ឯកឧត្តមរដ្ឋលេខាធិការ ឱម គឹមស៊ា នាំយកថវិកាបរិច្ចាគរបស់ថ្នាក់ដឹកនាំ និងមន្ដ្រីរាជការគ្រប់ជាន់ថ្នាក់នៃក្រសួងកសិកម្ម រុក្ខាប្រមាញ់ និងនេសាទ ប្រគល់ជូនមូលនិធិគន្ធបុប្ផាកម្ពុជា

ចេញ​ផ្សាយ​ ១៦ កក្កដា ២០២៤ 1328

នៅថ្ងៃទី១៥ ខែកក្កដា ឆ្នាំ២០២៤ ឯកឧត្តម ឱម គឹមស៊ា រដ្ឋលេខាធិការក្រសួងកសិកម្ម និងជាអនុប្រធានគណៈកម្មការទ្រទ្រង់មូលនិធិគន្ធបុប្ផាកម្ពុជា ប្រចាំក្រសួងកសិកម្ម រុក្ខាប្រមាញ់ និងនេសាទ បានដឹកនាំសហការី នាំយកថវិកាចំនួន ១០២ ៤៥៥ ០០០ រៀល និង ១ ៤៧៥ ដុល្លារអាម៉េរិក ប្រគល់ជូនមូលនិធិគន្ធបុប្ផាកម្ពុជា។

ឯកឧត្តមបញ្ជាក់ថា ថវិកាទាំងអស់នេះ ទទួលបានពីការចូលរួមបរិច្ចាគពីសំណាក់ថ្នាក់ដឹកនាំ មន្ត្រីរាជការ និងបុគ្គលិកគ្រប់ជាន់ថ្នាក់នៃក្រសួង និងមន្ទីរកសិកម្ម រុក្ខាប្រមាញ់ និងនេសាទ ទូទាំងរាជធានី-ខេត្ត ព្រមទាំងក្រុមហ៊ុនវិស័យកសិកម្មជាដើម។

ឯកឧត្តមបន្ថែមថា តាមរយៈគណៈកម្មការទ្រទ្រង់មូលនិធិគន្ធបុប្ផាកម្ពុជា ត្រូវបានបង្កើតឡើងកាលពីថ្ងៃទី១៩ ខែតុលា ឆ្នាំ២០២៣ តបតាមការអំពាវនាវរបស់មូលនិធិគន្ធបុប្ផាកម្ពុជា ដែលមានសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងលោកជំទាវបណ្ឌិត ពេជ្រ ចន្ទមុន្នី ហ៊ុនម៉ាណែត ជាប្រធានកិត្តិយស៕