ព័ត៌មានផ្សេងៗទៀត
ឯកឧត្តមរដ្ឋមន្ត្រី ឌិត ទីណា បានអញ្ជើញអមដំណើរឯកឧត្តមទេសរដ្ឋមន្ត្រី គន់ គីម អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ ចូលរួមក្នុងពិធីចែកស្រូវពូជដល់ប្រជាកសិករ ខេត្តក្រចេះ និងខេត្តត្បូងឃ្មុំ
ចេញផ្សាយ ២១ តុលា ២០២២ 4531
បេសកកម្មនាថ្ងៃទី១សម្រេចបានពីរគោលដៅ៖ ពេលព្រឹកនៅខេត្តក្រចេះ ឯកឧត្តមរដ្ឋមន្ត្រី បានអញ្ជើញអមដំណើរឯកឧត្តមទេសរដ្ឋមន្ត្រី គន់ គីម អនុប្រធានទី១ គណៈកម្មាធិការជាតិគ្រប់គ្រងគ្រោះមហន្តរាយ ចូលរួមក្នុងពិធីចែកស្រូវពូជចំនួន ២០៥,៣៥តោន ដល់ប្រជាកសិករចំនួន ២៧០២គ្រួសារ មកពីក្រុងក្រចេះ ស្រុកព្រែកប្រសព្វ ស្រុកឆ្លូង ស្រុកចិត្របុរី និងស្រុកសំបូរ ខេត្តក្រចេះ។ ចំណែកពេលរសៀល ឯកឧត្តមរដ្ឋមន្ត្រី បានធ្វើដំណើរទៅដល់ខេត្តត្បូងឃ្មុំ និងបានចែកជូនស្រូវពូជចំនួន ៣០ ២៥០គីឡូក្រាម ដល់បងប្អូនប្រជាពលរដ្ឋរងគ្រោះខូចខាតដំណាំស្រូវដោយទឹកជំនន់ចំនួន ៣៥១គ្រួសារ ដែលត្រូវដាំស្តារឡើងវិញលើផ្ទៃដី ៣៧៨ហិកតា។ បន្ថែមពីលើការចែកស្រូវពូជ ឯកឧត្តមរដ្ឋមន្ត្រី បានចុះពិនិត្យផ្ទៃដីដែលបានស្ដារដោយផ្ទាល់ ហើយសង្កេតឃើញថា នៅតំបន់ខ្លះ បងប្អូនកសិករមិនទាន់ស្ដារស្រូវវិញបានដោយសារផ្ទៃស្រែនៅមានកំប្លោកច្រើនពេក និងបានផ្ដាំផ្ញើដល់បងប្អូនកសិករ អំពីការប្រើប្រាស់ជីលើដីស្រែដែលកំពុងស្ដារ ធ្វើយ៉ាងណាជៀសវាងការប្រើប្រាស់ជីលើសតម្រូវការ ដែលបណ្ដាលឱ្យខាតបង់ថវិកា និងប៉ះពាល់សុខភាពលូតលាស់របស់ដំណាំស្រូវ។
