ឯកឧត្តមរដ្ឋមន្ដ្រី វេង សាខុន និងសហការីបានបន្តដំណើរមកពិនិត្យកសិដ្ឋានគោទឹកដោះ ដែលក្នុងកសិដ្ឋានមាននិស្សិតកម្ពុជាកំពុងធ្វើកម្មសិក្សាចំនួន ៤នាក់

ចេញ​ផ្សាយ​ ៣១ សីហា ២០២២ 3937

នៅវេលាម៉ោង ១៥:៣០ រសៀលថ្ងៃដដែល អញ្ជើញចេញពីកសិដ្ឋានចិញ្ចឹមត្រី ឯកឧត្តមរដ្ឋមន្ដ្រីនិងសហការី បានបន្តដំណើរមកពិនិត្យកសិដ្ឋានគោទឹកដោះ ដែលក្នុងកសិដ្ឋានមាននិស្សិតកម្ពុជាកំពុងធ្វើកម្មសិក្សាចំនួន ៤នាក់។ ក្មួយ និត សាលិនបានឲ្យដឹងថាក្នុងកសិដ្ឋានមានគោទឹកដោះចំនួន ៧០០ក្បាល អាចផលិតទឹកដោះបាន ២២ ០០០លីត្រ/ថ្ងៃ (៣៨លីត្រ/ក្បាល/ថ្ងៃ)។ ក្មួយ សាលិនបានបន្តថាការរស់នៅ ហូបចុក ក្នុងការសិក្សារៀនសូត្រ និងការធ្វើកម្មសិក្សា មានលក្ខណល្អប្រសើរ ទាំងការស្នាក់នៅ និងរៀនសូត្រ ជាមួយនឹងទទួលបានប្រាក់ឧបត្ថម្ភបានសមរម្យ។ អ្វីដែលសំខាន់ តាមការសន្ទនារបស់ឯកឧត្តមរដ្ឋមន្រ្តីជាមួយក្មួយៗ ឲ្យដឹងថាអត្ថប្រយោជន៍សំខាន់ពីរយ៉ាងដែលបានមកធ្វើការឆ្វើកម្មសិក្សានៅប្រទេសអ៊ីស្រាអែលគឺទី១- ទទួលបានចំណេះដឹង បទពិសោធន៍ទាំងចំណេះជំនាញ ប្រាកដប្រជាមួយ ក្រោយពេលបញ្ចប់ការសិក្សា និង ទី២- និស្សិតទាំង ៤នាក់ បានបង្ហាញឆន្ទ:ថានឹងនាំយកបទពិសោធន៍ល្អៗនេះទៅកសាងអនាគតខ្លួនឯង និងចូលរួមអភិវឌ្ឍវិស័យកសិកម្មនៅកម្ពុជា។