វគ្គបណ្តុះបណ្តាលបន្តស្តីពី “ការស្វែងយល់វិធីសាស្រ្តតាមដានការអនុវត្តច្បាប់និងលិខិតបទដ្ឋានគតិយុត្ត”

ចេញ​ផ្សាយ​ ១៦ តុលា ២០១៩ 10424

នាយកដ្ឋានសវនកម្មផ្ទៃក្នុង៖ ចាប់ពីថ្ងៃពុធ ៣រោច ខែអស្សុជ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១៦ ខែតុលា ឆ្នាំ២០១៩ ដល់ថ្ងៃសុក្រ ៥រោច រោច ខែអស្សុជ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១៨ ខែតុលា ឆ្នាំ២០១៩ បានបើកវគ្គបណ្តុះបណ្តាលបន្តស្តីពី “ការស្វែងយល់វិធីសាស្រ្តតាមដានការអនុវត្តច្បាប់និងលិខិតបទដ្ឋានគតិយុត្ត” ក្រោមអធិបតីភាពលោកស្រី ងិន សូនាថ ប្រធាននាយកដ្ឋានសវនកម្មផ្ទៃក្នុង និងដោយមានការចូលរួមពីថ្នាក់ដឹកនាំ និងមន្រ្តីរាជការនាយកដ្ឋានសវនកម្មផ្ទៃក្នុង។ វគ្គបណ្តុះបណ្តាលនេះត្រូវបានធ្វើបទបង្ហាញដោយលោកបណ្ឌិត និល សុធន  អនុប្រធាននាយកដ្ឋានសវនកម្មផ្ទៃក្នុង។ គោលបំណងនៃវគ្គបណ្តុះបណ្តាលដើម្បីបង្កើនសមត្ថភាពមន្រ្តីនាយកដ្ឋានសវនកម្មផ្ទៃក្នុង ក្នុងការអនុវត្តមុខងារសវនកម្មផ្ទៃក្នុងឲ្យឆ្លើយតបនឹងការធ្វើសវនកម្មលើអនុលោមភាព ប្រតិបត្តិការ និងហិរញ្ញវត្ថុ និងជាពិសេសជួយបន្ថែមតំលៃ ដើម្បីត្រៀមខ្លួនសម្រាប់បរិការណ៍ថ្មីនៃកម្មវិធីកំណែទម្រង់ហិរញ្ញវត្ថុសាធារណៈដំណាក់កាលទី៤តាមរយៈ “បង្កើតគណនេយ្យភាពចំពោះសម្មិទ្ធកម្ម”។ គ្រូឧសទេសបានលម្អិតនូវខ្លឹមសារយ៉ាងក្បោះក្បាយ ស៊ីជម្រៅ ប្រកបដោយបទពិសោធន៍ក្នុងការអនុវត្តការងារកន្លងមក ដោយលើកយកមួយចំណុចម្តងៗ មកធ្វើការពន្យល់បកស្រាយព្រមទាំងផ្លាស់ប្តូរយោបល់ និងបទពិសោធន៍ល្អៗ ដែលសវនករម្នាក់ៗបានអនុវត្តជួបប្រទះជាក់ស្តែង។ វគ្គបណ្តុះបណ្តាលបានប្រព្រឹត្តទៅប្រកបដោយបរិយាកាសរីករាយ ស្និទ្ធស្នាល និងយកចិត្តទុកដាក់ខ្ពស់។