ព័ត៌មានផ្សេងៗទៀត
ឯកឧត្តមបណ្ឌិត អ៊ុក រ៉ាប៊ុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានទទួលជួបធ្វើសវនាការជាមួយ ឯកឧត្តម PROCESO “PROCY” J.ALCALA លេខាធិការនៃនាយកដ្ឋានកសិកម្មនិងសហការី នៃសាធារណរដ្ឋហ្វីលីពីន
ចេញផ្សាយ ២៥ មករា ២០១៨ 2301
កាលពីល្ងាចថ្ងៃទី២៥ ខែមីនា ឆ្នាំ២០១៥ នៅទីស្តីការក្រសួងកសិកម្ម រុក្ខាប្រមាញ់ និងនេសាទ ឯកឧត្តមបណ្ឌិត អ៊ុក រ៉ាប៊ុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានទទួលជួបធ្វើសវនាការជាមួយ ឯកឧត្តម PROCESO “PROCY” J.ALCALA លេខាធិការនៃនាយកដ្ឋានកសិកម្ម និងសហការី នៃសាធារណរដ្ឋហ្វីលីពីន។គោលបំណងនៃជំនួបពិភាក្សានេះគឺទី១ ការពង្រឹងកិច្ចសហប្រតិបត្តិការទ្វេភាគីរវាងប្រទេសទាំងពីរលើវិស័យកសិកម្ម និងកសិពាណិជ្ជកម្ម ទី២ ពិភាក្សាលើខ្លឹមសារនៃសេចក្តីព្រាង និងកំណត់ពេលវេលាសមស្របណាមួយដើម្បីចុះហត្ថលេខា MOU ស្តីពីកិច្ចសហប្រតិបត្តិការលើវិស័យកសិកម្ម និងកសិពាណិជ្ជកម្មរវាងព្រះរាជាណាចក្រកម្ពុជានិងសាធារណរដ្ឋហ្វីលីពីន។ទាក់ទងនឹងសេចក្តីព្រាង MOU នេះឯកឧត្តម PROCESO “PROCY” J.ALCALA បានស្នើរឱ្យក្រុមការងារបច្ចេកទេសនៃប្រទេសទាំងពីរបន្តពិភាក្សាលើចំនុចសំខាន់ៗមួយចំនួនធ្វើយ៉ាងណាឱ្យខ្លឹមសារជារួមទាំងលក្ខណៈបច្ចេកទេស និងសហប្រតិបត្តិការរវាងប្រទេសទាំងពីរកាន់តែល្អប្រសើរដើម្បីឈានដល់ការចុះហត្ថលេខានៅក្នុងកិច្ចប្រជុំ AMAF នៅទីក្រុង Manila ប្រទេសហ្វីលីពីន នាចុងឆ្នាំ២០១៥នេះ។ ឆ្លើយតបទៅនឹងសំណើររបស់ឯកឧត្តម PROCESO “PROCY” J.ALCALA ឯកឧត្តមរដ្ឋមន្ត្រីបានជម្រាបជូនភ្ញៀវថាភាគីកម្ពុជាបានពិនិត្យនិងកែសម្រួលលើចំនុចសំខាន់មួយចំនួន ហើយភាគីកម្ពុជានឹងទន្ទឹងរង់ចាំចុះហត្ថលេខានាពេលឆាប់ខាងមុខនេះ។ ឆ្លៀតឱកាសនេះឯកឧត្តមរដ្ឋមន្ត្រីបានជម្រាបជូនភ្ញៀវដោយសង្ខេបពីការវិវឌ្ឍន៍វិស័យកសិកម្មនៅកម្ពុជាដោយបានគូសបញ្ជាក់ថាបច្ចុប្បន្នវិស័យកសិកម្មបានដើរតួនាទីយ៉ាងសំខាន់ក្នុងការអភិវឌ្ឍសេដ្ឋកិច្ច និងការធានាសន្តិសុខស្បៀងដែលមានចែងនៅក្នុងយុទ្ធសាស្ត្រចតុកោណដំណាក់កាលទី៣របស់រាជរដ្ឋាភិបាល និងបានកំណត់យ៉ាងច្បាស់អំពីការលើកកម្ពស់ផលិតភាពពិពិធភាវូបនីយកម្ម និងពាណិជ្ជូបនីយកម្មកសិកម្ម ការលើកកម្ពស់ការចិញ្ចឹមសត្វ និងវារីវប្បកម្ម។ រាជរដ្ឋាភិបាលកម្ពុជាបានដាក់ចេញនូវគោលនយោបាយស្តីពីការបង្កើនផលិតភាពផលិតស្រូវឱ្យបាន៤លានតោន ជំរុញការនាំអង្ករចេញឱ្យបាន១លានតោន និងត្រូវធ្វើយ៉ាងណាឱ្យទីផ្សារអន្តរជាតិទទួលស្គាល់គុណភាពអង្ករកម្ពុជា។ ក្រៅពីផលិតកម្មស្រូវ វិស័យវារីវប្បកម្ម និងផលិតកម្មសត្វក៏ជាវិស័យអាទិភាពមួយក្នុងការជួយលើកស្ទួយជីវភាពប្រជាពលរដ្ឋនៅតាមជនបទផងដែរ។ បច្ចុប្បន្នកម្ពុជាកំពុងតែទទួលយកបច្ចេកវិទ្យាទំនើបៗមកអនុវត្តក្នុងវិស័យកសិកម្មដូចជាការប្រើប្រាស់គ្រឿងយន្តកសិកម្ម បច្ចេកទេសដាំដុះ ការជ្រើសរើសពូជ និងការថែរក្សា។ល។
តែទោះយ៉ាងណាទិន្នផលដែលយើងទទួលបាននៅទាបប្រមាណជា ២ទៅ៣តោនក្នុង១ហិកតាចំពោះដំណាំស្រូវបើប្រៀបធៀបទៅនឹងប្រទេសជិតខាង។ នៅតាមតំបន់ខ្លះកសិករអាចធ្វើបាន ២-៣ ដងក្នុងមួយរដូវ។ ក្រៅពីដំណាំស្រូវកម្ពុជានៅមានដំណាំកសិឧស្សាហកម្មមួយចំនួនទៀតដូចជា ពោត សណ្តែក ដំឡូងមី កៅស៊ូ ម្រេច ផលិតកម្មសត្វ និងផលនេសាទទាំងទឹកសាប និងនេសាទសាមុទ្រ និងជាពិសេសព្រៃឈើដែលបច្ចុប្បន្នផ្ទៃដីប្រមាណជា៦០ភាគរយគ្របដណ្តប់ដោយព្រៃឈើ ប្រជាសហគមន៍បាន និងកំពុងទាញយកប្រយោជន៍ពីផល និងអនុផលព្រៃឈើនេះ។ ចំពោះដំណាំកៅស៊ូយើងមានជាលក្ខណៈគ្រួសារ និងកៅស៊ូក្រុមហ៊ុនភាគច្រើនបានដាំលើដីសម្បទានសេដ្ឋកិច្ចដែលមានផ្ទៃដីប្រមាណ ៣៥ម៉ឺនហិកតាក្រៅពីកៅស៊ូកម្ពុជាបាន និងកំពុងផលិត និងនាំចេញស្កសរផងដែរ។ ទាក់ទងនឹងវិស័យព្រៃឈើរដ្ឋាភិបាលបានដាក់ចេញនូវគោលនយោបាយដាំឈើឡើងវិញថែរក្សា និងអភិរក្សសម្រាប់ជាគម្របព្រៃឈើ និងការថែរក្សាបានបរិស្ថានធម្មជាតិល្អសម្រាប់កូនចៅជំនាន់ក្រោយ។ ចំណែកវិស័យជលផលកម្ពុជាមានទន្លេសាបដែលផ្តល់ផលប្រមាណ៥សែនតោនក្នុងមួយឆ្នាំៗ ហើយផលនេះបានជួយសេដ្ឋកិច្ចគ្រួសារក៏ដូចជាសេដ្ឋកិច្ចជាតិយ៉ាងច្រើន។ រដ្ឋាភិបាលបានកំណត់គោលនយោបាយក្នុងវិស័យវារីវប្បកម្មក្នុងគោលបំណងធ្វើយ៉ាងណាផ្គត់ផ្គង់ឱ្យបានគ្រប់គ្រាន់តាមតម្រូវការដែលចំនួនអ្នកបរិភោគចេះតែកើនឡើងជាលំដាប់ និងជាពិសេសដើម្បីកាត់បន្ថយការនេសាទធម្មជាតិពីស្ទឹង បឹង ទន្លេ ដើម្បីថែរក្សាការពារ និងអភិរក្សពូជត្រីដែលហៀបនឹងវិនាស។ ទាក់ទងនឹងបញ្ហានេះឯកឧត្តមរដ្ឋមន្ត្រីបានស្នើសុំឱ្យភាគីហ្វីលីពីនពិនិត្យលទ្ធភាពកៀងគរអ្នកវិនិយោគលើវិស័យវារីវប្បកម្ម និងកែច្នៃផលនេសាទសមុទ្រជាពិសេសស្នើសុំកិច្ចសហការលើការងារបច្ចេកទេសផ្ទាល់តែម្តង។
ភាគីហ្វីលីពីនជាបឋមបានស្វាគមន៍ចំពោះកម្ពុជាដែលបានជាប់លេខ១ចំពោះគុណភាពអង្ករល្អជាងគេនៅទូទាំងពិភពលោកពីរឆ្នាំជាប់គ្នានេះជាមោទនភាពរបស់រដ្ឋាភិបាលក៏ដូចប្រជាជនកម្ពុជាផងដែរ។ ចំពោះវិស័យផ្សេងទៀតដែលភាគីកម្ពុជាបានលើកឡើង ឯកឧត្តមប្រតិភូនឹងយកទៅពិភាក្សាដាក់ចូលនៅក្នុងសេចក្តីព្រាង MOU រវាងក្រសួងទាំងពីរ។ ក្រៅពីនេះក្នុងនាមក្រសួងកសិកម្មហ្វីលីពីនឯកឧត្តមនឹងផ្តល់មតិជូនដល់រាជរដ្ឋាភិបាលហ្វីលីពីនក្នុងការពិចារណាពិនិត្យលទ្ធភាពនាំចូលអង្ករពីព្រះរាជាណាចក្រកម្ពុជានាពេលអនាគត។ កិច្ចសវនាការ និងជំនួបពិភាក្សាការងារនេះបានប្រព្រឹត្តទៅក្នុងបរិយាកាសរីករាយ ស្និទ្ធស្នាល និងកិច្ចសហប្រតិបត្តិការខ្ពស់៕
ចេញផ្សាយ ១៩ កញ្ញា ២០២៤ 105
ឯកឧត្តមរដ្ឋមន្ដ្រី ឌិត ទីណា បានអនុញ្ញាតិឱ្យអង្គការ Swisscontact Cambodia ជួបសំដែងការគួរសម និងសូមការណែនាំជាផ្លូវការនូវនាយកប្រចាំប្រទេសរបស់អង្គការ និងការលាលែងរបស់អតីតនាយកប្រចាំប្រទេស របស់អង្គការ Swisscontact Cambodia
ចេញផ្សាយ ១៩ កញ្ញា ២០២៤ 108
សេចក្ដីប្រកាសព័ត៌មានរួម ស្ដីពី កិច្ចប្រជុំអន្តរក្រសួងលើកទី២ ស្ដីពីការសម្របសម្រួលការអនុវត្តកម្មវិធីនយោបាយ និងសកម្មភាពដែលពាក់ព័ន្ធនឹងសហគមន៍កសិកម្មទំនើប សហគមន៍កសិករប្រើប្រាស់ទឹក និងភូមិគំរូ
ចេញផ្សាយ ១៩ កញ្ញា ២០២៤ 109
ឯកឧត្តមរដ្ឋមន្ដ្រី ៣រូប រួមគ្នាដឹកនាំកិច្ចប្រជុំអន្តរក្រសួងលេីកទី២ ស្ដីពីការងារកសិកម្ម អភិវឌ្ឍន៍ជនបទ និងធនធានទឹក
ចេញផ្សាយ ១៩ កញ្ញា ២០២៤ 135
ឯកឧត្តមអនុរដ្ឋលេខាធិការ ទឹម បូរក្ស បានដឹកនាំកម្លាំងចម្រុះ ចុះបង្ក្រាបបទល្មើសនេសាទ នៅស្រុកកងមាស ខេត្តកំពង់ចាម
ចេញផ្សាយ ១៨ កញ្ញា ២០២៤ 167
លោកជំទាវអនុរដ្ឋលេខាធិការ អ៊ឹម រចនា ទទួលជួបសំណេះ សំណាលជាមួយគណៈប្រតិភូ និងថ្នាក់ដឹកនាំនៃសមាគម នាវាយុវជនអាស៊ីអាគ្នេយ៍ នៅទីស្តីការក្រសួងកសិកម្ម រុក្ខាប្រមាញ់ និងនេសាទ
ចេញផ្សាយ ១៨ កញ្ញា ២០២៤ 155
ឯកឧត្តមរដ្ឋមន្ត្រី ឌិត ទីណា ទទួលជួបសម្តែងការគួរសមជាមួយក្រុមហ៊ុន សិលា ផិបភេីរ ខូអិលធីឌី
ចេញផ្សាយ ១៨ កញ្ញា ២០២៤ 155
ឯកឧត្តមអនុរដ្ឋលេខាធិការ គី ច័ន្ទរំដួល បានអញ្ជីញដឹកនាំក្រុមការងារ ចុះពិនិត្យគម្រោងព្រៃលំហែកម្សាន្ត និងសួនអាស៊ាន-កូរ៉េ ក្នុងតំបន់ស្ដារ និងអភិវឌ្ឍន៍ព្រៃឈើ «បន្ទាយស្រី» ខេត្តសៀមរាប
ចេញផ្សាយ ១៧ កញ្ញា ២០២៤ 183
ឯកឧត្តមរដ្ឋមន្ត្រី ឌិត ទីណា អញ្ជើញជាគណៈអធិបតីក្នុងពិធីចុះហត្ថលេខាលើអនុស្សរណៈយោគយល់គ្នារវាងក្រសួងកសិកម្ម រុក្ខាប្រមាញ់ និងនេសាទ និងសាជីវកម្មធានាឥណទានកម្ពុជា (CGCC)
ចេញផ្សាយ ១៧ កញ្ញា ២០២៤ 186
ឯកឧត្តមរដ្ឋមន្ត្រី ឌិត ទីណា ដឹកនាំកិច្ចប្រជុំពិភាក្សាស្តីពី «សេចក្តីព្រាងផែនការកិច្ចសហប្រតិបត្តិការរវាងរាជរដ្ឋាភិបាលកម្ពុជា និងរដ្ឋាភិបាលសាធារណរដ្ឋប្រជាមានិតចិន ស្តីពីការអភិវឌ្ឍរួមគ្នាក្នុងច្រករបៀងមច្ឆា និងអង្ករ»
ចេញផ្សាយ ១៧ កញ្ញា ២០២៤ 180
ឯកឧត្តមអនុរដ្ឋលេខាធិការ ខាត់ សុធី អញ្ជើញដឹកនាំសម្របសម្រួលវគ្គបណ្តុះបណ្តាល Farmbook App ដល់មន្ដ្រីកសិកម្មឃុំ ក្នុងខេត្តព្រៃវែង
ចេញផ្សាយ ១៧ កញ្ញា ២០២៤ 193
ឯកឧត្តមឡោ រស្មី អនុរដ្ឋលេខាធិការ អញ្ជើញជាអធិបតីបើកវគ្គបណ្តុះបណ្តាលដល់អាជីវករដែលមានបំណងធ្វើពាណិជ្ជកម្មពាក់ព័ន្ធនឹងជី-ថ្នាំកសិកម្ម នៅខេត្តសៀមរាប
