជុំនេះរៀបចំឡើងក្នុងគោលបំណងពិនិត្យ និងស្តាប់របាយការណ៍វឌ្ឍនភាពការងាររបស់អនុគណៈកម្មការរដ្ឋបាល ផ្គត់ផ្គង់ និងសណ្ដាប់ធ្នាប់ ដើម្បីត្រៀមលក្ខណៈឱ្យបានល្អប្រសើរសម្រាប់ការរៀបចំសន្និបាតខាងមុខ។
ទន្ទឹមនឹងនេះ ឯកឧត្តមរដ្ឋលេខាធិការ ក៏បានដឹកនាំក្រុមការងារចុះពិនិត្យជាក់ស្ដែងលើការងារបច្ចេកទេស រួមមាន៖ ការរៀបចំទីតាំង (ចំណតរថយន្ត កន្លែងពិសាអាហារ) ការផ្គត់ផ្គង់សម្ភារៈ និងការធានាសន្តិសុខ សណ្តាប់ធ្នាប់ ដើម្បីធានាឱ្យដំណើរការសន្និបាតប្រព្រឹត្តទៅដោយរលូន និងមានប្រសិទ្ធភាពខ្ពស់៕
