ព័ត៌មានផ្សេងៗទៀត
ឯកឧត្តមបណ្ឌិត អ៊ុក រ៉ាប៊ុន ជួបជាមួយឯកឧត្តម Don Benton សមាជិកព្រឹទ្ធសភានៃសហរដ្ឋអាម៉េរិក
ចេញផ្សាយ ២៥ មករា ២០១៨ 2257
ឯកឧត្តមបណ្ឌិត អ៊ុក រ៉ាប៊ុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទបានស្វាគមន៍យ៉ាងកក់ក្តៅដល់គណៈប្រតិភូសហរដ្ឋអាមេរិក ដឹកនាំដោយឯកឧត្តម Don Benton សមាជិកព្រឹទ្ធសភានៃសហរដ្ឋអាម៉េរិក អមដោយតំណាងក្រុមហ៊ុន និងតំណាងស្ថានទូតសហរដ្ឋអាមេរិកប្រចាំព្រះរាជាណាចក្រកម្ពុជា ដែលបានអញ្ជើញមកបំពេញទស្សនកិច្ចជាផ្លូវការនៅព្រះរាជាណាចក្រកម្ពុជា ជាពិសេសនៅក្រសួងកសិកម្ម រុក្ខាប្រមាញ់ និងនេសាទ។ កិច្ចសវនាការនេះបានប្រព្រឹត្តទៅនារសៀលថ្ងៃទី១៥ ខែតុលា ឆ្នាំ២០១៤ នៅទីស្តីការក្រសួងកសិកម្ម រុក្ខាប្រមាញ់ និងនេសាទក្នុងគោលបំណងសិក្សាស្វែងយល់អំពីសក្តានុពលនៃវិស័យកសិកម្មនៅកម្ពុជា ការធ្វើកិច្ចសហប្រតិបត្តិការ និងការជំរុញការធើ្វកសិពាណិជ្ជកម្មរវាងប្រទេសទាំងពីរឲ្យកាន់តែរីកចម្រើនឡើងថែមទៀត។
ឯកឧត្តមបណ្ឌិតរដ្ឋមន្ត្រីបានគូសបញ្ជាក់អំពីសក្តានុពលសំខាន់ៗនៃវិស័យកសិកម្មជាអាទិ៍ដំណាំស្រូវដំណាំចម្រុះ កៅស៊ូ ផលិតកម្មសត្វ ផលនេសាទ ធនធានមនុស្ស។ល។ ទាំងអស់នេះជាមូលដ្ឋានសម្រាប់កិច្ចសហប្រតិបត្តិការ ដើម្បីលើកកម្ពស់ផលិតកម្ម និងកិច្ចការវិនិយោគនៅកម្ពុជា។ បច្ចុប្បន្នកម្ពុជាបានឈានដល់ដំណាក់កាលដែលមានអតិរេកអង្ករ ហើយដែលក្រសួងកំពុងខិតខំជំរុញផលិតកម្មស្រូវ និងការនាំចេញអង្ករតាមគោល នយោបាយរបស់រាជរដ្ឋាភិបាលឲ្យបានយ៉ាងតិច ១លានតោននៅឆ្នាំ២០១៥ និងធ្វើយ៉ាងណាឲ្យអង្ករកម្ពុជាត្រូវបានគេទទួលស្គាល់តាមស្តង់ដារអន្តរជាតិ។ ជាក់ស្តែងនៅឆ្នាំ២០១៣ អង្ករប្រមាណជាង៣៧៨ ពាន់តោនត្រូវបាននាំចេញទៅកាន់៦៦ប្រទេសនៅតំបន់អាស៊ី អាហ្វ្រិក និងសហគមន៍អឺរ៉ុប។ ក្នុងរយៈពេល៩ខែដើមឆ្នាំ២០១៤នេះ កម្ពុជាបាននាំចេញអង្ករប្រមាណជិត២៧០ពាន់តោនទៅកាន់៥៧ប្រទេស។ ទោះបីមានការខិតខំប្រឹងប្រែងពីសំណាក់រាជរដ្ឋាភិបាលក៏ដូចជាក្រសួងកសិកម្ម រុក្ខាប្រមាញ់ និងនេសាទ ក៏កម្ពុជានៅជួបបញ្ហាប្រឈមខ្លះៗ ដែលតម្រូវឲ្យមានការជួយជ្រោមជ្រែងក្នុងក្របខណ្ឌនៃកិច្ចសហប្រតិបត្តិការទ្វេ-ពហុភាគី និងការវិនិយោគបន្ថែមទៀតពីបណ្តាប្រទេសជាមិត្តវិស័យឯកជនទាំងផ្នែកបច្ចេកទេស និងថវិកា ជាអាទិ៍លើការបញ្ជ្រាបបច្ចេកទេសទំនើប ការស្រាវជ្រាវ ការអភិវឌ្ឍធនធានមនុស្ស ប្រព័ន្ធស្រោចស្រព បច្ចេកទេសទុកដាក់ក្រោយពេលប្រមូលផល ការកែច្នៃកសិផល ហេដ្ឋារចនាសម្ព័ន្ធគ្រប់គ្រាន់ ការដឹកជញ្ជូន និងការផ្តល់ឥណទានមានការប្រាក់ទាបពីស្ថាប័នហិរញ្ញវត្ថុដល់ការវិនិយោគក្នុងវិស័យកសិកម្ម ពិសេសកសិកម្មជាលក្ខណៈគ្រួសារ។ ក្រៅពីវិស័យសំខាន់ៗខាងលើនេះ សហរដ្ឋអាមេរិក ក៏អាចធ្វើកិច្ចសហប្រតិបត្តិការលើផ្នែកដំណាំឈើហូបផ្លែ ដំណាំបន្លែ ដំណាំសណ្តែកសៀង ដំឡូង ការកែច្នៃកសិផល ការវេចខ្ចប់ និងផលិតកម្មសត្វជាដើម។ ឯកឧត្តមបណ្ឌិតរដ្ឋមន្ត្រី បានស្នើដល់សមភាគី ជួយជំរុញវិនិយោគិនលើវិស័យកសិកម្មនៅកម្ពុជាឲ្យបានច្រើន ដើម្បីបង្កើនផលិតភាពនិងពាណិជ្ជូបនីយកម្មតាមផ្នែកនីមួយឲ្យបានទូលំទូលាយសម្រាប់កំណើនសេដ្ឋកិច្ចជាតិនិងកាត់បន្ថយភាពក្រីក្ររបស់ប្រជាពលរដ្ឋនិងការយកចិត្តទុកដាក់បង្កើនផលិតផលក្នុងស្រុកប្រកបដោយគុណភាព ស្របតាមកំណើនទេសចរណ៍នៅកម្ពុជាដែលចេះតែកើនឡើងពី១ឆ្នាំទៅ១ឆ្នាំ។
ជាការឆ្លើយតបឯកឧត្តមប្រធានគណៈប្រតិភូសហរដ្ឋអាមេរិកបានលើកឡើងពីភាពខ្លាំងក្នុងវិស័យកសិកម្មរបស់ខ្លួនដូចជារដ្ឋវ៉ាស៊ីនតោន ជារដ្ឋកសិកម្មមួយនៅសហរដ្ឋអាមេរិក ដែលបាននិងកំពុងប្រើប្រាស់បច្ចេកវិទ្យាទំនើបថ្មីៗក្នុងវិស័យកសិកម្ម (រួមមានRemote Technology និង GPS Technology) ដែលធ្វើការបញ្ជាពីប្រព័ន្ធផ្កាយរណប ដោយមិនចាំបាច់ប្រើប្រាស់កម្លាំងមនុស្សសម្រាប់ធ្វើការកំណត់ទីតាំង និងគោលដៅជាដើម ជាពិសេសលើដំណាំឈើហូបផ្លែ និងការធ្វើកសិកម្មជារួម។ ពាក់ព័ន្ធជាមួយបញ្ហាប្រឈម និងតម្រូវការរបស់កម្ពុជាដែលកំពុងជួបប្រទះនោះ ឯកឧត្តមសមាជិកព្រឹទ្ធសភា បានសម្តែងនូវការគាំទ្រឱ្យមានការចែករំលែកនូវបទពិសោធន៍ ការស្រាវជ្រាវ និងបច្ចេកវិទ្យាថ្មីៗ រវាងសហរដ្ឋអាមេរិក និងព្រះរាជាណាចក្រកម្ពុជា និងជំរុញឲ្យមានវិនិយោគិនមកពីសហរដ្ឋអាមេរិកលើវិស័យកសិកម្មថែមទៀត។ គណៈប្រតិភូអាមេរិកក៏មានចំណាប់អារម្មណ៍លើវិធីសាស្ត្រនៃការគ្រប់គ្រង និងការធ្វើអាជីវកម្មព្រៃឈើនៅកម្ពុជាផងដែរ។
ឯកឧត្តមបណ្ឌិតរដ្ឋមន្ត្រី បានគូសបញ្ជាក់ថារាជរដ្ឋាភិបាលបានផ្តល់ដីសម្បទានសេដ្ឋកិច្ចដល់ក្រុមហ៊ុនដើម្បីធ្វើការវិនិយោគនិងអភិវឌ្ឍន៍ដំណាំកសិឧស្សាហកម្មនាពេលកន្លងមក។ បច្ចុប្បន្ននេះ រាជរដ្ឋាភិបាលកម្ពុជា បានផ្អាកការផ្តល់ដីសម្បទានសេដ្ឋកិច្ចតាំងពីខែឧសភា ឆ្នាំ២០១២មកម្ល៉េះ ហើយបានជំរុញឲ្យក្រុមហ៊ុនដែលបានទទួលដីសម្បទានសេដ្ឋកិច្ចទាំងនោះអនុវត្តកិច្ចសន្យារបស់ខ្លួនឲ្យបានតឹងរឹងបំផុត ជៀសវាងផលប៉ះពាល់ជាមួយប្រជាជនព្រមទាំងការលើកកម្ពស់ ការអភិរក្សធនធានធម្មជាតិ។ ក្រសួងបានយកចិត្តទុកដាក់ជំរុញឲ្យមានការដាំឈើឡើងវិញជៀសវាងសម្ពាធទៅលើការប្រើប្រាស់ឈើធម្មជាតិ និងការចាត់វិធានការទប់ស្កាត់បទល្មើសព្រៃឈើតាមគ្រប់រូបភាព។
ឯកឧត្តមDon Benton សមាជិកព្រឹទ្ធសភារដ្ឋវ៉ាស៊ីនតោនបានថ្លែងអំណរដ៏ជ្រាលជ្រៅចំពោះឯកឧត្តមបណ្ឌិតរដ្ឋមន្ត្រីនិងសហការី ដែលអនុញ្ញាតឲ្យគណៈប្រតិភូរបស់ឯកឧត្តម បានចូលជួបសម្តែងការគួរសម និងពិភាក្សាការងារក្នុងឱកាសពេលឈប់សម្រាកនៃទិវាប្រារព្ធពិធីគោរពព្រះវិញ្ញាណក្ខន្ធ ព្រះករុណាព្រះបាទសម្តេចព្រះនរោត្តម សីហនុ ព្រះបរមរតនកោដ្ឋហើយសន្យាថា នឹងនាំយកចំណាប់អារម្មណ៍ដ៏ល្អពីប្រទេសកម្ពុជា ដើម្បីជួយផ្សព្វផ្សាយឲ្យមានការគាំទ្រដល់កិត្តិនាម និងមុខមាត់របស់ប្រទេសកម្ពុជា ប្រកបដោយភាពវិជ្ជមាន ការអភិវឌ្ឍលើគ្រប់វិស័យ និងគួរជាទីមោទនៈដើម្បីផលប្រយោជន៍ប្រជាជនកម្ពុជា។ ដោយឡែកចូលរួមគាំទ្រការអភិវឌ្ឍក្នុងវិស័យកសិកម្មនៅកម្ពុជា។
ឯកឧត្តមរដ្ឋមន្ត្រី បានថ្លែងអំណុរគុណចំពោះលទ្ធផលនៃកិច្ចសវនាការប្រកបដោយផ្លែផ្កានិងគាំទ្រដលើដំណើការនៃកិច្ចសហប្រតិបត្តិការទាំងបច្ចុប្បន្ននិងអនាគតក្នុងការអភិវឌ្ឍវិស័យកសិកម្មនៅកម្ពុជាឲ្យកាន់តែល្អប្រសើរ។ កិច្ចសវនាការបានប្រព្រឹត្តទៅក្នុងបរិយាកាសរីករាយ ស្និទ្ធស្នាល និងកិច្ចសហប្រតិបត្តិការខ្ពស់ ៕
ចេញផ្សាយ ១៩ កញ្ញា ២០២៤ 82
ឯកឧត្តមរដ្ឋមន្ដ្រី ឌិត ទីណា បានអនុញ្ញាតិឱ្យអង្គការ Swisscontact Cambodia ជួបសំដែងការគួរសម និងសូមការណែនាំជាផ្លូវការនូវនាយកប្រចាំប្រទេសរបស់អង្គការ និងការលាលែងរបស់អតីតនាយកប្រចាំប្រទេស របស់អង្គការ Swisscontact Cambodia
ចេញផ្សាយ ១៩ កញ្ញា ២០២៤ 83
សេចក្ដីប្រកាសព័ត៌មានរួម ស្ដីពី កិច្ចប្រជុំអន្តរក្រសួងលើកទី២ ស្ដីពីការសម្របសម្រួលការអនុវត្តកម្មវិធីនយោបាយ និងសកម្មភាពដែលពាក់ព័ន្ធនឹងសហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូ
ចេញផ្សាយ ១៩ កញ្ញា ២០២៤ 85
ឯកឧត្តមរដ្ឋមន្ដ្រី ៣រូប រួមគ្នាដឹកនាំកិច្ចប្រជុំអន្តរក្រសួងលេីកទី២ ស្ដីពីការងារកសិកម្ម អភិវឌ្ឍន៍ជនបទ និងធនធានទឹក
ចេញផ្សាយ ១៩ កញ្ញា ២០២៤ 123
ឯកឧត្តមអនុរដ្ឋលេខាធិការ ទឹម បូរក្ស បានដឹកនាំកម្លាំងចម្រុះ ចុះបង្ក្រាបបទល្មើសនេសាទ នៅស្រុកកងមាស ខេត្តកំពង់ចាម
ចេញផ្សាយ ១៨ កញ្ញា ២០២៤ 156
លោកជំទាវអនុរដ្ឋលេខាធិការ អ៊ឹម រចនា ទទួលជួបសំណេះ សំណាលជាមួយគណៈប្រតិភូ និងថ្នាក់ដឹកនាំនៃសមាគម នាវាយុវជនអាស៊ីអាគ្នេយ៍ នៅទីស្តីការក្រសួងកសិកម្ម រុក្ខាប្រមាញ់ និងនេសាទ
ចេញផ្សាយ ១៨ កញ្ញា ២០២៤ 150
ឯកឧត្តមរដ្ឋមន្ត្រី ឌិត ទីណា ទទួលជួបសម្តែងការគួរសមជាមួយក្រុមហ៊ុន សិលា ផិបភេីរ ខូអិលធីឌី
ចេញផ្សាយ ១៨ កញ្ញា ២០២៤ 149
ឯកឧត្តមអនុរដ្ឋលេខាធិការ គី ច័ន្ទរំដួល បានអញ្ជីញដឹកនាំក្រុមការងារ ចុះពិនិត្យគម្រោងព្រៃលំហែកម្សាន្ត និងសួនអាស៊ាន-កូរ៉េ ក្នុងតំបន់ស្ដារ និងអភិវឌ្ឍន៍ព្រៃឈើ «បន្ទាយស្រី» ខេត្តសៀមរាប
ចេញផ្សាយ ១៧ កញ្ញា ២០២៤ 175
ឯកឧត្តមរដ្ឋមន្ត្រី ឌិត ទីណា អញ្ជើញជាគណៈអធិបតីក្នុងពិធីចុះហត្ថលេខាលើអនុស្សរណៈយោគយល់គ្នារវាងក្រសួងកសិកម្ម រុក្ខាប្រមាញ់ និងនេសាទ និងសាជីវកម្មធានាឥណទានកម្ពុជា (CGCC)
ចេញផ្សាយ ១៧ កញ្ញា ២០២៤ 177
ឯកឧត្តមរដ្ឋមន្ត្រី ឌិត ទីណា ដឹកនាំកិច្ចប្រជុំពិភាក្សាស្តីពី «សេចក្តីព្រាងផែនការកិច្ចសហប្រតិបត្តិការរវាងរាជរដ្ឋាភិបាលកម្ពុជា និងរដ្ឋាភិបាលសាធារណរដ្ឋប្រជាមានិតចិន ស្តីពីការអភិវឌ្ឍរួមគ្នាក្នុងច្រករបៀងមច្ឆា និងអង្ករ»
ចេញផ្សាយ ១៧ កញ្ញា ២០២៤ 172
ឯកឧត្តមអនុរដ្ឋលេខាធិការ ខាត់ សុធី អញ្ជើញដឹកនាំសម្របសម្រួលវគ្គបណ្តុះបណ្តាល Farmbook App ដល់មន្ដ្រីកសិកម្មឃុំ ក្នុងខេត្តព្រៃវែង
ចេញផ្សាយ ១៧ កញ្ញា ២០២៤ 180
ឯកឧត្តមឡោ រស្មី អនុរដ្ឋលេខាធិការ អញ្ជើញជាអធិបតីបើកវគ្គបណ្តុះបណ្តាលដល់អាជីវករដែលមានបំណងធ្វើពាណិជ្ជកម្មពាក់ព័ន្ធនឹងជី-ថ្នាំកសិកម្ម នៅខេត្តសៀមរាប
