ព័ត៌មានផ្សេងៗទៀត
កសិករស្រុកបាទីបានទទួលប្រេង ៣០០ លីត្រ ពីឯកឧត្តមរដ្ឋមន្ត្រី
ចេញផ្សាយ ២២ មករា ២០១៨ 2564
កាលពីថ្ងៃទី១៣ ខែមករា ឯកឧត្តមរដ្ឋមន្ត្រី រួមដំណើរជាមួយមន្ត្រីជំនាញបានអញ្ជើញចុះទៅពិនិត្យស្រូវប្រាំង និងជួបសំណេះសំណាលជាមួយកសិករ ១៥០ នាក់ នៅភូមិបឹងជើងលោង ឃុំចំប៉ី ស្រុកបាទី។
តាមការបញ្ជាក់ពីមេឃុំចំប៉ីថានៅក្នុងស្រុកមានផ្ទៃដីស្រូវប្រាំងចំនួន ២៧៧ ហត ក្នុងភូមិព្រៃមូល ភូមិត្រកៀត និងភូមិព្រែកកំពុងខ្វះខាតទឹក ប៉ុន្តែដោយមានការអន្តរាគមន៍បូមទឹកជួយសង្គ្រោះសន្ទូងពីនាយកដ្ឋានគ្រឿងយន្តកសិកម្មផ្ទៃដីចំនួន១៥៧ ហត ត្រូវ បានជួយសង្គ្រោះ និងកំពុងតែបន្តសកម្មភាព ដោយមានការជួយឧបត្ថម្ភប្រេងបន្ថែមទៀតចំនួន ៣០០ ពីឯកឧត្តមរដ្ឋមន្ត្រី។
មានមតិសំណេះសំណាល នាឱកាសនោះឯកឧត្តមរដ្ឋមន្ត្រីបានណែនាំឲ្យលោកប្រធានមន្ទីរចុះតាមដានបញ្ហានេះជាប់ជាប្រចាំព្រោះសន្ទូងនៅមិនទាន់ធ្វើខ្លួននៅឡើង ត្រូវការទឹកច្រើនទៀត ហើយគួរផ្អាកការពង្រីកផ្ទៃដី បន្ថែម។ នេះជាបទពិសោធន៍សម្រាប់ឆ្នាំក្រោយ ផ្ទៃដីស្រូវប្រាំង ត្រូវសមស្របជាមួយបរិមាណទឹកស្តុកទុកក្នុងអាង សំខាន់ត្រូវរួមសហការគ្នាស្តារប្រឡាយដើម្បីងាយនាំទឹកដល់ស្រែ។
តាមនិន្នាការទីផ្សារក្រុងនិងក្រៅស្រុក គឺត្រូវការប្តូរពូជស្រូវ និងទម្លាប់ចេញ ហើយត្រូវអនុវត្តបច្ចេកទេស បវស ទើបទទួលបានទិន្នផលខ្ពស់ នៅពេលនោះយើងឈប់ធ្វើស្រូវសម្រាប់តែផ្គត់ផ្គង់ក្នុងគ្រួសារ គឺធ្វើសម្រាប់ពាណិជ្ជកម្ម។ លោកសុំឲ្យមន្ទីរផ្សព្វផ្សាយ ឬធ្វើបង្ហាញពីឧបករណ៍ព្រោះដើម្បីកាត់បន្ថយការប្រើពូជរបស់កសិករ ហើយក៏ជួយឲ្យទិន្នផលស្រូវកើនឡើងដែរ។ ស្រុកបាទីនៅ មិនឆ្ងាយពីរាជធានីភ្នំពេញ កសិករដែលមិនបានធ្វើស្រូវប្រាំង គួរដាំបន្ថែយកមកផ្គត់ផ្គង់ឲ្យទីផ្សារភ្នំពេញដូចនៅស្រុក ស្អាងដែលកំពុងអនុវត្ត ពិសេសបន្លែខ្ទឹមយកស្លឹក (ខ្ទឹមគុយទាវ) ត្រសក់ទ្រើង ត្រូវការទឹកតិច ព្រោះវាជាប្រភពចំណូលគ្រួសារយ៉ាងល្អប្រសើរ ចៀសវាងទុកដីឲ្យនៅទំនេរ។
