ព័ត៌មានផ្សេងៗទៀត
ព្រៃសហគមន៏លាភគុយស្រុកភ្នំស្រួចទទួលការលើកទឹកចិត្ត
ចេញផ្សាយ ២២ មករា ២០១៨ 3803
ព្រៃសហគមន៏លាភគុយ ស្រុកភ្នំស្រួច បានទទួលការលើទឹកចិត្ត ពីសំណាក់ឯកឧត្តមបណ្ឌិត ច័ន្ទ សារុន រដ្ឋមន្ត្រីក្រសូងកសិកម្ម រុក្ខាប្រមាញ់ និងនេសាទ ខណះពេលដែលឯកឧត្តម ព្រមទាំងអ្នកជំនាញ បានអញ្ជើញទៅទីនោះ កាលពីសប្តាហ៏កន្លងទៅនេះ។
មន្ត្រីក្រសួងកសិកម្មបានប្រាប់ថានៅពេលជួបជាមួយប្រជាជន ជាសមាជិកសហគមន៏ ដើម្បីការពារចម្ការគ្រញូងនៅសេសសល់ពីការកាប់បំផ្លាញ។ ទោះបីជាយ៉ាងនេះ ក្តីសហគមន៏នេះ នៅមានអាយុក្មេងខ្ចី ហើយសមាជិកមិនទាន់ទទួលផលពីព្រៃឈើនេះនៅឡើយ ជាងនេះទៅទៀត ការយល់ដឹងពីច្បាប់សហគមន៏បចេ្ចកទេស ការការពារនិងថែទាំព្រៃសហគមន៏មិនទាន់បានល្អប្រសើរ។
ឯកឧត្តម រដ្ឋមន្ត្រីបានណែនាំឱ្យរដ្ឋបាលព្រៃឈើ នាយកដ្ឋានព្រៃឈើ ចុះមកជួយផ្សព្វផ្សាយច្បាប់ព្រៃឈើ ពីមាត្រា៤០ ដល់៤៤។ ជាមួយ និងករណីព្រៃសហគមន៏ ឯកឧត្តមរដ្ឋមន្ត្រី បានប្រាប់កសិករនៅទីនោះផងដែរ ទាក់ទងទៅនិងការធ្វើកសិកម្មដើម្បីបង្កើនចំណូល សម្រាប់គ្រូសារ ជាពិសេសទាក់ទងទៅនិងនយោបាយ នាំអង្ករចេញរបស់រដ្ឋាភិបាលឆ្នាំ២០១៥ខាងមុខ។
ឯកឧត្តមបានបញ្ជាក់ថា ដើម្បីសម្រេចបាន គីមានតែយកនូវបចេ្ចកវិទ្យាប.វ.ស ការប្រើប្រាស់ពូជ ជី ទឹក ការថែទាំ។ អនុវត្តបចេ្ចកទេសឱ្យបានទូលំទូលាយ និងស៊ីជម្រៅដល់ស្រទាប់កសិករ។ ពូជជាកត្តាសំខាន់ក្នុងការបង្កើនទិន្នផលស្រូវ។ មន្ទីរកសិកម្មខេត្ត ត្រូវចុះមកពន្យល់ណែនាំឱ្យប្រជាកសិករប្តូពូជ និងផ្សព្វផ្សាយពូជទាំង១០ ដែលក្រសួងបានបញ្ចេញរូចហើយ។
អគ្គនាយកដ្ឋានកសិកម្ម ត្រូវសហការជាមូយមន្ទីកសិកម្មរាជធានី ខេត្តត្រូវរៀបកម្មវិធីទស្សនកិច្ចសិក្សាផ្លាស់ប្តូ និងចែករំលែកបទពិសោធន៏ រវាងកសិករ និងកសិករ មន្ត្រី និងមន្ត្រីដើម្បីរកការរីចម្រើន និងដោះស្រាយបញ្ហា។ ឯកឧត្តមរដ្ឋមន្ត្រី បានពន្យល់ផងដែរថា បច្ចុប្បន្នយើងត្រូវឈប់ផលិតដើម្បីហូបចុក។ ផលិតគ្មានគោលដៅច្បាស់លាស់ ផលិតរបៀបរាយប៉ាយ គឺគេចងក្រងជាក្រុម ជាសហគមន៏ផលិត ដើម្បីឆ្លើយតបទៅតាមសេចក្តីត្រូវការទីផ្សារមាន ទីផ្សារនិងមានតម្លៃត្រូវបានធានា។ នាយខណ្ខរដ្ឋបាលព្រៃឈើត្រូវរកទីតាំងជីស្រះទឺក និងអណ្តូង សម្រាប់សមាជិកសហគមន៏ប្រើប្រាស់ ហើយត្រូវមានវិធានការការពារភ្លើងឆេះព្រៃ៕
