ឯកឧត្តម តូច ប៊ុនហួរ ដឹកនាំកិច្ចប្រជុំគណៈកម្មាធិការវាយតម្លៃលើសំណើបញ្ចេញពូជដំណាំចំនួន៣ប្រភេទ

ចេញ​ផ្សាយ​ ១១ មករា ២០២៤ 2938

នៅព្រឹកថ្ងៃទី១១ ខែមករា ឆ្នាំ២០២៤នេះ ឯកឧត្តម តូច ប៊ុនហួរ បានដឹកនាំកិច្ចប្រជុំគណៈកម្មាធិការនិងសមាជិកក្រុមកាងារ ដើម្បីវាយតម្លៃលើសំណើសុំបញ្ចេញពូជដំណាំចំនួន៣ប្រភេទ ដែលស្នើសុំដោយវិទ្យាស្ថានស្រាវជ្រាវ និងអភិវឌ្ឍន៍កសិកម្មកម្ពុជា។

កិច្ចប្រជុំនេះ រៀបចំឡើងក្នុងគោលបំណង វាយតម្លៃលើសំណើសុំបញ្ចេញពូជដំណាំចំនួន០៣ប្រភេទ  រួមមានប្រភេទពូជស្រូវស្រាលមិនប្រកាន់រដូវ ស្រឡាយ CAM-CKWR-2007-P4 តាមរយៈការបង្កាត់រវាងពូជស្រូវជង្គង់ខ្មៅស្រង៉ែ  និងប្រភេទពូជល្ងដែលបានជ្រើសរើស គឺ KU19-1-7 ដែលបែកចេញពីស្រឡាយ KU19 មានសំបកពណ៌ស មានប្រភពមកពីសាកលវិទ្យាល័យកាសេសាត (Kasetsart Uni.) ប្រទេសថៃ រួមទាំងពូជសណ្តែកសៀង ដែលមានស្រឡាយសណ្តែកសៀងស្បង់ ជ្រើសតាមរយៈជម្រើស ឯកត្តៈចេញពីពូជស្បង់របស់ប្រជាកសិករ។  

ជាលទ្ធផលអង្គប្រជុំ បានធ្វើការកែសម្រួលលើខ្លឹមសាររបាយការណ៍ស្រាវជ្រាវមួយចំនួន និងបានឯកភាពគ្នាផ្តល់ឈ្មោះក្នុងមួយប្រភេទពូជដំណាំចំនួន៣ឈ្មោះ  ដើម្បីគោរពជូនឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ពិនិត្យ និងសម្រេច៕