ព័ត៌មានផ្សេងៗទៀត
អបអរសាទរ ទិវាមច្ឆជាតិពិភពលោក ឆ្នាំ២០២៣ Happy World Fisheries Day 2023
ចេញផ្សាយ ២១ វិច្ឆិកា ២០២៣ 3721
ក្រសួងកសិកម្ម រុក្ខាប្រមាញ់ និងនេសាទ សូមចូលរួមអបអរសាទរ ទិវាមច្ឆជាតិពិភពលោក ឆ្នាំ២០២៣។ វិស័យជលផលដើរតួនាទីយ៉ាងសំខាន់សម្រាប់សន្តិសុខស្បៀង អាហារូបត្ថម្ភប្រជាជនខ្មែរ ក៏ដូចជាសកលលោកទាំងមូល និងចូលរួមចំណែកដល់ការលើកកម្ពស់ជីវភាពរស់នៅរបស់ប្រជាពលរដ្ឋមូលដ្ឋាន និងកសិទេសចរណ៍តាមបែបធម្មជាតិ ព្រមទាំងរក្សាប្រពៃណី ទំនៀមទំលាប់ វប្បធម៌។
បច្ចុប្បន្ននេះ រដ្ឋបាលជលផល នៃក្រសួងកសិកម្ម រុក្ខាប្រមាញ់ និងនេសាទ កំពុងបន្តការពារនិងអភិរក្សធនធានជលផលឱ្យមាននិរន្តរភាព។ កម្ពុជាក៏មានធនធានជលផលសំខាន់ៗ ដូចជា ផ្សោតទឹកសាបដែលជារតនសម្បត្តិដ៏កម្រ និងបបែលយក្ស ដែលបានទទួលកំណត់ត្រាពិភពលោកស្តីពីត្រីទឹកសាបធំបំផុតរបស់ស្ថាប័នកំណត់ត្រាពិភពលោក (បបែលញី ឈ្មោះ បូណ៌មី ទម្ងន់៣០០គីឡូក្រាម)។
ក្រសួងកសិកម្ម រុក្ខាប្រមាញ់ និងនេសាទ សូមអំពាវនាវដល់ប្រជានេសាទទាំងអស់ ចូលរួមជួយថែរក្សា ការពារ និងអភិរក្សធនធានជលផល ដែលជាធនធានធម្មជាតិដ៏មានសារសំខាន់សម្រាប់យើងទាំងអស់គ្នា និងសូមកុំធ្វើសកម្មភាព ឬប្រើប្រាស់ឧបករណ៍ដែលបង្កមហន្តរាយដល់ធនធានជលផល ព្រមទាំងចូលរួមទិវាមច្ឆជាតិ១ កក្កដា ក្នុងការរក្សាមេពូជត្រី និងប្រភេទវារីសត្វកំពុងរងគ្រោះថ្នាក់ ជិតផុតពូជ និងការធ្វើវារីវប្បកម្ម។
