ព័ត៌មានផ្សេងៗទៀត
ឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ចុះពិនិត្យមើលវឌ្ឍនៈភាពនៃកិច្ចដំណើរការមជ្ឈមណ្ឌលស្រាវជ្រាវ និងអភិវឌ្ឍន៍វារីវប្បកម្មសមុទ្រ និងសាកសួរសុខទុក្ខ មន្រ្តីរាជការនៃមជ្ឈមណ្ឌល ស្ថិតនៅក្នុងតំបន់ទំនប់រលក ខេត្តព្រះសីហនុ
ចេញផ្សាយ ៧ កុម្ភៈ ២០១៨ 3875
នៅព្រឹកថ្ងៃទី០១ ខែឧសភា ឆ្នាំ២០១៦ ឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានចុះពិនិត្យមើលវឌ្ឍនៈភាពនៃកិច្ចដំណើរការមជ្ឈមណ្ឌលស្រាវជ្រាវ និងអភិវឌ្ឍន៍វារីវប្បកម្មសមុទ្រ និងសាកសួរសុខទុក្ខ មន្រ្តីរាជការនៃមជ្ឈមណ្ឌល ស្ថិតនៅក្នុងតំបន់ទំនប់រលក ខេត្តព្រះសីហនុ។ មជ្ឍមណ្ឌលស្រាវជ្រាវ និងអភិវឌ្ឍន៍វារីវប្បកម្មសមុទ្រ មានគោលបំណងស្រាវជ្រាវពូជត្រី និងជីវចម្រុះសមុទ្រ និងធ្វើការភ្ញាស់កូនត្រីស្ពង់ចែកជូនប្រជាជនក្នុងតំបន់មាត់សមុទ្រ ដើម្បីយកទៅចិញ្ចឹម ក្នុងគោលបំណងបង្កើនប្រាក់ចំណូលក្នុងគ្រួសារដែលស្ថិតនៅក្នុងខេត្តព្រះសីហនុ និងខេត្តកំពត។ មកដល់ចុងឆ្នាំ២០១៥ មជ្ឈមណ្ឌលបានឈានទៅដល់ ការផលិតកូនត្រីស្ពង់បានប្រមាណម្ភៃម៉ឺន កូន ក្នុងបំណងឆ្លើយតបទៅនឹងការ បង្កើនការចិញ្ចឹមរបស់ប្រជាជននាពេលបច្ចុប្បន្ន ក្នុងការចិញ្ចឹមជាលក្ខណៈគ្រួសារប្រមាណជា២០កន្លែង ហើយសង្ឃឹម និងមានកើនឡើងច្រើនទៀតនាពេលខាងមុខនេះ ។
