ឯកឧត្តមបណ្ឌិតអគ្គលេខាធិការ សរ ចិត្រា ទទួលអំណោយសប្បុរសធម៌សម្រាប់ផ្គត់ផ្គង់ជូនវីរកងទ័ពសមរភូមិមុខ និងប្រជាជនភៀសសឹក នៅខេត្តបន្ទាយមានជ័យ

ចេញ​ផ្សាយ​ ៩ មករា ២០២៦ 207

នាព្រឹកទី៩ ខែមករា ឆ្នាំ២០២៦ ឯកឧត្តមបណ្ឌិត សរ ចិត្រា អគ្គលេខាធិការ តំណាងដ៏ខ្ពង់ខ្ពស់ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ បានអញ្ជើញទទួលអំណោយសប្បុរសធម៌ ជាគ្រឿងឧបភោគបរិភោគ ពីក្រុមហ៊ុន សាយីម៉ិច តាម្ចាស់ស្រែ ខូអិលធីឌី ដឹកនាំដោយលោកជំទាវ ម៉ម រ៉ែនឌី និងក្រុមហ៊ុន ជា ឆាយណា ត្រេឌីង ឯ.ក ដឹកនាំដោយលោក ជា ឆាយ សម្រាប់ផ្គត់ផ្គង់ជូនវីរកងទ័ពសមរភូមិមុខ កងកម្លាំងការពារព្រំដែន និងប្រជាជនភៀសសឹកនៅខេត្តបន្ទាយមានជ័យ។ 
ក្នុងនាមឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តបន្ទាយមានជ័យ ឯកឧត្តមបណ្ឌិត អគ្គលេខាធិការបានថ្លែងអំណរគុណយ៉ាងជ្រាលជ្រៅ ចំពោះក្រុមហ៊ុនទាំងពីរ សម្រាប់អំណោយសប្បុរសធម៌ដ៏ថ្លៃថ្លានេះ ដែលជាសក្ខីភាពបង្ហាញពីស្មារតីសាមគ្គីភាពជាធ្លុងមួយផ្សារភ្ជាប់រវាងសមរភូមិមុខ និងសមរភូមិក្រោយ ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងរាជរដ្ឋាភិបាលកម្ពុជា៕