ព័ត៌មានផ្សេងៗទៀត
ស្រះទឹកសហគមន៍ដ៏ធំបង្គួរមួយត្រូវបានសម្ភោធ
ចេញផ្សាយ ២២ មករា ២០១៨ 3167
មានការសង្ឈឹមថា អ្នកភូមិព្រៃមាន ឃុំពពេល ស្រុកត្រាំកក់នឹងមានប្រភពទឹកថ្មីមួយទៀតសម្រាប់ការប្រើប្រាស់ នឹងការធ្វើកសិកម្ម បន្ទាប់ពីស្រះទឹកសហគមន៏ ដែលមានទំហំ៤០ម៉ែត្រ គុណនឹង៣០ម៉ែត្រ ជម្រៅ៤ម៉ែត្របានសម្ភោធ កាលពីពេលថ្មីៗកន្លងទៅនេះ។
បន្ថែមពីលើនេះអ្នកភូមិចំនួន១០០គ្រួសារ ក៏បានទទួលស្រូវផ្ការំដួល១គ្រួសារចំនួន២០គីឡូក្រាមផងដែរ។ ឯកឧត្តមបណ្ឌិត ច័ន្ទ សារុន រដ្ឋមន្ត្រីក្រសួងកសិកម្ម រុក្ខាប្រមាញ់និងនេសាទ ដែលបានអញ្ជើញចូលរួចក្នុងពិធីនេះ បានប្រាប់កសិករនៅទីនោះថា នេះជាប្រភពទឹកថ្មីទៀត។
ឯកឧត្តម ក៏បានរំលឹកឲ្យចូលរួមថែទាំស្រះទឹកនេះឲ្យបានល្អ នឹងប្រើប្រាស់ដោយការសន្សំសំចៃចំទិសដៅ។ ពោលត្រូវប្រើប្រាស់ឲ្យមានប្រយោជន៏ក្នុងជីវភាព និងការធ្វើកសិកម្ម។ មានទឹកត្រូវតែមានដំណាំ។ មានទឹកត្រូវតែមានការចិញ្ជឹមសត្វ ។
ឯកឧត្តមរដ្ឋមន្ត្រី បានសរសើរអ្នកភូមិព្រៃមានដែរ ដែលមានការផ្លាស់ទម្លាប់ច្រើនក្នុងការធ្វើកសិកម្ម ពិសេសដំណាំស្រូវ ក្នុងការអនុវត្តន៏ស្ទូងស្រូវដើម។ ឯកឧត្តមបានបន្តទៀតថាកសិករត្រូវផ្លាស់ប្តូរទម្លាប់ ផ្លាស់ពីការធ្វើស្រែដាំដំណាំ សម្រាប់តែគ្រូសារទៅជាការធ្វើសម្រាប់ពាណិជ្ជកម្មមានន័យថា ធ្វើសម្រាប់លក់ដូរ។
ឯកឧត្តមរដ្ឋមន្ត្រី ក៏បានណែនាំដល់មន្ត្រីក្រុមការងា ឲ្យជុំរុញរៀបចំឲ្យមានការប្រឡងប្រណាំងទើបមានការប្រែប្រូលថែមទៀត។ ជាមួយគ្នានេះឯកឧត្តមរដ្ឋមន្ត្រី ក៏បានផ្សព្វផ្សាយផងដែរអំពីពូជស្រូវទាំង១០មុខ ដែលរាជរដ្ឋាភិបាលអនុញ្ញាត ឲ្យប្រើប្រាស់សម្រាប់នាំចេញ ពីព្រោះពូជស្រូវនេះមានតម្លែខ្ពស់សម្រាប់ទៅផ្សារ៕
