ព័ត៌មានផ្សេងៗទៀត
ចុះហត្ថលេខាបង្កើតមជ្ឈមណ្ឌលកសិកម្មអន្ដរជាតិកូរ៉េនៅកម្ពុជា
ចេញផ្សាយ ១៥ មករា ២០១៨ 3290
កាលពីថ្ងៃទី១២ មេសា មានរៀបចំពិធីចុះហត្ថលេខា លើអនុស្សរណៈនៃកិច្ចព្រមព្រៀងរវាងក្រសួងកសិកម្ម រុក្ខាប្រមាញ់ និងនេសាទ និងរដ្ឋបាលអភិវឌ្ឍន៏ជនបទនៃសាធារណកូរ៉េស្ដីពីការបង្កើតមជ្ឈមណ្ឌល កសិកម្មអន្ដរជាតិកូរ៉េ ស្ដីពីការបង្កើតមជ្ឈមណ្ឌលកសិកម្មអន្ដរជាតិកូរ៉េនៅកម្ពុជា។
ពិធីចុះហត្ថលេខានេះ បានធ្វើឡើងនៅវិទ្យាស្ថានស្រាវជ្រាវ និងអភិវឌ្ឍន៏កសិកម្មកម្ពុជារវាងលោកបណ្ឌិត ច័ន្ទ សារុន រដ្ឋមន្ដ្រីក្រសួងកសិកម្ម រុក្ខាប្រមាញ់ និង នេសាទនិងលោក Kim Jae-Soo ប្រធានរដ្ឋបាលអភិវឌ្ឍន៏ជនបទនៃសាធារណរដ្ឋកូរ៉េ ក្រោមអធិបតីភាពលោក យឹមឆៃលី ឧបនាយករដ្ឋមន្ដ្រីនិងជាប្រធានក្រុមប្រឹក្សាស្ដារអភិវឌ្ឍន៏វិស័យកសិកម្ម និងជនបទ។
លោកបណ្ឌិតច័ន្ទ សារុន បានថ្លែងថា កិច្ចសហប្រតិបត្ដិការទ្វេភាគីរវាងកម្ពុជា និងកូរ៉េក្នុងវិស័យកសិកម្មបានចាប់ផ្ដើមតាំងពីឆ្នាំ១៩៩៦ម្ល៉េះ ដែលរហូតមកដល់ពេលបច្ចុប្បន្ន យើងទទួលបានជំនួយលើការបណ្ដុះបណ្ដាលនិងអភិវឌ្ឍន៏ធនធានមនុស្ស ការផ្ដល់នូវជំនាញការស្ម័គ្រចិត្ដ ដើម្បីជួយពង្រឹងសមត្ថភាពផ្នែកទីផ្សារកសិកម្ម ការងារស្រាវជ្រាវកសិកម្ម និងការផ្ដល់នូវជំនួយអភិវឌ្ឍន៏ជូនដល់រដ្ឋបាលព្រៃឈើ អគ្គនាយកដ្ឋានកសិកម្ម និងនាយកដ្ឋានផលិតកម្ម និងបសុព្យាបាលជាបន្ដបន្ទាប់។
ខណៈមានវិបត្ដិសេដ្ឋកិច្ចសាកលលោកឆ្នាំ២០០៨វិស័យកសិកម្មនៅតែដើរតួនាទីយ៉ាងសំខាន់ និងជាចលករដ៏រឹងមាំមួយក្នុងការទ្រទ្រង់សេដ្ឋកិច្ចកម្ពុជាឱ្យគេចចេញពីវិបត្ដិបាន ពោគឺវិស័យកសិកម្មអាចធានាស្បៀងអាហារគ្រប់គ្រាន់សំរាប់ប្រជាពលរដ្ឋកម្ពុជាប្រមាណជាង១៤លាននាក់ ដោយគិតរបបហូបចុក១៤៣គីឡូក្រាមក្នុងមនុស្សម្នាក់ៗនិងមានអតិរេកស្រូវ-អង្ករ តាំងពីឆ្នាំ១៩៩៥មកម្ល៉េះ តែយើយទទួលស្គាល់ថា នៅមានការខ្វះខាតខ្លះៗនៅតាមតំបន់មួយចំនួន។
ជាក់ស្ដែងនៅក្នុងឆ្នាំនេះ ផ្ទៃដីដំណាំស្រូវអនុវត្ដបានជាង២,៧២លានហិកតា ក្នុងនោះស្រូវវស្សាជាង២,៣៣លានហិកតា ទិន្នផលមធ្យម២,៦២តោន/ហិកតានិងស្រូវប្រាំង០,៣៨លានហិកតា ទិន្នផលមធ្យម៤,១២តោន/ហិកតា។ ជារួមក្នុងឆ្នាំ២០០៩យើងទទួលបានបរិមាណស្រូវសរុបចំនួន៧,៥៨លានតោនទិន្នផលជាមធ្យម២,៨៣តោន/ហិកតា ដែលក្នុងអំឡុងទសវត្សឆ្នាំ៥០-៦០យើងទទួលបានត្រឹតែ១តោនក្នុងហិកតាតែប៉ុណ្ណោះ។
សរុបមកបរិមាណផលស្រូវឆ្នាំនេះកើនលើសឆ្នាំមុន៥,៧២% និងសល់អង្ករជាតុល្យភាពស្បៀងជាង២,២៤លានតោន។ក្នុងឆ្នាំ២០០៩នេះដែរ ដំណាំកសិកម្មបានចូលរួមប្រហែល៥៣% ផលិតផល នេសាទ២៥% ផលិតកម្មសត្វ១៥,៣%ព្រៃនិងអាជីវកម្ម៦,៦%នៃផលិតផលសរុបក្នុងវិស័យកសិកម្ម។ចំពោះការងារស្រាវជ្រាវ និងផ្សព្វផ្សាយបច្ចេកទេសកសិកម្ម យើងទទួលស្គាល់ នៅមានកំរិតនៅឡើយបើប្រៀបធៀបជាមួយបណ្ដាលប្រទេសមួយចំនួនទាំងក្នុងសមាគមន៏អាស៊ាន និងក្នុងតំបន់។
ពិធីចុះហត្ថលេខាលើអនុស្សរណៈនៃកិច្ចព្រមព្រៀងរវាងក្រសួងកសិកម្ម រុក្ខាប្រមាញ់ និងនេសាទ និងរដ្ឋបាលអភិវឌ្ឍន៏ជនបទ ស្ដីពីការបង្កើតមជ្ឈមណ្ឌលកសិកម្មអន្ដរជាតិកូរ៉េនៅកម្ពុជានាពេលនេះ គឺជាសក្ខីភាពមួយបង្ហាញពីកិច្ចប្រឹងប្រែង និងគាំទ្រយ៉ាងខ្លាំងក្លាពីសំណាក់ប្រមុខរារដ្ឋាភិបាលនៃព្រះរាជាណាចក្រកម្ពុជា។ យើងមានជំនឿយ៉ាងមុតមាំថា មជ្ឈមណ្ឌលអន្ដរជាតិនេះ នឹងជួយជំរុញឱ្យការងារស្រាវជ្រាវ និងផ្សព្វផ្សាយបច្ចេកទេសកសិកម្មនៅកម្ពុជាកាន់តែមានភាពទូលំទូលាយ និងស៊ីជំរៅបន្ថែមទៀត ដើម្បីឱ្យកម្ពុជាមានលទ្ធភាពពេញលេញក្នុងការធ្វើសមាហរណកម្មបច្ចេកវិទ្យាជាមួយបណ្ដាប្រទេសក្នុងសមាគមអាស៊ាន និងក្នុងតំបន់ ពិសេសឆ្លើយតបទៅនឹងតំរូវការទីផ្សារ និងសេចក្ដីត្រូវការរបស់ប្រជាកសិករតាមទិសដៅអភិវឌ្ឍន៏សហស្សវត្សជាសាកល។
លោកឧបនាយករដ្ឋមន្ដ្រីយឹម ឆៃលីបានថ្លែងថាវិស័យកសិកម្ម បានក្លាយទៅជាប្រភពដ៏សំខាន់មួយក្នុងការបង្កើនចំណូលដល់កសិករខ្មែរ ជាពិសេសគ្រួសារដែលក្រីក្រនៅតាមជនបទ ដោយបានចំណែកកាត់បន្ថយភាពក្រីក្ររបស់ប្រជាសជនកម្ពុជា។ វិស័យនេះនៅតែមានតួនាទីដ៏លេចធ្លោ ក្នុងការផ្ដល់ឱកាសការងារជិត៨០ភាគរយ នៃកម្លាំងពលកម្មសរុបក្នុងប្រទេស។
ថ្វីត្បិតតែវិស័យទេសចរណ៏វិស័យកាត់ដេរ និងវិស័យសំណង់ បានទទួលរងផលប៉ះពាល់ពីវិបត្ដិសេដ្ឋកិច្ចពិភពលោក ផ្ទុយទៅវិញវិស័យកសិកម្មនេះបានពង្រឹងតួនាទីរបស់ខ្លួនក្នុងការជួយទ្រទ្រង់កំណើនសេដ្ឋកិច្ចកម្ពុជា ដើម្បីឱ្យរាជរដ្ឋាភិបាលអាចសម្រេចបាននូវគោលដៅអភិវឌ្ឍន៏ប្រទេសជាតិ ស្របតាមយុទ្ធសាស្ដ្រចតុកោណដំណាក់កាលទី។ រយះពេលជាងដប់ឆ្នាំកន្លងទៅនេះ វិនិយោគទុនកូរ៉េមកកម្ពុជា ពាណិជ្ជកម្មកូរ៉េ-កម្ពុជា និងទេសចរណ៏កូរ៉េបានហក់ឡើងខ្ពស់ហួសពីការស្មាន ដែលមានតំលៃជាទឹកប្រាក់រាប់រយលានដុល្លារអាមេរិក។នេះជាការរួមចំណែកមួយដែលមិនអាចកាត់ថ្លៃបានរបស់ប្រជាជន និងរដ្ឋាភិបាលកូរ៉េ ក្នុងការស្ដារ និងអភិវឌ្ឍន៏ប្រទេសកម្ពុជា។
លោកឧបនាយករដ្ឋមន្ដ្រីបានរំលឹកថាក្នុងការបំពេញទស្សនកិច្ចជាផ្លូវរដ្ឋរបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជានៅសាធារណរដ្ឋកូរ៉េ កាលពីដើមខែមិថុនាឆ្នាំ២០០៩កន្លងទៅ គឺមានកិច្ចព្រមព្រៀងនិងអនុស្សរណៈនៃការយោគយល់គ្នាចំនួន៧ដែលត្រូវបានចុះហត្ថលេខាក្នុងអំឡុងពេលទស្សនកិច្ច។ ក្នុងនោះមានអនុស្សរនៈមួយស្ដីពីកិច្ចសហប្រតិបត្ដិការវិទ្យាសាស្ដ្រ និងបច្ចកទេសកសិកម្មត្រូវបានចុះហត្ថលេខាដោយលោកច័ន្ទ សារុន រដ្ឋមន្ដ្រីក្រសួងកសិកម្ម រុក្ខាប្រមាញ់ និងនេសាទនិងលោកគីមជេស៊ូ (Kim Jae-Soo)ប្រធានរដ្ឋបាលអភិវឌ្ឍន៏ជនបទនៃសាធារណកូរ៉េ៕
ចេញផ្សាយ ៣១ តុលា ២០២៤ 86
ឯកឧត្តមរដ្ឋមន្ដ្រី ឌិត ទីណា អនុញ្ញាតឱ្យសាស្រ្តាចារ្យនៃសាកលវិទ្យាល័យណាហ្គោយ៉ា និងក្រុមហ៊ុន SATAKE ចូលជួបសម្តែងការគួរសម និងពិភាក្សាការងារ
ចេញផ្សាយ ៣១ តុលា ២០២៤ 92
ឯកឧត្តមរដ្ឋមន្ដ្រី ឌិត ទីណា ទទួលជួបសម្តែងការគួរសម និងពិភាក្សាការងារជាមួយ ឯកឧត្តម TARAS KACHKA អនុរដ្ឋមន្ត្រីក្រសួងអភិវឌ្ឍន៍សេដ្ឋកិច្ច ពាណិជ្ជកម្ម និងកសិកម្មនៃប្រទេសអ៊ុយក្រែន
ចេញផ្សាយ ៣១ តុលា ២០២៤ 119
ឯកឧត្តមរដ្ឋមន្ដ្រី ឌិត ទីណា អញ្ជើញជាអធិបតីក្នុងពិធីជួបសំណេះសំណាលជាមួយថ្នាក់ដឹកនាំ និងមន្រ្តីរាជការនៃក្រសួងកសិកម្ម រុក្ខាប្រមាញ់ និងនេសាទ
ចេញផ្សាយ ៣០ តុលា ២០២៤ 142
ឯកឧត្តមរដ្ឋមន្ដ្រី ឌិត ទីណា អញ្ជើញជាអធិបតីក្នុងពិធីចុះហត្ថលេខាលេីអនុស្សរណៈនៃការយោគយល់គ្នារវាងក្រសួងកសិកម្ម រុក្ខាប្រមាញ់ និងនេសាទ និងដៃគូ
ចេញផ្សាយ ៣០ តុលា ២០២៤ 137
សូមថ្វាយព្រះសព្ទសាធុការពរ ព្រះករុណាជាអម្ចាស់ជីវិតលើត្បូង ព្រះបាទសម្តេចព្រះបរមនាថ ព្រះចៅក្នុងកម្ពុជាធិបតី ជាទីគោរពសក្ការៈដ៏ខ្ពង់ខ្ពស់បំផុត ក្នុងព្រះរាជវរោកាស ខួបទី២០ ការយាងគ្រងព្រះបរមសិរីរាជសម្បត្តិ (២៩ តុលា ២០០៤ - ២៩ តុលា ២០២៤)
ចេញផ្សាយ ២៨ តុលា ២០២៤ 185
ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានអញ្ជើញគោរពវិញ្ញាណក្ខន្ធសពឯកឧត្តម ជា ចាន់តូ តំណាងរាស្រ្តមណ្ឌលខេត្តកំពង់ធំ និងជាអគ្គទេសាភិបាលកិត្តិយសធនាគារជាតិនៃកម្ពុជា
ចេញផ្សាយ ២៦ តុលា ២០២៤ 287
ឯកឧត្តមរដ្ឋមន្ត្រី ឌិត ទីណា ផ្ញើសារលិខិតចូលរួមរំលែកមរណទុក្ខ ជូនចំពេាះ លោកជំទាវ ជា សិរី អគ្គទេសាភិបាលធនាគារជាតិនៃកម្ពុជា ព្រមទាំងក្រុមគ្រួសារ
ចេញផ្សាយ ២៦ តុលា ២០២៤ 264
ឯកឧត្តមរដ្ឋមន្ត្រី ឌិត ទីណា ផ្ញើសារលិខិតចូលរួមរំលែកមរណទុក្ខចំពោះមរណភាពរបស់ ឯកឧត្តមបណ្ឌិត ជា ចាន់តូ ទេសាភិបាលកិត្តិយសធនាគារជាតិនៃកម្ពុជា និងជាតំណាងរាស្រ្តមណ្ឌលខេត្តកំពង់ធំ
ចេញផ្សាយ ២៥ តុលា ២០២៤ 298
ឯកឧត្តមរដ្ឋមន្រ្តី ឌិត ទីណា ដឹកនាំកិច្ចប្រជុំពិភាក្សាលេីសេចក្តីព្រាងអនុស្សរណៈនៃការយោគយល់គ្នារវាងវិទ្យាស្ថានស្រាវជ្រាវ និងអភិវឌ្ឍន៍កសិកម្មកម្ពុជា (CARDI) និងវិទ្យាស្ថានស្រាវជ្រាវធញ្ញជាតិ (IIG) នៃក្រសួងកសិកម្មគុយបា
ចេញផ្សាយ ២៤ តុលា ២០២៤ 395
ឯកឧត្តមរដ្ឋមន្រ្តី ឌិត ទីណា អញ្ជេីញចូលរួមកិច្ចប្រជុំរដ្ឋមន្រ្តីកសិកម្មនិងព្រៃឈេីអាស៊ានលេីកទី៤៦ (46th AMAF) កិច្ចប្រជុំរដ្ឋមន្រ្តីកសិកម្មនិងព្រៃឈេីអាស៊ានបូកបីលេីកទី២៤ (24th AMAF Plus Three) និងកិច្ចប្រជុំរដ្ឋមន្រ្តីកសិកម្ម និងព្រៃឈេីអាស៊ាន-ឥណ្ឌាលេីកទី៨ (8th AIMMAF)
ចេញផ្សាយ ២៣ តុលា ២០២៤ 402
ផ្សោតពណ៌ផ្កាឈូក ទាក់ចិត្តភ្ញៀវទេសចរកាន់តែច្រើនឱ្យទៅលេងសហគមន៍នេសាទព្រែកត្នោត នៃខេត្តកំពត
