មុខងារនិងរចនាសម្ព័ន្ធ
ក្រសួងកសិកម្ម រុក្ខាប្រមាញ់ និងនេសាទបំពេញមុខងារដូចខាងក្រោម៖
១- ដឹកនាំនិងគ្រប់គ្រងលើវិស័យកសិកម្មនៃព្រះរាជាណាចក្រកម្ពុជា រួមមាន៖
១.១- ដាក់ចេញនូវវិធានការសេដ្ឋកិច្ច ដើម្បីសម្របសម្រួលបង្កើត គាំទ្រ និងតម្រង់ទិសសហគមន៍ កសិកម្មទំនើប។
១.២- ផ្ដល់បច្ចេកទេសផលិតកម្មកសិកម្មនិងការប្រមូលផល។
១.៣- តម្រង់ទិសខ្សែច្រវាក់តម្លៃផលិតកម្មកសិកម្មនិងរក្សាលំនឹងថ្លៃកសិផល។
១.៤- ស្រាវជ្រាវនិងអភិវឌ្ឍបច្ចេកវិទ្យា បច្ចេកទេសផលិតកម្មកសិកម្ម វិស្វកម្មកសិកម្ម និងធាតុចូល កសិកម្ម។
១.៥- គ្រប់គ្រងធាតុចូលកសិកម្ម។
១.៦- គ្រប់គ្រងអនាម័យនិងភូតគាមអនាម័យ។
១.៧- ផ្តល់សេវាពិសោធន៍វិភាគផល ផលិតផល និងធាតុចូលកសិកម្ម។
១.៨- ផ្ដល់បច្ចេកទេសកែច្នៃផលនិងកសិផល។
១.៩- គ្រប់គ្រងធនធានធម្មជាតិកសិកម្ម គ្រប់គ្រងសាយតេស បង្ការ និងបង្ក្រាបបទល្មើស។
១.១០- ស្រាវជ្រាវ បណ្តុះបណ្តាល អភិវឌ្ឍសមត្ថភាព ជំនាញវិជ្ជាជីវៈកសិកម្ម និងផ្សព្វផ្សាយកសិកម្ម។
១.១១- គ្រប់គ្រងផលិតកម្មកសិកម្មតាមរយៈដៃគូជាមួយវិស័យឯកជន។
១.១២- សម្របសម្រួល អនុវត្ត និងផ្តល់យោបល់លើគោលនយោបាយ ផែនការយុទ្ធសាស្ត្រ ផែនការ វិនិយោគ ច្បាប់និងលិខិតបទដ្ឋានគតិយុត្ត។
១.១៣- គ្រប់គ្រងការងាររដ្ឋបាល ធនធានមនុស្ស ហិរញ្ញវត្ថុ ផែនការនិងស្ថិតិ សវនកម្ម អធិការកិច្ច នីតិកម្ម សហប្រតិបត្តិការ និងបរិវត្តកម្មឌីជីថល។
១.១៤- ចូលរួមកម្មវិធីកែទម្រង់ក្នុងក្របខ័ណ្ឌក្រសួងនិងកម្មវិធីកែទម្រង់នានា។
១.១៥- ធ្វើរបាយការណ៍ស្តីពីវឌ្ឍនភាពការងារតាមកាលកំណត់ជូនរាជរដ្ឋាភិបាល។
២- អនុវត្តភារកិច្ចផ្សេងទៀតតាមការប្រគល់ពីប្រមុខរាជរដ្ឋាភិបាល។
