ព័ត៌មានផ្សេងៗទៀត
ពូជស្រូវផ្កាផ្ការមៀត និងផ្ការំដេងបានសាយភាយដល់តំបន់ដាច់ស្រយាល
ចេញផ្សាយ ២២ មករា ២០១៨ 2752
កាលពីថ្ងៃទី០៩ ខែវិច្ឆិកា ឆ្នាំ ២០១២ ឯកឧត្ដមរដ្ឋមន្ដ្រីរួមដំណើរជាមួយឯកឧត្តមអភិបាលខេត្ត ទីប្រឹក្សាក្រសួង និងមន្ដ្រីថ្នាក់ដឹកនាំនាយកដ្ឋានជំនាញមួយចំនួនបានអញ្ជើញចុះពិនិត្យប្រព័ន្ធប្រពលវប្បកម្មដំណាំស្រូវតាមគោលការណ៍ធម្មជាតិ (បវស) របស់កសិករ សយ ឡៃ នៅភូមិស្រែចូង ឃុំអ ៤ ស្រុកកោះញែក។ បន្ទាប់មកលោកប្រធានមន្ទីរបានរាយការណ៍ជូនឯកឧត្តមរដ្ឋមន្ត្រីជ្រាបពីសកម្មភាពបង្កបង្កើនផលទូទាំងខេត្តជារួម និងដោយឡែងស្រុកកោះញែក។
ឃើញជាក់ស្តែងពីទិន្នផលស្រូវ ឯកឧត្តមរដ្ឋមន្ត្រីបានកោដសរសើរដល់ការខិតខំប្រឹងប្រែងរបស់លោក សយ ឡៃ ដែលបានយកចិត្តទុកទាក់លើការងារបង្កបង្កើនផល ពិសេសចាប់យកប្រព័ន្ធប្រពលវប្បកម្មដំណាំស្រូវ តាមគោលការណ៍ធម្មជាតិ (បវស) ដោយប្រើពូជស្រូវផ្តារមៀត និងផ្ការំដេង របស់ក្រសួងទៀតផង។ សកម្មភាពនេះបានបញ្ជាក់ពីការប្តូរពូជស្រូវដែលបានសំរិតសំរាំងដោយក្រសួងកសិកម្មជាពូជស្រូវសុទ្ធ ផ្តល់ទិន្នផលខ្ពស់ ជាក់ស្តែងដូចយើងកំពុងពិនិត្យនាពេលនេះ។
ការប្តូរពូជស្រូវនេះបាននិងកំពុងជួយបង្កើនទិន្នផលស្រូវ បង្កើនកម្រិតជីវភាពឲ្យបានប្រសើរឡើង ឈានទៅរំដោះខ្លួនចេញពីភាពក្រីក្រ ដែលកន្លងមកធ្វើបានត្រឹម ១ ទៅ ២ តោន/ហត ហូបមិនគ្រប់គ្រាន់។ នេះគឺជាឆ្នាំដំបូងរបស់បងប្រុស បើទោះបីមិនទាន់ត្រឹមត្រូវតាមបច្ចកទេស តែអាចទទួលយកបានទិន្នផលអាចទទួលបាន ៣,៥ តោន/ហត មិនទាន់ទុំត្រឹមត្រូវផងមានគេមកចាប់ចងទិញទុកធ្វើពូជ។ អគ្គនាយកដ្ឋានកសិកម្ម នាយកដ្ឋានផ្សព្វផ្សាយ សហការជាមួយមន្ទីរកសិកម្ម ត្រូវចុះមកផ្សព្វផ្សាយពូជស្រូវឲ្យបានដល់ប្រជាកសិករ ទោះជិត ឬឆ្ងាយ បច្ចេកទេសក៏ត្រូវមកព្រមគ្នា ធ្វើយ៉ាងណាឲ្យទិន្នផលស្រូវមានការកើនឡើងជាលំដាប់។ មន្ទីរត្រូវជ្រើសរើសគាត់ជាកសិករគំរូនៅក្នុងឃុំនេះ ហើយសុំឲ្យគាត់ជួយពន្យល់ ណែនាំដល់អ្នកជិតខាងពី បវស ផង ជាពិសេសការប្តូរពូជ។
ស្រូវធ្វើបានល្អហើយ ដើម្បីកែប្រែជីវភាព កុំភ្លេចដាំដំណាំរួមផ្សំ ចិញ្ចឹមសត្វ ចិញ្ចឹមត្រី ធ្វើយ៉ាងណាកុំឲ្យខ្វះខាត និងជួយកាត់បន្ថយចំណាយ។ ចូរយើងទទួកយកបច្ចេកវិទ្យាកសិកម្ម ដូចជាការប្តូរពូជ ការពង្រាបដី ការសាប ស្ទូង ការថែទាំ។ បើយើងអនុវត្តបានបច្ចេកទេសទាំងអស់នេះគឺជាការចាប់ផ្តើមប្តូរទម្លាប់ពីការធ្វើស្រែពឹងលើធម្មជាតិទៅការធ្វើស្រែតាមបច្ចេកទេសទទួលផលបានខ្ពស់ដែល ជាហេតុធ្វើឲ្យជីវភាពមានការប្រែប្រួល ពីការធ្វើស្រែដើម្បីផ្គត់ផ្គង់តែក្នុងគ្រួសារ ទៅជាការធ្វើស្រែដើម្បីធ្វើអាជីវកម្ម និងឈានទៅផលិតដើម្បីនាំចេញ។
ឯកឧត្តមរដ្ឋមន្ត្រីបានផ្សព្វផ្សាយពូជស្រូវទាំង ១០ ដែលរាជរដ្ឋាភិបាលបានអនុម័តឲ្យប្រើប្រាស់ ពិសេសពូជស្រូវស្រាលមិនប្រកាន់រដូវ។ ដូច្នេះដើម្បីរួមចំណែកអនុវត្តគោលនយោបាយរបស់រាជរដ្ឋាភិបាលក៏ដូចជាក្រសួងកសិកម្ម រុក្ខាប្រមាញ់ និងនេសាទ ក្នុងការបង្កើនរដូវដាំដុះ ក៏ដូចជាបង្កើនទិន្នផលលើផ្ទៃដីដដែល ដើម្បីឈានទៅធានាសន្តិសុខស្បៀង និងឈានទៅរកការប្រកួតប្រជែង ហើយកាលណាមានការប្រកួតប្រជែងនោះទាំងបរិមាណ គុណភាព និងតម្លៃស្រូវ អង្ករច្បាស់ជាត្រូវបានធានាទាំងទីផ្សារក្នងស្រុក និងក្រៅស្រុក ជាពិសេសនឹងឈានទៅសម្រេចគោលនយោបាយរបស់រាជរដ្ឋាភិបាលក្នុងការនាំចេញអង្ករឲ្យបាន ១ លានតោនក្នុងមួយឆ្នាំនាឆ្នាំ ២០១៥ អគ្គនាយកដ្ឋានកសិកម្ម មន្ទីរកសិកម្មខេត្តត្រូវបន្តផ្សព្វផ្សាយពូជទាំង ១០ មុខដល់ប្រជាកសិករ។
ចេញផ្សាយ ១៩ កញ្ញា ២០២៤ 82
ឯកឧត្តមរដ្ឋមន្ដ្រី ឌិត ទីណា បានអនុញ្ញាតិឱ្យអង្គការ Swisscontact Cambodia ជួបសំដែងការគួរសម និងសូមការណែនាំជាផ្លូវការនូវនាយកប្រចាំប្រទេសរបស់អង្គការ និងការលាលែងរបស់អតីតនាយកប្រចាំប្រទេស របស់អង្គការ Swisscontact Cambodia
ចេញផ្សាយ ១៩ កញ្ញា ២០២៤ 83
សេចក្ដីប្រកាសព័ត៌មានរួម ស្ដីពី កិច្ចប្រជុំអន្តរក្រសួងលើកទី២ ស្ដីពីការសម្របសម្រួលការអនុវត្តកម្មវិធីនយោបាយ និងសកម្មភាពដែលពាក់ព័ន្ធនឹងសហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូ
ចេញផ្សាយ ១៩ កញ្ញា ២០២៤ 85
ឯកឧត្តមរដ្ឋមន្ដ្រី ៣រូប រួមគ្នាដឹកនាំកិច្ចប្រជុំអន្តរក្រសួងលេីកទី២ ស្ដីពីការងារកសិកម្ម អភិវឌ្ឍន៍ជនបទ និងធនធានទឹក
ចេញផ្សាយ ១៩ កញ្ញា ២០២៤ 123
ឯកឧត្តមអនុរដ្ឋលេខាធិការ ទឹម បូរក្ស បានដឹកនាំកម្លាំងចម្រុះ ចុះបង្ក្រាបបទល្មើសនេសាទ នៅស្រុកកងមាស ខេត្តកំពង់ចាម
ចេញផ្សាយ ១៨ កញ្ញា ២០២៤ 156
លោកជំទាវអនុរដ្ឋលេខាធិការ អ៊ឹម រចនា ទទួលជួបសំណេះ សំណាលជាមួយគណៈប្រតិភូ និងថ្នាក់ដឹកនាំនៃសមាគម នាវាយុវជនអាស៊ីអាគ្នេយ៍ នៅទីស្តីការក្រសួងកសិកម្ម រុក្ខាប្រមាញ់ និងនេសាទ
ចេញផ្សាយ ១៨ កញ្ញា ២០២៤ 150
ឯកឧត្តមរដ្ឋមន្ត្រី ឌិត ទីណា ទទួលជួបសម្តែងការគួរសមជាមួយក្រុមហ៊ុន សិលា ផិបភេីរ ខូអិលធីឌី
ចេញផ្សាយ ១៨ កញ្ញា ២០២៤ 149
ឯកឧត្តមអនុរដ្ឋលេខាធិការ គី ច័ន្ទរំដួល បានអញ្ជីញដឹកនាំក្រុមការងារ ចុះពិនិត្យគម្រោងព្រៃលំហែកម្សាន្ត និងសួនអាស៊ាន-កូរ៉េ ក្នុងតំបន់ស្ដារ និងអភិវឌ្ឍន៍ព្រៃឈើ «បន្ទាយស្រី» ខេត្តសៀមរាប
ចេញផ្សាយ ១៧ កញ្ញា ២០២៤ 175
ឯកឧត្តមរដ្ឋមន្ត្រី ឌិត ទីណា អញ្ជើញជាគណៈអធិបតីក្នុងពិធីចុះហត្ថលេខាលើអនុស្សរណៈយោគយល់គ្នារវាងក្រសួងកសិកម្ម រុក្ខាប្រមាញ់ និងនេសាទ និងសាជីវកម្មធានាឥណទានកម្ពុជា (CGCC)
ចេញផ្សាយ ១៧ កញ្ញា ២០២៤ 177
ឯកឧត្តមរដ្ឋមន្ត្រី ឌិត ទីណា ដឹកនាំកិច្ចប្រជុំពិភាក្សាស្តីពី «សេចក្តីព្រាងផែនការកិច្ចសហប្រតិបត្តិការរវាងរាជរដ្ឋាភិបាលកម្ពុជា និងរដ្ឋាភិបាលសាធារណរដ្ឋប្រជាមានិតចិន ស្តីពីការអភិវឌ្ឍរួមគ្នាក្នុងច្រករបៀងមច្ឆា និងអង្ករ»
ចេញផ្សាយ ១៧ កញ្ញា ២០២៤ 172
ឯកឧត្តមអនុរដ្ឋលេខាធិការ ខាត់ សុធី អញ្ជើញដឹកនាំសម្របសម្រួលវគ្គបណ្តុះបណ្តាល Farmbook App ដល់មន្ដ្រីកសិកម្មឃុំ ក្នុងខេត្តព្រៃវែង
ចេញផ្សាយ ១៧ កញ្ញា ២០២៤ 180
ឯកឧត្តមឡោ រស្មី អនុរដ្ឋលេខាធិការ អញ្ជើញជាអធិបតីបើកវគ្គបណ្តុះបណ្តាលដល់អាជីវករដែលមានបំណងធ្វើពាណិជ្ជកម្មពាក់ព័ន្ធនឹងជី-ថ្នាំកសិកម្ម នៅខេត្តសៀមរាប
