ព័ត៌មានផ្សេងៗទៀត
ឯកឧត្តមរដ្ឋលេខាធិការ យ៉ង សាំង កុមារ អញ្ជើញដឹកនាំក្រុមការងារពាក់ព័ន្ធជួបប្រជុំ ជាមួយតំណាងអង្គការ KOICA ពិភាក្សាពី «គម្រោងបណ្តុះបណ្តាលមន្រ្តីកសិកម្មឃុំ-សង្កាត់ទូទាំងប្រទេស»
ចេញផ្សាយ ១០ កុម្ភៈ ២០២៦ 990
នៅថ្ងៃទី១០ ខែកុម្ភៈ ឆ្នាំ២០២៦ ឯកឧត្តមបណ្ឌិត យ៉ង សាំង កុមារ រដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ បានដឹកនាំក្រុមការងារ នៃសាកលវិទ្យាល័យភូមិន្ទកសិកម្ម និងក្រុមការងារ នៃនាយកដ្ឋានផ្សព្វផ្សាយកសិកម្ម ជួបប្រជុំជាមួយតំណាងទីភ្នាក់ងារសហប្រតិបត្តិការអន្តរជាតិកូរ៉េ (KOICA) នៃរដ្ឋាភិបាលសាធារណរដ្ឋកូរ៉េ ដើម្បីពិភាក្សាពី «គម្រោងបណ្តុះបណ្តាលមន្រ្តីកសិកម្មឃុំ-សង្កាត់ទូទាំងប្រទេស» ដែលកិច្ចពិភាក្សាធ្វើឡើងនៅនាយកដ្ឋានផ្សព្វផ្សាយកសិកម្ម។
ក្នុងជំនួបពិភាក្សានោះ ឯកឧត្តមរដ្ឋលេខាធិការ បានណែនាំលើការរៀបចំផែនការបណ្តុះបណ្តាលមន្រ្តីកសិកម្មឃុំ-សង្កាត់នៅឆ្នាំ២០២៦ ដោយបានកំណត់នូវចំណុចមានដូចជា៖ ១. ធ្វើការរៀបចំមេរៀនបណ្តុះបណ្តាល(Curriculum) ឱ្យបានចប់សព្វគ្រប់ត្រឹមខែមិថុនា ឆ្នាំ២០២៦ ២. ដំណើរការបណ្តុះបណ្តាល ចាប់ធ្វើពីខែកក្កដា ឆ្នាំ២០២៦ ក្នុងនោះផ្តោតទៅលើ ក្រុមប្អូនៗមន្រ្តីកសិកម្មឃុំ-សង្កាត់ ដែលសមត្ថភាពនៅមានកម្រិត ចាប់ផ្តើមពីប្រធានបទ «ប្រសិទ្ធភាព និងនិរន្តរភាពនៃការប្រើប្រាស់ធាតុចូលកសិកម្ម» និងមូលដ្ឋានគ្រឹះនៃផលិតកម្មកសិកម្មសំខាន់ទៅតាមតម្រូវការអាទិភាពរបស់ឃុំនីមួយៗ៕
