ឯកឧត្តមរដ្ឋលេខាធិការ ឃុន សាវឿន អញ្ជើញបន្តដំណើរចុះសួរសុខទុក្ខ និងនាំយកស្បៀង របស់សប្បុរសជនជូនប្រជាពលរដ្ឋចំនួន៨៨៦គ្រួសារ ដែលបានជម្លៀសមកកាន់វត្តស្រែណូយ ស្រុកវ៉ារិន ខេត្តសៀមរាប

ចេញ​ផ្សាយ​ ២៨ កក្កដា ២០២៥ 889

នៅថ្ងៃទី២៧ ខែកក្កដា ឆ្នាំ២០២៥ ឯកឧត្តម ឃុន សាវឿន រដ្ឋលេខាធិការ​ក្រសួងកសិកម្ម រុក្ខាប្រមាញ និងនេសាទ និងជាប្រធានក្រុមការងាររាជ​រដ្ឋា​ភិបាលចុះមូលដ្ឋានស្រុកវ៉ារិន និងជាតំណាងដ៏ខ្ពង់ខ្ពស់ ឯកឧត្តមរដ្ឋមន្រ្តី ឌិត ទីណា ដោយមានការអមដំណើរពីសំណាក់ លោក ធិននី វិធូរ អភិបាល នៃគណៈ​អភិបាលស្រុកវ៉ារិន ខេត្តសៀមរាប និងអាជ្ញាធរមូលដ្ឋាន បានបន្ដ​ដំណើរ​ចុះសួរសុខទុក្ខ និងនាំយកស្បៀងអាហារ និងសម្ភារប្រើប្រាស់ផ្សេងៗ របស់សប្បុរសជន ជូនទៅប្រជាពលរដ្ឋចំនួន១ ៨៣៩នាក់ ស្មើនឹង៨៨៦​គ្រួសារ ដែលរងគ្រោះពីការវាយប្រហាររបស់យោធាថៃ និងបានជម្លៀស​មកកាន់​វត្តស្រែណូយ ស្ថិតនៅស្រុកវ៉ារិន ខេត្តសៀមរាប។

នាដំណើរចុះសួរសុខទុក្ខនោះ ឯកឧត្តមរដ្ឋលេខាធិការ បានណែនាំឱ្យ​រដ្ឋបាលស្រុកវ៉ារិន និងអាជ្ញាធរមូលដ្ឋានពាក់ព័ន្ធត្រូវផ្តល់ការគាំពារផ្សេងៗ និងយកចិត្តទុកដាក់ជួយគាំទ្រ តាមការចាំបាច់ដល់ប្រជាពលរដ្ឋ ដែលបានជម្លៀសមកកាន់ទីតាំងសុវត្ថិភាពនេះ៕