ពិធីចុះកិច្ចសន្យាផលិតគ្រាប់ពូជស្រូវចំនួន១៧ រវាងសហគមន៍ផលិតគ្រាប់ពូជស្រូវជាមួយអ្នកប្រមូលទិញសម្រាប់ចែកចាយបន្ត របស់គម្រោងជំរុញផលិតកម្មស្រូវ និងការនាំចេញអង្ករ (Rìce-SDP)

ចេញ​ផ្សាយ​ ១៣ សីហា ២០២០ 10480

កិច្ចសន្យាផលិតគ្រាប់ពូជស្រូវចំនួន១៧ ត្រូវបានចុះហត្ថលេខា រវាងសហគមន៍ផលិតគ្រាប់ពូជ ស្រូវ ជាមួយអ្នកប្រមូលទិញសម្រាប់ចែកចាយបន្ត មកពីខេត្តគោលដៅចំនួន៣ របស់គម្រោងជំរុញផលិតកម្មស្រូវ និងការនាំចេញអង្ករ (Rìce-SDP) ត្រូវបានរៀបចំនៅអគ្គនាយកដ្ឋានកសិកម្ម។
កាលពីព្រឹកថ្ងៃទី១២ ខែសីហា ឆ្នាំ២០២០ នៅអគ្គនាយកដ្ឋានកសិកម្ម បានរៀបចំពិធីចុះហត្ថលេខាលើផលិតកម្មគ្រាប់ពូជស្រូវតាមកិច្ចសន្យា ក្រោមការចូលរួមជាអធិបតីពីឯកឧត្តម បណ្ឌិត ងិន ឆាយ ប្រតិភូរាជរដ្ឋាភិបាលកម្ពុជា ទទួលបន្ទុកជាអគ្គនាយក នៃអគ្គនាយកដ្ឋានកសិកម្ម លោកអោម ពេជ្រ ប្រធានសម្របសម្រួលគម្រោងថ្នាក់ជាតិ ឯកឧត្តម ចាន់ រ៉ាន់ នាយកគម្រាងថ្នាក់ខេត្ត ប្រចាំខេត្តព្រៃវែង ឯកឧត្តមឈឹម សាប៊ុន នាយកគម្រោងប្រចាំខេត្តបាត់ដំបង និងលោក ឈ បៀងគង់ អនុប្រធានមន្ទីរកសិកម្មរុក្ខាប្រមាញ់និងនេសាទខេត្តកំពង់ធំ។
បន្ទាប់ពីលោកបណ្ឌិត គង់ គា ប្រធាននាយកដ្ឋានដំណាំស្រូវ នៃអគ្គនាយកដ្ឋានកសិកម្ម បានមានមតិស្វាគមន៍ និងរាយការណ៍សង្ខេបអំពីសកម្មភាព និងលទ្ធផលការងាររបស់ខ្លួនក្នុងក្របខ័ណ្ឌសហប្រតិបត្រការជាមួយគម្រោង Rìce SDP និងថ្លែងអណរគុណចំពោះវត្តមារបស់គណៈអធិបតី និងអ្នកចូលរួមទាំងអស់ ឯកឧត្តមបណ្ឌិត ងិន ឆាយ ប្រតិភូ រាជរដ្ឋាភិបាលកម្ពុជាទទួលបន្ទុកជាអគ្គនាយកនៃអគ្គនាយកដ្ឋានកសិកម្ម បានកោតសរសើរចំពោះក្រុមការងារ របស់នាយកដ្ឋានដំណាំស្រូវដែលបានអនុវត្តការងារយ៉ាងសកម្ម និងទទួលបានលទ្ធផលល្អប្រសើរ ជាពិសេសបានផ្តូចផ្តើមបង្កើតទំនាក់ទំនងរវាងអ្នក ពាក់ព័ន្ធក្នុងខ្សែច្រវាក់តម្លៃស្រូវអង្ករ ។ មានមតិសំណេះសំណាលក្នុងពិធីនេះ ឯកឧត្តមបណ្ឌិត ងិន ឆាយ បានជម្រាបជូនអ្នកចូលរួមអំពីផលិតកម្មដំណាំស្រូវ និងសក្តានុពលនាំចេញអង្ករកម្ពុជាទៅទីផ្សារអ្តរជាតិ ប៉ុន្តែយើងនៅមិទាន់សម្រេចបាននូវផែនកានាំចេញឱ្យបាមួយលានតោន របស់រាជរដ្ឋាភិបាលនៅឡើយ ដោយសារបញ្ហាមួយចំនួនដូចជាថ្លៃអគ្គិសនី ការដឹកជញ្ជូន និងថ្លៃដើមផលិតខ្ពស់ជាងប្រទេសជិតខាង ។ ប៉ុន្តែកម្ពុជាមានសក្តាុនុពលក្នុងការប្រកួតប្រជែងនាំអង្ករក្រអូបទៅសហភាពះឺរ៉ុប និងប្រទេសចិន។ ដើម្បីបង្កើនឧត្តមភាពប្រកួប្រជែងនៅឆាកអន្តរជាតិ គឹកម្ពុជាត្រូវផលិតអង្ករឱ្យមានគុណភាពល្អ សុវត្ថិភាព និងអនុលោមតាមស្តង់ដារតម្រូវការរបស់អ្នកបញ្ជារទិញ។ ចំពោះការចុគិច្ចសន្យាថ្ងៃនេះ គឺជាផ្នែកមួយក្នុងការជំរុញគុណភាពស្រូវអង្ករកម្ពុជាតាមរយៈការផលិត និងប្រើប្រាស់គ្រាប់ពូជសុទ្ធល្អ។ ចុងបញ្ចប់ឯកឧត្តមបានផ្តាំផ្ញើដល់ភាគីហត្ថលេខី គោរពតាមកិច្ចសន្យា និងបន្តវប្បធម៌ជជែកគ្នា ជឿជាក់គ្នា និងស្មោះត្រង់នឹងគ្នា ហើយនាយកដ្ឋានដំណាំស្រូវត្រូវចុះតាមដាន គាំទ្របច្ចេកទេសដល់ភាគីផលិត និងតាមដានការអនុវត្តកិច្ចសន្យាបន្តទៀត។